സച്ചിനും തമ്പിയും തിളങ്ങി; സൗരാഷ്ട്രയെ തകര്‍ത്ത് കേരളം

Tue,Oct 09,2018


ന്യൂഡല്‍ഹി: വിജയ് ഹസാരെ ട്രോഫി എലൈറ്റ് ഗ്രൂപ്പ് എ-ബി മത്സരത്തില്‍ സൗരാഷ്ട്രയ്‌ക്കെതിരേ കേരളത്തിന് ഉജ്ജ്വല വിജയം. ഇന്ത്യന്‍ താരം ജയദേവ് ഉനദ്കട്ട് നയിച്ച ടീമിനെ 46 റണ്‍സിനാണ് കേരളം തോല്‍പ്പിച്ചത്. കേരളത്തിന്റെ നാലാം ജയമാണിത്.

ആദ്യം ബാറ്റു ചെയ്ത കേരളം നിശ്ചിത 50 ഓവറില്‍ ഏഴു വിക്കറ്റ് നഷ്ടത്തില്‍ 316 റണ്‍സെടുത്തു. കേരളത്തിനായി ഓപ്പണര്‍മാരായ വിഷ്ണു വിനോദ് (62), ജലജ് സക്‌സേന (33) എന്നിവര്‍ മികച്ച തുടക്കമാണ് നല്‍കിയത്. പിന്നാലെ 72 പന്തില്‍ നിന്ന് 93 റണ്‍സെടുത്ത നായകന്‍ സച്ചിന്‍ ബേബിയുടെ ഇന്നിങ്‌സാണ് കേരളത്തെ മികച്ച സ്‌കോറിലെത്തിച്ചത്.

സഞ്ജു സാംസണ്‍ (30), വി.എ ജഗദീഷ് (41) എന്നിവരും മികച്ച സംഭാവനകള്‍ നല്‍കി. ഏഴാമനായി ഇറങ്ങി 14 പന്തില്‍ നിന്ന് 38 റണ്‍സെടുത്ത അരുണ്‍ കാര്‍ത്തിക്കിന്റെ വെടിക്കെട്ട് ബാറ്റിങ്ങാണ് കേരളത്തിന്റെ സ്‌കോര്‍ മൂന്നുറു കടത്തിയത്. സൗരാഷ്ട്രയ്ക്കായി ജയ് ചൗഹാന്‍ മൂന്നും യുവ്‌രാജ് ചുടസാമ രണ്ടും വിക്കറ്റുകള്‍ വീഴ്ത്തി. 10 ഓവര്‍ എറിഞ്ഞ നായകന്‍ ഉനദ്കട്ടിന് വിക്കറ്റൊന്നും ലഭിച്ചില്ല.

മറുപടി ബാറ്റിങ്ങിനിറങ്ങിയ സൗരാഷ്ട്രയുടെ ഇന്നിങ്‌സ് മൂന്നു പന്തുകള്‍ ബാക്കി നില്‍ക്കെ 270 റണ്‍സിന് അവസാനിച്ചു. നാലു വിക്കറ്റെടുത്ത ബേസില്‍ തമ്പിയും മൂന്നു വിക്കറ്റു നേടിയ കെ.സി അക്ഷയുമാണ് സൗരാഷ്ട്രയെ തകര്‍ത്തത്.

തകര്‍ത്തടിച്ചാണ് സൗരാഷ്ട്ര ഓപ്പണര്‍മാരായ റോബിന്‍ ഉത്തപ്പയും (18) ഷെല്‍ഡന്‍ ജാക്‌സണും (14) തുടങ്ങിയത്. ഇരുവരെയും പുറത്താക്കി ബേസില്‍ തമ്പി കേരളത്തിന് ബ്രേക്ക്ത്രൂ സമ്മാനിച്ചു. 91 റണ്‍സെടുത്ത സമാര്‍ത്ഥ് വ്യാസും 66 റണ്‍സെടുത്ത ചിരാഗ് ജാനിയും പൊരുതിയെങ്കിലും മധ്യനിര ഫോമിലേക്ക് ഉയരാത്തത് തിരിച്ചടിയായി.

അവസാന ഓവറുകളില്‍ സമാര്‍ത്ഥ് വ്യാസ് തകര്‍ത്തടിച്ചുവെങ്കിലും ഫലമുണ്ടായില്ല. 8 ബൗണ്ടറിയും 5 സിക്‌സും അടങ്ങുന്നതായിരുന്നു വ്യാസിന്റെ ഇന്നിങ്‌സ്. പത്താം വിക്കറ്റില്‍ വ്യാസിന്റെ മികവില്‍ സൗരാഷ്ട്ര 77 റണ്‍സാണ് നേടിയത്. എന്നാല്‍ വിജയത്തിലേക്ക് അത് മതിയായിരുന്നില്ല.

Other News

  • ഇന്ന് അര്‍ജന്റീന-ബ്രസീല്‍ പോരാട്ടം
  • ഇറ്റലിക്ക് ആദ്യജയം, പോളണ്ടിന് തരംതാഴ്ത്തല്‍
  • റഹീം സ്റ്റെര്‍ലിങ് നേടിയ ഇരട്ട ഗോളില്‍ ഇംഗ്ലണ്ട് സ്‌പെയ്‌നിനെ തകര്‍ത്തു
  • വെസ്റ്റിന്‍സീഡിസിനെതിരായ രണ്ടാം ടെസ്റ്റിലും ഇന്ത്യക്ക് ജയം
  • അന്താരാഷ്ട്ര സൗഹൃദ മത്സരം : ഇന്ത്യ ചൈനയെ സമനിലയില്‍ തളച്ചു
  • ഇഞ്ചുറി ടൈമിലെ ഗോളില്‍ ഇറ്റലിക്ക് ; സ്‌കോട്ട്‌ലന്‍ഡിനെ പരാജയപ്പെടുത്തി പോര്‍ച്ചുഗല്‍
  • രഞ്ജി ട്രോഫി; കേരളത്തെ സച്ചിന്‍ ബേബി നയിക്കും
  • അന്താരാഷ്ട്ര സൗഹൃദ ഫുട്ബോള്‍ ; 21 വര്‍ഷത്തിന് ശേഷം ഇന്ത്യയും ചൈനയും മുഖാമുഖം
  • മീ ടൂ ബിസിസിഐയിലേക്കും; രാഹുല്‍ ജോഹ്‌രിക്കെതിരെ മാധ്യമപ്രവര്‍ത്തക
  • ഫൈനലില്‍ തോറ്റു; ലക്ഷ്യ സെന്നിന് വെള്ളി
  • സൗദി അറേബ്യക്കെതിരായ സൗഹൃദ മത്സരത്തില്‍ ബ്രസീലിന് വിജയം
  • Write A Comment

     
    Reload Image
    Add code here