'നിങ്ങള്‍ ആ പാര്‍ട്ടിയെ മാത്രം സുഖിപ്പിച്ചാല്‍ മതി'- ഗംഭീറിനുള്ള മറുപടി അസ്ഹര്‍ പിന്‍വലിച്ചു

Wed,Nov 07,2018


കൊല്‍ക്കത്ത ടിട്വന്റി മത്സരത്തിന് മുന്നോടിയായി മണിമുഴക്കാനുള്ള അവകാശം മുന്‍ ക്യാപ്റ്റന്‍ അസറുദ്ദീനെ ഏല്‍പിച്ചതുമായി ബന്ധപ്പെട്ട് ഉടലെടുത്ത വിവാദങ്ങള്‍ തുടരുന്നു. അസറുദ്ദീനെ ഇതിനായി തെരഞ്ഞെടുത്തതിനെതിരെ ഗൗതം ഗംഭീര്‍ രംഗത്ത് വന്നിരുന്നു. ഗംഭീറിന് മറുപടിയുമായി അസറുദ്ദീനുമെത്തിയതോടെ വിവാദം കൊഴുത്തു. എന്നാല്‍ ഇപ്പോള്‍ തന്റെ ട്വീറ്റ് പിന്‍വലിച്ചിരിക്കയാണ് അസറുദ്ദീന്‍.
ഗൗതം ഗംഭീറിന്റെ വിമര്‍ശനത്തിന് അതേ നാണയത്തില്‍ മുഹമ്മദ് അസ്ഹറുദ്ദീന്‍മറുപടി നല്‍കി . ഇന്ത്യയും വിന്‍ഡീസും തമ്മിലുള്ള ആദ്യ ടിട്വന്റിക്ക് മുമ്പായി കൊല്‍ക്കത്ത ഈഡന്‍ ഗാര്‍ഡന്‍സിലെ മണിയടിക്കാന്‍ അസ്ഹറുദ്ദീനെ ചുമതലപ്പെടുത്തിയതായിരുന്നു ഗംഭീറിന്റെ വിമര്‍ശനത്തിന് കാരണം. ഒത്തുകളിയെത്തുടര്‍ന്ന് ക്രിക്കറ്റില്‍ നിന്ന് വിലക്ക് നേരിട്ട ഒരു താരത്തെ ഇത്തരം ചടങ്ങുകള്‍ക്ക് ക്ഷണിച്ച ബി.സി.സി.ഐയേയും ബംഗാള്‍ ക്രിക്കറ്റ് അസോസിയേഷനേയും ചോദ്യം ചെയ്തായിരുന്നു ഗംഭീറിന്റെ ട്വീറ്റ്.

എന്നാല്‍ ഇതിന് മറുപടിയുമായി ഇന്ത്യയുടെ മുന്‍ ക്യാപ്റ്റന്‍ രംഗത്തെത്തുകയായിരുന്നു. ഓരോന്ന് ട്വീറ്റ് ചെയ്യുന്നതിന് മുമ്പെ നന്നായി ആലോചിക്കണമെന്നും ഒരു പ്രത്യേക രാഷ്ട്രീയ പാര്‍ട്ടിയെ മാത്രം ഗംഭീര്‍ സുഖിപ്പിച്ചാല്‍ മതിയെന്നും അസ്ഹര്‍ ട്വീറ്റില്‍ പറയുന്നു. അസ്ഹറെന്നാല്‍ മികച്ചൊരു ക്രിക്കറ്റ് താരമാണ്. നിയമത്തിന്റെ കണ്ണില്‍ അയാള്‍ കുറ്റക്കാരനല്ല. ഗംഭീര്‍ ഒരു പ്രത്യേക പാര്‍ട്ടിയെ മാത്രം സുഖിപ്പിച്ചാല്‍ മതി. അനുഭവസമ്പത്തുള്ള ഒരു മുന്‍താരത്തോട് ഒന്നും പറയേണ്ടതില്ല. ഒരു ക്രിക്കറ്ററെന്ന നിലയില്‍ അയാള്‍ താങ്കളേക്കാള്‍ മികച്ചവനാണ്. ആലോചിച്ച് മാത്രം ട്വീറ്റ് ചെയ്യുക. അസ്ഹര്‍ ട്വീറ്റ് ചെയ്തു.

എന്നാല്‍ ഇപ്പോള്‍ ഈ ട്വീറ്റ് അസ്ഹറിന്റെ അക്കൗണ്ടിലില്ല. ആ ട്വീറ്റ് അസ്ഹര്‍ നീക്കം ചെയ്യുകയായിരുന്നു. കൂടുതല്‍ വിവാദങ്ങള്‍ ക്ഷണിച്ചുവരുത്തേണ്ടെന്നു കരുതിയാകും അസ്ഹര്‍ ട്വീറ്റ് കളഞ്ഞതെന്നാണ് ആരാധകര്‍ പറയുന്നത്.

Other News

  • ശ്വാസകോശത്തെ ബാധിക്കുന്ന ഗുരുതര രോഗം; ജോണ്‍ ഹേസ്റ്റിങ്‌സ് വിരമിച്ചു
  • സായ് അക്കാദമി ഹോസ്റ്റലില്‍ കായിക താരം തൂങ്ങിമരിച്ച നിലയില്‍
  • വിരാട് കോലിയുടെ 'രാജ്യം വിടല്‍' പരാമര്‍ശത്തെ കുറിച്ച് വിശ്വനാഥന്‍ ആനന്ദ്
  • ബാലണ്‍ദ്യോര്‍ വിജയിയുടെ പേര് ചോര്‍ന്നു
  • ബംഗ്ലാദേശ് ക്രിക്കറ്റ് ക്യാപ്റ്റന്‍ മഷ്റഫെ മൊര്‍താസ സജീവ രാഷ്ട്രീയത്തിലേക്ക്
  • വിന്‍ഡീസിനെതിരായ ടിട്വന്റി പരമ്പര ഇന്ത്യ തൂത്തുവാരി
  • മിതാലി രാജിന്റെ മികവില്‍ പാക്കിസ്ഥാനെതിരെ ഇന്ത്യന്‍ വനിതകള്‍ക്ക് ഏഴ് വിക്കറ്റ് ജയം
  • അവസാന ഏകദിനത്തില്‍ 40 റണ്‍സ് വിജയം; ഓസീസിനെതിരായ പരമ്പര ദക്ഷിണാഫ്രിക്ക സ്വന്തമാക്കി
  • മുനാഫ് പട്ടേല്‍ വിരമിച്ചു
  • ആരാധകര്‍ക്ക് നേരെ ആക്രമണം; വെച്ചുപൊറുപ്പിക്കില്ലെന്ന് എഫ്‌സി ഗോവ
  • യുവെന്റസില്‍ ഫ്രീകിക്കുകളെടുക്കാന്‍ റൊണാള്‍ഡോയ്ക്ക് വിലക്ക്
  • Write A Comment

     
    Reload Image
    Add code here