കോലിക്ക് വിശ്രമം; ഏഷ്യാ കപ്പില്‍ ഇന്ത്യയെ രോഹിത് ശര്‍മ്മ നയിക്കും

Sat,Sep 01,2018


മുംബൈ: സെപ്റ്റംബര്‍ 15-ന് യു.എ.ഇയില്‍ ആരംഭിക്കുന്ന ഏഷ്യാ കപ്പ് ക്രിക്കറ്റ് ടൂര്‍ണമെന്റിനുള്ള 16 അംഗ ഇന്ത്യന്‍ ടീമിനെ പ്രഖ്യാപിച്ചു. നായകന്‍ വിരാട് കോലിക്ക് വിശ്രമം അനുവദിച്ചു. കോലിയുടെ അഭാവത്തില്‍ രോഹിത് ശര്‍മ്മ ഇന്ത്യയെ നയിക്കും.

ശിഖര്‍ ധവാനാണ് വൈസ് ക്യാപ്റ്റന്‍. മനീഷ് പാണ്ഡെ, കേദാര്‍ യാദവ്, അമ്പാട്ടി റായിഡു എന്നിവര്‍ ടീമില്‍ തിരിച്ചെത്തി. ഋഷഭ് പന്തിനെ ടീമിലേക്ക് പരിഗണിച്ചില്ല. രാജസ്ഥാനില്‍ നിന്നുള്ള പേസ് ബൗളര്‍ ഖലീല്‍ അഹമ്മദാണ് ടീമിലെ ഏക പുതുമുഖം. ഇന്ത്യക്കു വേണ്ടി അണ്ടര്‍ 19 ലോകകപ്പില്‍ കളിച്ചിട്ടുള്ള താരമാണ് ഖലീല്‍. കഴിഞ്ഞ സീസണ്‍ ഐ.പി.എല്ലില്‍ സണ്‍റൈസേഴ്സ് ഹൈദരാബാദ് ടീമിലുണ്ടായിരുന്നു.

പരിക്ക് കാരണം ഇംഗ്ലണ്ടിനെതിരായ പരമ്പരയില്‍ നിന്ന് വിട്ടുനിന്ന ഭുവനേശ്വര്‍ ടീമില്‍ തിരിച്ചെത്തി. 2017 ഡിസംബറിനു ശേഷം ഇതാദ്യമായാണ് മനീഷ് പാണ്ഡെ ഏകദിന ടീമിലിടം നേടുന്നത്. അടുത്തിടെ നടന്ന ചതുര്‍രാഷ്ട്ര ടൂര്‍ണമെന്റില്‍ ഇന്ത്യ ബി ടീം കിരീടം നേടിയത് പാണ്ഡെയുടെ മികവിലായിരുന്നു. ടീമിനെ നയിച്ച പാണ്ഡെ ഒരു സെഞ്ചുറിയും രണ്ടു അര്‍ധസെഞ്ചുറികളുമടക്കം 306 റണ്‍സ് നേടിയിരുന്നു.

ടീം: രോഹിത് ശര്‍മ്മ (നായകന്‍), ശിഖര്‍ ധവാന്‍, ലോകേഷ് രാഹുല്‍, അമ്പാട്ടി റായിഡു, മനീഷ് പാണ്ഡെ, കേദാര്‍ യാദവ്, എം.എസ് ധോണി, ദിനേഷ് കാര്‍ത്തിക്, ഹര്‍ദിക് പാണ്ഡ്യ, കുല്‍ദീപ് യാദവ്, യൂസ്‌വേന്ദ്ര ചാഹല്‍, അക്ഷര്‍ പട്ടേല്‍, ഭുവനേശ്വര്‍ കുമാര്‍, ജസ്പ്രീത് ബുംറ, ശര്‍ദുല്‍ താക്കൂര്‍, ഖലീല്‍ അഹമ്മദ്.

ഈ മാസം 15-ാം തീയതി ബംഗ്ലാദേശും ശ്രീലങ്കയും തമ്മിലാണ് ഏഷ്യാ കപ്പിലെ ആദ്യ മത്സരം. ഇന്ത്യയുടെ ആദ്യ മത്സരം സെപ്റ്റംബര്‍ 18-നാണ്.

Other News

  • വിന്‍ഡീസിനെതിരായ ടിട്വന്റി പരമ്പര ഇന്ത്യ തൂത്തുവാരി
  • മിതാലി രാജിന്റെ മികവില്‍ പാക്കിസ്ഥാനെതിരെ ഇന്ത്യന്‍ വനിതകള്‍ക്ക് ഏഴ് വിക്കറ്റ് ജയം
  • അവസാന ഏകദിനത്തില്‍ 40 റണ്‍സ് വിജയം; ഓസീസിനെതിരായ പരമ്പര ദക്ഷിണാഫ്രിക്ക സ്വന്തമാക്കി
  • മുനാഫ് പട്ടേല്‍ വിരമിച്ചു
  • ആരാധകര്‍ക്ക് നേരെ ആക്രമണം; വെച്ചുപൊറുപ്പിക്കില്ലെന്ന് എഫ്‌സി ഗോവ
  • യുവെന്റസില്‍ ഫ്രീകിക്കുകളെടുക്കാന്‍ റൊണാള്‍ഡോയ്ക്ക് വിലക്ക്
  • ഹോക്കി ലോകകപ്പ്; ശ്രീജേഷ് ടീമില്‍, സുനിലും രൂപീന്ദറുമില്ല
  • 'ഇന്ത്യന്‍ താരങ്ങളെ ഇഷ്ടമല്ലെങ്കില്‍ രാജ്യം വിട്ടുപോകൂ'- ആരാധകനോട് കോലി
  • 'നിങ്ങള്‍ ആ പാര്‍ട്ടിയെ മാത്രം സുഖിപ്പിച്ചാല്‍ മതി'- ഗംഭീറിനുള്ള മറുപടി അസ്ഹര്‍ പിന്‍വലിച്ചു
  • ബംഗ്ലാദേശ് നാണംകെട്ടു; അഞ്ച് വര്‍ഷത്തിന് ശേഷം ടെസ്റ്റ് വിജയവുമായി സിംബാബ്‌വെ
  • അസ്ഹറിനെതിരെ വിമര്‍ശനം; ഗംഭീറിനെതിരെ മാധ്യമപ്രവര്‍ത്തകന്‍ ജി രാജരാമന്‍
  • Write A Comment

     
    Reload Image
    Add code here