15 വര്‍ഷത്തിനിടെ മികച്ചടീമാണ് ഇപ്പോഴത്തേതെന്ന് അവകാശവാദം; രവിശാസ്ത്രിയ്‌ക്കെതിരെ മുന്‍ താരങ്ങള്‍

Thu,Sep 13,2018


വിദേശത്ത് പരമ്പരകള്‍ അടിയറവയ്ക്കുമ്പോഴും ഇന്ത്യന്‍ ക്രിക്കറ്റ് കോച്ച് രവിശാസ്ത്രി വീരവാദത്തില്‍ കുറവ് വരുത്തുന്നില്ല. ഏറ്റവും അവസാനം വിജയിക്കാവുന്ന മത്സരം പോലും തോറ്റ് ഇംഗ്ലണ്ടിനെതിരെ ടെസ്റ്റ് പരമ്പരയില്‍ കീഴടങ്ങിയപ്പോഴും രവിശാസ്ത്രി ഡയലോഗടിയില്‍ കുറവ് വരുത്തിയില്ല. 15 വര്‍ഷത്തിനിടെ മികച്ച ടീമാണ് ഇതെന്നായിരുന്നു അദ്ദേഹത്തിന്റെ അവകാശവാദം. എന്നാല്‍ ഇതിനെതിരെ മുന്‍ കളിക്കാര്‍ രംഗത്തെത്തി.

ടെസ്റ്റ് പരമ്പരയുടെ മധ്യത്തിലായിരുന്നു ശാസ്ത്രിയുടെ അവകാശവാദം. കെന്നിങ്ടണ്‍ ഓവലില്‍ നടന്ന അവസാന ടെസ്റ്റിന് തൊട്ടുമുമ്പ് ഒരിക്കല്‍ക്കൂടി തന്റെ ടീമിനെ അദ്ദേഹം വാനോളം പുകഴ്ത്തി.br/>
ശാസ്ത്രിയെ മുഖ്യപരിശീലകനായി നിയമിച്ച കമ്മിറ്റിയിലെ അംഗവും ഇന്ത്യയുടെ മുന്‍നായകനുമായ സൗരവ് ഗാംഗുലി, ശാസ്ത്രിയുടെ അവകാശവാദം തള്ളി. ശാസ്ത്രിയുടെ അഭിപ്രായപ്രകടനം അപക്വമാണെന്നും ടീം ഇനിയും മെച്ചപ്പെടാനുണ്ടെന്നുമായിരുന്നു ഗാംഗുലിയുടെ പ്രതികരണം. br/>
1980-കളില്‍ ഇന്ത്യന്‍ ടീം ഇംഗ്ലണ്ടിനെയും അന്നത്തെ ഏറ്റവും കരുത്തരെന്ന് വിശേഷിപ്പിക്കപ്പെട്ട വിന്‍ഡീസിനെയും അവരുടെ നാട്ടില്‍ തോല്‍പ്പിച്ച കാര്യം ബാറ്റിങ് ഇതിഹാസം ഗാവസ്‌കര്‍ ഓര്‍മപ്പെടുത്തി. 2007-ലും ഇന്ത്യന്‍ ടീം ഇംഗ്ലണ്ടിനെ തോല്‍പ്പിച്ചിരുന്നു. പര്യടനത്തിനുപോകുന്ന ടീം മികച്ചതാണെന്ന് വിശേഷിപ്പിക്കപ്പെടുന്നത് അവരുടെ പ്രകടനം കണക്കിലെടുത്താണെന്നകാര്യം ഇന്ത്യയുടെ മുന്‍ഓപ്പണര്‍ സെവാഗും ഓര്‍മിപ്പിച്ചു. പരമ്പര ജയിക്കാന്‍ ഇന്ത്യയ്ക്ക് അവസരമുണ്ടായിരുന്നു. എന്നാല്‍, തോല്‍വിയിലെ വന്‍മാര്‍ജിന്‍ കഴിവിനൊത്ത് അവര്‍ മിടുക്കുകാട്ടിയില്ല എന്ന വസ്തുതയാണ് വെളിച്ചത്തുകൊണ്ടുവരുന്നത് -പ്രശസ്ത കമന്റേറ്റര്‍ ഹര്‍ഷ ഭോഗ്ലെ പറഞ്ഞു.br/>
എന്നാല്‍, ഇതിനു പിന്നാലെ നായകന്‍ വിരാട് കോലി, ശാസ്ത്രിക്ക് പിന്തുണയുമായി രംഗത്തുവന്നു. ഏറ്റവും മികച്ച ടീമാണ് നമ്മള്‍ എന്ന വിശ്വാസം ടീമംഗങ്ങള്‍ക്കുണ്ടാകണമായിരുന്നു എന്നാണ് കോലി പറഞ്ഞത്.br/>
ഇംഗ്ലണ്ടിലെ തോല്‍വിക്ക് തൊട്ടുമുമ്പ് ദക്ഷിണാഫ്രിക്കന്‍ പര്യടനത്തിലും ടെസ്റ്റ് ടീം അടിയറവു പറഞ്ഞിരുന്നു. ശനിയാഴ്ച തുടങ്ങുന്ന ഏഷ്യാകപ്പും നവംബറില്‍ ആരംഭിക്കുന്ന ഓസ്‌ട്രേലിയന്‍ പര്യടനവുമാണ് ഇനി ഇന്ത്യന്‍ ടീം മാറ്റുരയ്ക്കുന്ന മത്സരങ്ങള്‍.

