കണ്ണിനേറ്റ പരിക്ക് വഷളായി; സെമി കളിക്കാനാകാതെ വികാസ് കൃഷ്ണന്‍ പിന്മാറി

Fri,Aug 31,2018


ജക്കാര്‍ത്ത: കണ്ണിനേറ്റ പരിക്ക് വഷളായതിനെ തുടര്‍ന്ന് ഇന്ത്യയുടെ ബോക്സിങ് താരം വികാസ് കൃഷ്ണന്‍ ഏഷ്യന്‍ ഗെയിംസ് സെമി ഫൈനല്‍ മത്സരത്തില്‍ നിന്ന് പിന്മാറി. ഇതോടെ വികാസിന് വെങ്കലം കൊണ്ട് തൃപ്തിപ്പെടേണ്ടി വന്നു. പി.ടി.ഐ ആണ് ഇക്കാര്യം റിപ്പോര്‍ട്ട് ചെയ്തത്.

വെള്ളിയാഴ്ച പ്രാദേശിക സമയം വൈകിട്ട് 7:30-നായിരുന്നു 75 കിലോഗ്രാം വിഭാഗത്തില്‍ കസാഖിസ്ഥാന്റെ അമാന്‍കുല്‍ അബില്‍ഖാനുമായുള്ള വികാസിന്റെ സെമി ഫൈനല്‍ മത്സരം. എന്നാല്‍ ഇന്ന് വികാസിന് മത്സരത്തില്‍ പങ്കെടുക്കാന്‍ സാധിക്കില്ലെന്ന് ടീം ഡോക്ടര്‍മാര്‍ വിധിക്കുകയായിരുന്നു.

നേരത്തെ നടന്ന മത്സരങ്ങള്‍ക്കിടെയാണ് 26-കാരന് ഇടത്തേ കണ്‍പോളയ്ക്ക് പരിക്കേറ്റത്. മത്സരത്തില്‍ നിന്ന് പിന്മാറേണ്ടി വന്നെങ്കിലും തുടര്‍ച്ചയായി മൂന്ന് ഏഷ്യന്‍ ഗെയിംസുകളില്‍ മെഡല്‍ നേടുന്ന ആദ്യ ഇന്ത്യന്‍ ബോക്സര്‍ എന്ന റെക്കോര്‍ഡ് സ്വന്തമാക്കാന്‍ വികാസിനായി.

2010-ല്‍ 60 കിലോഗ്രാം വിഭാഗത്തില്‍ സ്വര്‍ണവും 2014-ല്‍ മിഡില്‍ വെയ്റ്റ് വിഭാഗത്തില്‍ വെങ്കലവും വികാസ് സ്വന്തമാക്കിയിരുന്നു.

പ്രീക്വാര്‍ട്ടര്‍ മത്സരത്തിലും ഈ പരിക്ക് വെച്ചാണ് വികാസ് മത്സരിച്ചത്. എന്നാല്‍ ക്വാര്‍ട്ടറില്‍ ചൈനീസ് താരവുമായുള്ള മത്സരത്തിനിടെ പരിക്ക് കൂടുതല്‍ വഷളാകുകയായിരുന്നു. ചോരയൊലിപ്പിച്ചാണ് മുന്‍ ലോകചാമ്പ്യന്‍ഷിപ്പ് വെങ്കല മെഡല്‍ ജേതാവ് മത്സരം അവസാനിപ്പിച്ചത്. പിന്നാലെ ഇന്ന് വികാസിന് മത്സരിക്കാന്‍ സാധിക്കില്ലെന്ന് ടീം ഡോക്ടര്‍മാര്‍ അറിയിക്കുകയായിരുന്നു.

Other News

  • ടിട്വന്റി ലോകകപ്പ് : ഇന്ത്യന്‍ വനിതകള്‍ക്ക് എതിരാളികള്‍ ഇംഗ്ലണ്ട്
  • വിരാട് കോലിക്കെതിരെ രൂക്ഷ വിമര്‍ശനവുമായി ബിഷന്‍ സിങ്ങ് ബേദി
  • സൗഹൃദ ഫുട്‌ബോൾ മത്സരത്തിൽ ഇന്ത്യക്ക് തോൽവി
  • ഓസ്‌ട്രേലിയക്കെതിരേയും ഇന്ത്യക്ക് വിജയം
  • 'കളിക്കാനിറങ്ങിയാല്‍ പ്രതിഫലം ബി.സി.സി.ഐ പ്രതിഫലം വാഗ്ദാനം ചെയ്‌തെന്ന വെളിപ്പെടുത്തലുമായി വിന്‍ഡീസിന്റെ മുന്‍ ക്യാപ്റ്റന്‍ ഡ്വെയ്ന്‍ ബ്രാവോ
  • 'കളിക്കാനിറങ്ങിയാല്‍ പ്രതിഫലം ബി.സി.സി.ഐ പ്രതിഫലം വാഗ്ദാനം ചെയ്‌തെന്ന വെളിപ്പെടുത്തലുമായി വിന്‍ഡീസിന്റെ മുന്‍ ക്യാപ്റ്റന്‍ ഡ്വെയ്ന്‍ ബ്രാവോ
  • രഞ്ജി ട്രോഫി:ജലജ് സക്‌സേനയുടെ ഓള്‍റൗണ്ട് മികവില്‍ ആന്ധ്രയ്‌ക്കെതിരെ കേരളത്തിന് വിജയം
  • ഹോങ് കോങ് ഓപ്പണ്‍ ബാഡ്മിന്റണ്‍ : സിന്ധു വീണു, ശ്രീകാന്ത്, സമീര്‍ ക്വാര്‍ട്ടറില്‍
  • ശ്വാസകോശത്തെ ബാധിക്കുന്ന ഗുരുതര രോഗം; ജോണ്‍ ഹേസ്റ്റിങ്‌സ് വിരമിച്ചു
  • സായ് അക്കാദമി ഹോസ്റ്റലില്‍ കായിക താരം തൂങ്ങിമരിച്ച നിലയില്‍
  • വിരാട് കോലിയുടെ 'രാജ്യം വിടല്‍' പരാമര്‍ശത്തെ കുറിച്ച് വിശ്വനാഥന്‍ ആനന്ദ്
  • Write A Comment

     
    Reload Image
    Add code here