ഏഷ്യന്‍ ഗെയിംസ് 400 മീറ്റര്‍: മലയാളി താരം മുഹമ്മദ് അനസിനും വനിതാ വിഭാഗത്തില്‍ ഹിമ ദാസിനും വെള്ളി

Mon,Aug 27,2018


ജക്കാര്‍ത്ത: ഏഷ്യന്‍ ഗെയിംസ് 400 മീറ്റര്‍ ഓട്ടത്തില്‍ ഇന്ത്യയ്ക്ക് ഇരട്ട വെള്ളിത്തിളക്കം. പുരുഷ വിഭാഗത്തില്‍ മലയാളി താരം മുഹമ്മദ് അനസും വനിതാ വിഭാഗത്തില്‍ ഹിമ ദാസുമാണ് ഇന്ത്യയ്ക്ക് വെള്ളി സമ്മാനിച്ചത്. 50.79 സെക്കന്റില്‍ മത്സരം പൂര്‍ത്തിയാക്കി ദേശീയ റെക്കോഡോടെയാണ് പതിനെട്ടുകാരി ഹിമ വെള്ളി നേടിയത്. 51.00 സെക്കന്റില്‍ താഴെ 400 മീറ്റര്‍ ഓട്ടം പൂര്‍ത്തിയാക്കുന്ന ആദ്യ ഇന്ത്യന്‍ വനിതാ താരമെന്ന റെക്കോഡും ഹിമയ്ക്ക് സ്വന്തമായി. 50.09 സെക്കൻഡിൽ ഫിനിഷ് ചെയ്ത ബഹ്‌റൈനിന്റെ സല്‍വ നാസര്‍ ഗെയിംസ് റെക്കോഡോടെ സ്വര്‍ണം നേടി. 52.63 സെക്കൻഡിൽ ഓടിയെത്തി കസാഖിസ്ഥാന്റെ എലിന മിഖീന വെങ്കലം നേടി. അതേസമയം മറ്റൊരു ഇന്ത്യന്‍ താരം നിര്‍മ്മല നാലാം സ്ഥാനത്തായി.

പുരുഷന്‍മാരുടെ 400 മീറ്ററില്‍ അനസിനൊപ്പം നിലവിലെ വെങ്കല ജേതാവ് ആരോഗ്യ രാജീവും ഇന്ത്യയ്ക്കായി ട്രാക്കിലിറങ്ങി. എന്നാല്‍, മികച്ച ഫിനിഷിങ്ങുമായി അനസ് ഇന്ത്യയ്ക്ക് വെള്ളി സമ്മാനിച്ചു. 45.69 സെക്കൻഡിലാണ് അനസ് ഓട്ടം പൂര്‍ത്തിയാക്കിയത്. നിലവില്‍ ദേശീയ റെക്കോഡ് അനസിന്റെ പേരിലാണ്. ( 45.24 സെക്കൻഡ്).

44.89 സെക്കൻഡിൽ ഫിനിഷ് ചെയ്ത് ഖത്തറിന്റെ അബ്ദുള്ള ഹസ്സന്‍ സ്വര്‍ണം നേടി. ബഹ്‌റൈനിന്റെ ഖാമിസ് അലിക്കാണ് (45.70 സെക്കൻഡ്) വെങ്കലം. ഇതോടെ ഏഴ് സ്വര്‍ണവും ഒമ്പത് വെള്ളിയും 19 വെങ്കലവുമടക്കം ഇന്ത്യക്ക് 35 മെഡലായി.

Other News

  • വിരാട് കോലിയുടെ 'രാജ്യം വിടല്‍' പരാമര്‍ശത്തെ കുറിച്ച് വിശ്വനാഥന്‍ ആനന്ദ്
  • ബാലണ്‍ദ്യോര്‍ വിജയിയുടെ പേര് ചോര്‍ന്നു
  • ബംഗ്ലാദേശ് ക്രിക്കറ്റ് ക്യാപ്റ്റന്‍ മഷ്റഫെ മൊര്‍താസ സജീവ രാഷ്ട്രീയത്തിലേക്ക്
  • വിന്‍ഡീസിനെതിരായ ടിട്വന്റി പരമ്പര ഇന്ത്യ തൂത്തുവാരി
  • മിതാലി രാജിന്റെ മികവില്‍ പാക്കിസ്ഥാനെതിരെ ഇന്ത്യന്‍ വനിതകള്‍ക്ക് ഏഴ് വിക്കറ്റ് ജയം
  • അവസാന ഏകദിനത്തില്‍ 40 റണ്‍സ് വിജയം; ഓസീസിനെതിരായ പരമ്പര ദക്ഷിണാഫ്രിക്ക സ്വന്തമാക്കി
  • മുനാഫ് പട്ടേല്‍ വിരമിച്ചു
  • ആരാധകര്‍ക്ക് നേരെ ആക്രമണം; വെച്ചുപൊറുപ്പിക്കില്ലെന്ന് എഫ്‌സി ഗോവ
  • യുവെന്റസില്‍ ഫ്രീകിക്കുകളെടുക്കാന്‍ റൊണാള്‍ഡോയ്ക്ക് വിലക്ക്
  • ഹോക്കി ലോകകപ്പ്; ശ്രീജേഷ് ടീമില്‍, സുനിലും രൂപീന്ദറുമില്ല
  • 'ഇന്ത്യന്‍ താരങ്ങളെ ഇഷ്ടമല്ലെങ്കില്‍ രാജ്യം വിട്ടുപോകൂ'- ആരാധകനോട് കോലി
  • Write A Comment

     
    Reload Image
    Add code here