Other News

  • രഞ്ജി ട്രോഫി:ജലജ് സക്‌സേനയുടെ ഓള്‍റൗണ്ട് മികവില്‍ ആന്ധ്രയ്‌ക്കെതിരെ കേരളത്തിന് വിജയം
  • ഹോങ് കോങ് ഓപ്പണ്‍ ബാഡ്മിന്റണ്‍ : സിന്ധു വീണു, ശ്രീകാന്ത്, സമീര്‍ ക്വാര്‍ട്ടറില്‍
  • ശ്വാസകോശത്തെ ബാധിക്കുന്ന ഗുരുതര രോഗം; ജോണ്‍ ഹേസ്റ്റിങ്‌സ് വിരമിച്ചു
  • സായ് അക്കാദമി ഹോസ്റ്റലില്‍ കായിക താരം തൂങ്ങിമരിച്ച നിലയില്‍
  • വിരാട് കോലിയുടെ 'രാജ്യം വിടല്‍' പരാമര്‍ശത്തെ കുറിച്ച് വിശ്വനാഥന്‍ ആനന്ദ്
  • ബാലണ്‍ദ്യോര്‍ വിജയിയുടെ പേര് ചോര്‍ന്നു
  • ബംഗ്ലാദേശ് ക്രിക്കറ്റ് ക്യാപ്റ്റന്‍ മഷ്റഫെ മൊര്‍താസ സജീവ രാഷ്ട്രീയത്തിലേക്ക്
  • വിന്‍ഡീസിനെതിരായ ടിട്വന്റി പരമ്പര ഇന്ത്യ തൂത്തുവാരി
  • മിതാലി രാജിന്റെ മികവില്‍ പാക്കിസ്ഥാനെതിരെ ഇന്ത്യന്‍ വനിതകള്‍ക്ക് ഏഴ് വിക്കറ്റ് ജയം
  • അവസാന ഏകദിനത്തില്‍ 40 റണ്‍സ് വിജയം; ഓസീസിനെതിരായ പരമ്പര ദക്ഷിണാഫ്രിക്ക സ്വന്തമാക്കി
  • മുനാഫ് പട്ടേല്‍ വിരമിച്ചു
  • Write A Comment

     
    Reload Image
    Add code here