ഹോക്കി ലോകകപ്പ്; ശ്രീജേഷ് ടീമില്‍, സുനിലും രൂപീന്ദറുമില്ല

Fri,Nov 09,2018


ന്യൂഡല്‍ഹി: ഈ മാസം ഭുവനേശ്വറില്‍ തുടങ്ങുന്ന ഹോക്കി ലോകകപ്പിനുള്ള ഇന്ത്യന്‍ ടീമില്‍ മുന്‍നിര താരങ്ങളായ എസ്.വി. സുനില്‍, രൂപീന്ദര്‍ സിങ്, രമണ്‍ദീപ് സിങ് എന്നിവരില്ല. ഏഷ്യന്‍ ഗെയിംസില്‍ ടീമിനെ നയിച്ച മലയാളി താരം ശ്രീജേഷില്‍ നിന്ന് ക്യാപ്റ്റന്‍ സ്ഥാനം മന്‍പ്രീത് സിങ് ഏറ്റെടുക്കും. ചിംഗ്ലെന്‍സന സിങ്ങാണ് വൈസ് ക്യാപ്റ്റന്‍. ശ്രീജേഷ് തന്നെയാകും ഇന്ത്യയുടെ ഗോള്‍വലയം കാക്കുക. 34 അംഗ സാധ്യതാ ടീമില്‍നിന്ന് വ്യാഴാഴ്ചയാണ് ഹോക്കി ഇന്ത്യ 18 അംഗ ടീമിനെ പ്രഖ്യാപിച്ചത്. നവംബര്‍ 28 മുതല്‍ ഡിസംബര്‍ 16 വരെ ഭുവനേശ്വറിലെ കലിംഗ സ്റ്റേഡിയത്തിലാണ് മത്സരങ്ങള്‍. പ്രാഥമിക ഘട്ടത്തില്‍ ബെല്‍ജിയം, കാനഡ, ദക്ഷിണാഫ്രിക്ക എന്നിവരുള്‍പ്പെട്ട ഗ്രൂപ്പ് സിയിലാണ് ഇന്ത്യയുടെ മത്സരങ്ങള്‍.

ആദ്യ മത്സരത്തില്‍ നവംബര്‍ 28-ന് ഇന്ത്യ ദക്ഷിണാഫ്രിക്കയെ നേരിടും. പരിചയസമ്പന്നരായ രമണ്‍ദീപും സുനിലും ഇല്ലാത്തത് ഇന്ത്യയുടെ മുന്നേറ്റത്തെ ബാധിക്കും. പരിക്കാണ് ഇരുവര്‍ക്കും വിനയായത്. ഏഷ്യന്‍ ചാമ്പ്യന്‍സ് ട്രോഫി മത്സരങ്ങള്‍ക്കുമുമ്പ് കാല്‍മുട്ടിനേറ്റ പരിക്കില്‍ നിന്ന് എസ്.വി. സുനില്‍ പൂര്‍ണമായും മുക്തനായിട്ടില്ല. രമണ്‍ദീപ് സിങ്ങും കുറച്ചുകാലമായി പരിക്കിലാണ്. അതേസമയം ഫോമില്ലായ്മയാണ് രൂപീന്ദര്‍പാല്‍ സിങ്ങിന്റെ സ്ഥാനം തെറിപ്പിച്ചത്. ഒഡിഷക്കാരനായ 34-കാരന്‍ ബീരേന്ദ്ര ലാക്ര സ്വന്തം നാട്ടില്‍ ലോകകപ്പ് കളിക്കാനുള്ള ടീമില്‍ ഇടംനേടി. ഒഡിഷയില്‍നിന്നുള്ള അമിത് രോഹിതാസും ടീമിലുണ്ട്. പുതുമുഖങ്ങളായി നീലകണ്ഠ ശര്‍മയും ഹാര്‍ദിക് സിങ്ങും ടീമില്‍ ഇടംനേടി.

