മുന്‍ ഇംഗ്ലണ്ട് നായകന്‍ പോള്‍ കോളിങ്വുഡ് സജീവക്രിക്കറ്റില്‍നിന്ന് വിരമിക്കല്‍ പ്രഖ്യാപിച്ചു

Thu,Sep 13,2018


ലണ്ടന്‍: മുന്‍ ഇംഗ്ലണ്ട് നായകന്‍ പോള്‍ കോളിങ്വുഡ് സജീവക്രിക്കറ്റില്‍നിന്ന് വിരമിക്കല്‍ പ്രഖ്യാപിച്ചു. നിലവില്‍ കൗണ്ടി ക്ലബ്ബ് ഡര്‍ഹാമിനായി കളിക്കുന്ന കോളിങ്വുഡ് ഈ സീസണ്‍ അവസാനത്തോടെ പാഡഴിക്കും. ഇക്കാര്യം ക്ലബ്ബും സ്ഥിരീകരിച്ചിട്ടുണ്ട്. ഏകദിനത്തില്‍ ഇംഗ്ലണ്ടിനായി ഏറ്റവും കൂടുതല്‍ മത്സരം കളിച്ച താരവും 2010-ലെ ടിട്വന്റി ലോകകപ്പ് കിരീടത്തിലേക്ക് നയിച്ച നായകനുമാണ് കോളിങ്വുഡ്. ഇംഗ്ലണ്ടിന് ആദ്യമായി ഐ.സി.സി കിരീടമായിരുന്നു ഇത്. 2007-ലെ വിസ്ഡന്‍ ക്രിക്കറ്റര്‍ ഓഫ് ദ ഇയറായി തിരഞ്ഞെടുക്കപ്പെട്ടതും കോളിങ്വുഡായിരുന്നു.

2001-ല്‍ ഏകദിനത്തിലും 2003-ല്‍ ടെസ്റ്റിലും അരങ്ങേറ്റം കുറിച്ച കോളിങ്വുഡ് 2011-ല്‍ അന്താരാഷ്ട്ര ക്രിക്കറ്റില്‍ നിന്ന് വിരമിച്ചിരുന്നു. തുടര്‍ന്ന് കൗണ്ടിയില്‍ കളി തുടര്‍ന്നു. ഇംഗ്ലണ്ടിനായി 68 ടെസ്റ്റുകളില്‍നിന്ന് 10 സെഞ്ചുറിയടക്കം 4259 റണ്‍സ് നേടിയ താരമാണ് അദ്ദേഹം. 197 ഏകദിനം കളിച്ച കോളിങ്വുഡ് 5078 റണ്‍സും 111 വിക്കറ്റും നേടിയിട്ടുണ്ട്. 36 ടിട്വന്റി മത്സരത്തില്‍ നിന്ന് 583 റണ്‍സെടുത്തിട്ടുണ്ട്.

2005-ല്‍ ബംഗ്ലാദേശിനെതിരായ ഏകദിന മത്സരത്തില്‍ സെഞ്ചുറി നേടുകയും ആറ് വിക്കറ്റ് വീഴ്ത്തുകയും ചെയ്ത കോളിങ്വുഡ്, ഈ നേട്ടം കൈവരിക്കുന്ന ആദ്യ കളിക്കാരനെന്ന റെക്കോഡും സ്വന്തമാക്കിയിരുന്നു.

Other News

  • രവീന്ദ്ര ജഡേജ ഏഷ്യാ കപ്പില്‍ ഏറ്റവും കൂടുതല്‍ വിക്കറ്റ് നേടുന്ന ഇന്ത്യന്‍ താരമായി
  • സൂപ്പര്‍ ഫോറില്‍ ഇന്ത്യയെ സമനിലയില്‍ തളച്ചു; ഏഷ്യാകപ്പില്‍ നിന്നും അഫ്ഗാന്‍ തലയുയര്‍ത്തി മടങ്ങി
  • സൂപ്പര്‍ ഫോറില്‍ ഇന്ത്യയെ സമനിലയില്‍ തളച്ചു; ഏഷ്യാകപ്പില്‍ നിന്നും അഫ്ഗാന്‍ തലയുയര്‍ത്തി മടങ്ങി
  • കോലി ഖേല്‍രത്‌ന ഏറ്റുവാങ്ങി; ജിന്‍സണ്‍ ജോണ്‍സണ്‍ അര്‍ജുന പുരസ്‌കാരവും ബോബി അലോഷ്യസ് ധ്യാന്‍ചന്ദ് പുരസ്‌കാരവും സ്വീകരിച്ചു
  • സൈനയും കശ്യപും വിവാഹിതരാകുന്നു
  • ന്ത്യന്‍ നാവികന്‍ അഭിലാഷ് ടോമി കരയിലെത്തി; ഇനി ആംസ്റ്റര്‍ഡാം ദ്വീപില്‍ വൈദ്യപരിശോധന
  • അഞ്ച് ക്യാപ്റ്റന്‍മാരെ വാതുവെപ്പുകാര്‍ സമീപിച്ചു; വെളിപ്പെടുത്തലുമായി ഐസിസി
  • മികച്ച ഫുട്‌ബോളര്‍ക്കുള്ള ഫിഫ പുരസ്‌കാരം ലൂക്കാ മോഡ്രിച്ചിന്
  • അണ്ടര്‍-16 ഏഷ്യന്‍ ഫുട്‌ബോള്‍ ചാമ്പ്യന്‍പ്പില്‍ ഇന്ത്യ ഇറാനെ ഗോള്‍രഹിത സമനിലയില്‍ പിടിച്ചു.
  • തുടര്‍ച്ചയായ അഞ്ചാം വിജയം ലക്ഷ്യമിട്ട് അഫ്ഗാനെതിരേ ഇന്ത്യ
  • മെസ്സി ഗോളടിച്ചിട്ടും ബാഴ്‌സയ്ക്ക് സമനില; ക്രിസ്റ്റ്യാനോയുടെ ഗോളില്‍ യുവന്റസിന് വിജയം
  • Write A Comment

     
    Reload Image
    Add code here