ബ്രസീലിന് അഞ്ചു ഗോള്‍ വിജയം

Wed,Sep 12,2018


മേരിലാന്‍ഡ്: അന്താരാഷ്ട്ര സൗഹൃദ മത്സരത്തില്‍ ബ്രസീല്‍ എല്‍ സാല്‍വദോറിനെ അഞ്ചു ഗോളിന് തകര്‍ത്തപ്പോള്‍ അര്‍ജന്റീനയെ കൊളംബിയയ്‌ക്കെതിരെ അര്‍ജന്റീനയ്ക്ക് സമനില. മേരിലാന്‍ഡില്‍ നടന്ന മത്സരത്തില്‍ റിച്ചാര്‍ലിസണ്‍ ബ്രസീലിനായി ഇരട്ടഗോള്‍ നേടി. നെയ്മറും കുട്ടിന്യോയും മാര്‍ക്വീന്യോയും ലക്ഷ്യം കണ്ടു.

മത്സരം തുടങ്ങി നാലാം മിനിറ്റില്‍ തന്നെ പെനാല്‍റ്റിയിലൂടെ നെയ്മര്‍ ബ്രസീലിന് ലീഡ് നല്‍കി. റിച്ചാര്‍ലിസണെ ബോക്‌സിനുള്ളില്‍ വീഴ്ത്തിയതിന് റഫറി ബ്രസീലിന് അനുകൂലമായി പെനാല്‍റ്റി വിധിക്കുകയായിരുന്നു. 16-ാം മിനിറ്റിലാണ് റിച്ചാര്‍ലിസണ്‍ന്റെ ആദ്യ ഗോള്‍ വന്നത്. നെയ്മര്‍ നല്‍കിയ പാസ്സില്‍ ബോക്‌സിന് പുറത്ത് നിന്ന് റിച്ചാര്‍ലിസണ്‍ തൊടുത്ത ഷോട്ട് അവിശ്വസനീയമായി വളഞ്ഞ് വല ചുംബിച്ചു.

30-ാം മിനിറ്റില്‍ ഇടത് വിങ്ങിലൂടെ വന്ന നെയ്മര്‍ ബോക്‌സിന് തൊട്ടുപുറത്ത് നിന്ന് കുടിന്യോയ്ക്ക് പന്ത് കൈമാറി. ഗോള്‍കീപ്പറെ വെറും കാഴ്ചക്കാരനാക്കി കുടിന്യോയുടെ ഷോട്ട് വലയുടെ ഇടത് മൂലയില്‍ പതിച്ചു.

രണ്ടാം പകുതിയില്‍ റിച്ചാര്‍ലിസണിന്റെ ഗോളിലൂടെ ബ്രസീല്‍ വീണ്ടും ഗോള്‍വേട്ട തുടങ്ങി. 50-ാം മിനിറ്റില്‍ ബോക്‌സിനുളളില്‍ ലഭിച്ച പന്ത് തന്റെ ഇടങ്കാല്‍ കൊണ്ട് റിച്ചാര്‍ലിസണ്‍ വലയിലേക്ക് തൊടുത്ത് വിട്ടു. 90-ാം മിനിറ്റില്‍ ബ്രസീലിന്റെ അവസാന ഗോള്‍ വന്നു. സാല്‍വഡോര്‍ പ്രതിരോധത്തിന് മുകളിലൂടെ നെയ്മര്‍ നല്‍കിയ ക്രോസ് ഹെഡ്ഡറിലൂടെ മാര്‍കിന്യോ വലയിലെത്തിച്ചു. 5-0. ഒരു ഗോള്‍ നേടുകയും മൂന്ന് ഗോളിന് വഴിയൊരുക്കുകയും ചെയ്ത് നെയമര്‍ സാല്‍വഡോറിനെതിരെ നിറഞ്ഞുകളിച്ചു.

അതേസമയം മറ്റൊരു സൗഹൃദ മത്സരത്തില്‍ കൊളംബിയയും അര്‍ജന്റീനയും ഗോള്‍രഹിത സമനിലയില്‍ പിരിഞ്ഞു. നേരത്തെ അര്‍ജന്റീന മൂന്നു ഗോളിന് ഗ്വാട്ടിമലയെ പരാജയപ്പെടുത്തിയിരുന്നു.

Other News

  • രവീന്ദ്ര ജഡേജ ഏഷ്യാ കപ്പില്‍ ഏറ്റവും കൂടുതല്‍ വിക്കറ്റ് നേടുന്ന ഇന്ത്യന്‍ താരമായി
  • സൂപ്പര്‍ ഫോറില്‍ ഇന്ത്യയെ സമനിലയില്‍ തളച്ചു; ഏഷ്യാകപ്പില്‍ നിന്നും അഫ്ഗാന്‍ തലയുയര്‍ത്തി മടങ്ങി
  • സൂപ്പര്‍ ഫോറില്‍ ഇന്ത്യയെ സമനിലയില്‍ തളച്ചു; ഏഷ്യാകപ്പില്‍ നിന്നും അഫ്ഗാന്‍ തലയുയര്‍ത്തി മടങ്ങി
  • കോലി ഖേല്‍രത്‌ന ഏറ്റുവാങ്ങി; ജിന്‍സണ്‍ ജോണ്‍സണ്‍ അര്‍ജുന പുരസ്‌കാരവും ബോബി അലോഷ്യസ് ധ്യാന്‍ചന്ദ് പുരസ്‌കാരവും സ്വീകരിച്ചു
  • സൈനയും കശ്യപും വിവാഹിതരാകുന്നു
  • ന്ത്യന്‍ നാവികന്‍ അഭിലാഷ് ടോമി കരയിലെത്തി; ഇനി ആംസ്റ്റര്‍ഡാം ദ്വീപില്‍ വൈദ്യപരിശോധന
  • അഞ്ച് ക്യാപ്റ്റന്‍മാരെ വാതുവെപ്പുകാര്‍ സമീപിച്ചു; വെളിപ്പെടുത്തലുമായി ഐസിസി
  • മികച്ച ഫുട്‌ബോളര്‍ക്കുള്ള ഫിഫ പുരസ്‌കാരം ലൂക്കാ മോഡ്രിച്ചിന്
  • അണ്ടര്‍-16 ഏഷ്യന്‍ ഫുട്‌ബോള്‍ ചാമ്പ്യന്‍പ്പില്‍ ഇന്ത്യ ഇറാനെ ഗോള്‍രഹിത സമനിലയില്‍ പിടിച്ചു.
  • തുടര്‍ച്ചയായ അഞ്ചാം വിജയം ലക്ഷ്യമിട്ട് അഫ്ഗാനെതിരേ ഇന്ത്യ
  • മെസ്സി ഗോളടിച്ചിട്ടും ബാഴ്‌സയ്ക്ക് സമനില; ക്രിസ്റ്റ്യാനോയുടെ ഗോളില്‍ യുവന്റസിന് വിജയം
  • Write A Comment

     
    Reload Image
    Add code here