'ഏറ്റവും മികച്ച 34 താരങ്ങളില്‍നിന്ന് 18 പേരെ തിരഞ്ഞെടുക്കാന്‍ ഏറെ ബുദ്ധിമുട്ടി. ലഭ്യമായ ഏറ്റവും മികച്ച താരങ്ങളെയാണ് അന്തിമ ടീമില്‍ ഉള്‍പ്പെടുത്തിയത് '- കോച്ച് ഹരേന്ദ്ര സിങ് പറഞ്ഞു. ഇന്ത്യന്‍ ടീം: ഗോള്‍കീപ്പര്‍മാര്‍: പി.ആര്‍. ശ്രീജേഷ്. കൃഷന്‍ ബഹാദൂര്‍ പഥക്. പ്രതിരോധം: ഹര്‍മന്‍പ്രീത് സിങ്, ബീരേന്ദ്ര ലക്ര, വരുണ്‍ കുമാര്‍, കൊതജിത് സിങ്, സുരേന്ദര്‍ കുമാര്‍, അമിത് രോഹിതാസ്. മധ്യനിര: മന്‍പ്രീത് സിങ് (ക്യാപ്റ്റന്‍), ചിംഗ്ലന്‍സന സിങ് (വൈസ് ക്യാപ്റ്റന്‍), നീലകണ്ഠ ശര്‍മ, ഹാര്‍ദിക് സിങ്, സുമിത്. മുന്‍നിര: അകാശ്ദീപ് സിങ്, മന്‍ദീപ് സിങ്, മന്‍ദീപ് സിങ്, ദില്‍പ്രീത് സിങ്, ലളിത് കുമാര്‍ ഉപാധ്യായ്, സിമ്രന്‍ജീത്ത് സിങ്.

Other News

  • ശ്വാസകോശത്തെ ബാധിക്കുന്ന ഗുരുതര രോഗം; ജോണ്‍ ഹേസ്റ്റിങ്‌സ് വിരമിച്ചു
  • സായ് അക്കാദമി ഹോസ്റ്റലില്‍ കായിക താരം തൂങ്ങിമരിച്ച നിലയില്‍
  • വിരാട് കോലിയുടെ 'രാജ്യം വിടല്‍' പരാമര്‍ശത്തെ കുറിച്ച് വിശ്വനാഥന്‍ ആനന്ദ്
  • ബാലണ്‍ദ്യോര്‍ വിജയിയുടെ പേര് ചോര്‍ന്നു
  • ബംഗ്ലാദേശ് ക്രിക്കറ്റ് ക്യാപ്റ്റന്‍ മഷ്റഫെ മൊര്‍താസ സജീവ രാഷ്ട്രീയത്തിലേക്ക്
  • വിന്‍ഡീസിനെതിരായ ടിട്വന്റി പരമ്പര ഇന്ത്യ തൂത്തുവാരി
  • മിതാലി രാജിന്റെ മികവില്‍ പാക്കിസ്ഥാനെതിരെ ഇന്ത്യന്‍ വനിതകള്‍ക്ക് ഏഴ് വിക്കറ്റ് ജയം
  • അവസാന ഏകദിനത്തില്‍ 40 റണ്‍സ് വിജയം; ഓസീസിനെതിരായ പരമ്പര ദക്ഷിണാഫ്രിക്ക സ്വന്തമാക്കി
  • മുനാഫ് പട്ടേല്‍ വിരമിച്ചു
  • ആരാധകര്‍ക്ക് നേരെ ആക്രമണം; വെച്ചുപൊറുപ്പിക്കില്ലെന്ന് എഫ്‌സി ഗോവ
  • യുവെന്റസില്‍ ഫ്രീകിക്കുകളെടുക്കാന്‍ റൊണാള്‍ഡോയ്ക്ക് വിലക്ക്
  • Write A Comment

     
    Reload Image
    Add code here