ലാലിഗ: അത്‌ലറ്റിക്കോയ്ക്കും ബാർസയ്ക്കും റയല്‍മാഡ്രിഡിനും ജയം

Wed,Aug 29,2018


മഡ്രിഡ് ∙ ലാ ലിഗയിൽ ബാർസിലോനയ്ക്കും അത്‌ലറ്റിക്കോ മഡ്രിഡിനും റയല്‍മാഡ്രിഡിനും ജയം ഒസ്മാൻ ഡെംബലെയുടെ ഗോളിൽ (57ാം മിനിറ്റ്) ബാർസ വല്ലഡോലിഡിനെ പരാജയപ്പെടുത്തി. മൽസരത്തിന്റെ അധിക സമയത്ത് വല്ലഡോലിഡ് താരം കെക്കോ നേടിയ ഗോൾ വിഎആർ പരിശോധനയിൽ ഓഫ് സൈഡ് വിധിച്ചതാണു ബാർസയുടെ ജയം ഉറപ്പിച്ചത്(10).

80ാം മിനിറ്റിൽ ബാർസയുടെ ലുയി സുവാരെസിന്റെ ഗോളും വിഎആർ പരിശോധനയ്ക്കുശേഷം ഓഫ്സൈഡ് വിധിച്ചിരുന്നു. ആദ്യ മൽസരത്തിൽ സമനിലയിൽ കുരുങ്ങിയ അത്‌ലറ്റിക്കോ മഡ്രി‍ഡ് അന്റോയ്ൻ ഗ്രീസ്മെന്റെ ഗോളിലാണ് (63ാം മിനിറ്റ്) റയോ വയ്യെകാനോയെ കീഴടക്കിയത് (10). മുന്നേറ്റനിര നിറം മങ്ങിയതിനാലാണ് അത്‌ലറ്റിക്കോ മഡ്രിഡിനു കൂടുതൽ ഗോൾ നേടാനാകാതെ പോയത്.

അതേസമയം ഒരു ഗോളിനു പിന്നിട്ടുനിന്ന ശേഷം നാലു ഗോളുകൾ തിരിച്ചടിച്ചു ജിറോണ എഫ്സിയെ റയൽ മഡ്രിഡ് തകർത്തു (41). 16ാം മിനിറ്റിൽ ബോർജാ ഗാർഷ്യ ജിറോണയെ മുന്നിലെത്തിച്ചെങ്കിലും 39ാം മിനിറ്റിലെ പെനൽറ്റി ഗോളിലൂടെ ക്യാപ്റ്റൻ സെർജിയോ റാമോസ് റയലിനു സമനില നൽകി. 52ാം മിനിറ്റിൽ പെനൽറ്റി ഗോളിലൂടെ റയലിന്റെ ലീഡ് ഉയർത്തിയ ബെൻസെമ 80ാം മിനിറ്റിലും സ്കോർ ചെയ്ത് റയലിന്റെ വിജയം ഉറപ്പിച്ചു. 59ാം മിനിറ്റിൽ സൂപ്പർ താരം ഗാരത് ബെയ്‌ലും റയലിനായി ഗോളടിച്ചു.

എട്ടാം മിനിറ്റിൽ ബെൻസെമ ഗോളടിച്ചെങ്കിലും റഫറി ഓഫ് സൈഡ് വിധിച്ചു. അധികം താമസിയാതെ ബോർജായുടെ ഗോളിൽ ജിറോണ മുന്നിലെത്തിയതോടെ ഗോൾ മടക്കാൻ റയൽ മുന്നേറ്റനിര ആർത്തിരമ്പിയെത്തി. മാർക്കോ അസെൻസിയോയെ ബോക്സിനുള്ളിൽ ഫൗൾ ചെയ്തതിനു ലഭിച്ച പെനൽറ്റിയിൽനിന്നാണു റാമോസ് ഗോൾ മടക്കിയത്. രണ്ടാം പകുതിയിൽ അസെൻ‌സിയോ റയലിനായി രണ്ടാം പെനൽറ്റിയും നേടി.

Other News

  • മെസ്സി ഗോളടിച്ചിട്ടും ബാഴ്‌സയ്ക്ക് സമനില; ക്രിസ്റ്റ്യാനോയുടെ ഗോളില്‍ യുവന്റസിന് വിജയം
  • പാക്കിസ്ഥാനെ തകര്‍ത്ത് ഇന്ത്യ ഏഷ്യാ കപ്പ് ഫൈനലില്‍
  • ചെല്‍സിക്ക് സമനില; ആഴ്‌സണലിന് വിജയം
  • പായ്‌വഞ്ചിയില്‍ ഗോള്‍ഡന്‍ ഗ്ലോബ് റേസ് മത്സരത്തില്‍ പങ്കെടുക്കുന്നതിനിടെ അപകടത്തില്‍പ്പെട്ട താന്‍ സുരക്ഷിതനെന്ന് അഭിലാഷ് ടോമി; തിരച്ചിൽ തുടരുന്നു
  • ബംഗ്ലാദേശിനെതിരെ ഇന്ത്യക്ക് ഏഴുവിക്കറ്റ് ജയം
  • അഫ്ഗാനെതിരേ പാക്കിസ്ഥാന്‌ വിജയം
  • ഏഷ്യ കപ്പ്; സൂപ്പര്‍ ഫോറില്‍ ഇന്ന് ഇന്ത്യ - ബംഗ്ലാദേശ് മത്സരം,പരിക്കേറ്റ മൂന്ന് താരങ്ങള്‍ ടീമിന് പുറത്തായി
  • ബെല്‍ജിയവും ഫ്രാന്‍സും ഫിഫ റാങ്കിങ്ങില്‍ ഒന്നാം സ്ഥാനം പങ്കിട്ടു
  • കോലിക്കും മീരാഭായിക്കും ഖേല്‍രത്‌ന, ബോബിക്ക് ധ്യാൻ ചന്ദ് പുരസ്കാരം
  • ചൈന ഓപ്പണ്‍; സിന്ധുവും ശ്രീകാന്തും ക്വാര്‍ട്ടറില്‍, ഡബിള്‍സില്‍ തിരിച്ചടി
  • ചാമ്പ്യന്‍സ് ലീഗ്: സീസണിലെ ആദ്യ മത്സരത്തില്‍ മെസ്സിയ്ക്ക് ഹാട്രിക്ക്; ബാഴ്‌സയ്ക്ക് വിജയം
  • Write A Comment

     
    Reload Image
    Add code here