സ്‌പെയ്‌നിനെ വീഴ്ത്തി; അണ്ടര്‍-20 വനിതാ ലോക ഫുട്‌ബോള്‍ കിരീടം ജപ്പാന്

Sat,Aug 25,2018


പാരിസ്: അണ്ടര്‍-20 വനിതാ ലോകകപ്പ് ഫുട്‌ബോള്‍ കിരീടം ജപ്പാന്. കരുത്തരായ സ്‌പെയിനിനെ ഒന്നിനെതിരേ മൂന്നു ഗോളിന് പരാജയപ്പെടുത്തിയാണ് ജപ്പാന്‍ വനിതകള്‍ കരുത്ത് തെളിയിച്ചത്. ജപ്പാന് വേണ്ടി ഹിനാതാ മിയാസാവ, സവോരി തകരാഡാ, ഫുക നഗാനോ എന്നിവര്‍ ഗോള്‍ നേടിയപ്പോള്‍ കാന്‍ഡെല ആന്‍ഡ്യൂഹര്‍ സ്‌പെയിനിന്റെ ആശ്വാസഗോള്‍ കണ്ടെത്തി.

38-ാം മിനിറ്റില്‍ ഹിനാതാ മിയാസാവയുടെ ലോങ് റേഞ്ചിലൂടെ ജപ്പാന്‍ ലീഡ് നേടി. രണ്ടാം പകുതിയില്‍ പന്ത്രണ്ട് മിനിറ്റ് പിന്നിട്ടപ്പോള്‍ സവോരി തകരാഡയുടെ ഷോട്ടിലൂടെ ജപ്പാന്‍ ഗോള്‍ നില ഇരട്ടിയാക്കി. 65-ാം മിനിറ്റില്‍ ഫുക നഗാനോ കൂടി ലക്ഷ്യം കണ്ടതോടെ ജപ്പാന്‍ ഏറെക്കുറെ വിജയമുറപ്പിച്ചു.

ഈ കിരീടം നേടിയതോടെ മറ്റൊരു അപൂര്‍വ നേട്ടത്തിന് കൂടി ജപ്പാന്‍ അര്‍ഹരായി. ഫിഫ വനിതാ ലോകകപ്പിലെ എല്ലാ വിഭാഗങ്ങളിലും ജേതാക്കളാകുന്ന ആദ്യ രാഷ്ട്രമായി ജപ്പാന്‍. 2011-ല്‍ ലോകകപ്പും 2014-ല്‍ അണ്ടര്‍-17 ലോകകപ്പും ജപ്പാന്‍ നേടിയിരുന്നു.

സ്‌പെയിനിന്റെ പട്രീഷ്യ ഗുഹാരോ ഇംഗ്ലണ്ടിന്റെ ജോര്‍ജിയ സ്റ്റാന്‍വേയോടൊപ്പം ടൂര്‍ണമെന്റിലെ ഏറ്റവും കൂടുതല്‍ ഗോളുകള്‍ നേടുന്ന താരമായി. ആറ് ഗോളുകളാണ് ഇരുവരും നേടിയത്.

Other News

  • ശ്രീശാന്തിന്റെ മുഖത്തടിച്ചതില്‍ ഹര്‍ഭജന്‍ സിങ്ങിന് കുറ്റബോധം
  • ഐ.സി.സിയുടെ മികച്ച ക്രിക്കറ്റ് താരത്തിനുള്ള സര്‍ ഗാരി സോബേഴ്‌സ് പുരസ്‌കാരം ഇന്ത്യന്‍ നായകന്‍ വിരാട് കോലിക്ക്
  • ഗുരുതരാവസ്ഥയില്‍ കഴിയുന്ന മുന്‍ ഇന്ത്യന്‍ ക്രിക്കറ്റ് താരം ജേക്കബ് മാര്‍ട്ടിന് സഹായവുമായി ഗാംഗുലി
  • മാരിനോട് തോറ്റു; സൈന സെമിയില്‍ പുറത്ത്
  • രഞ്ജിയില്‍ കേരളം-വിദര്‍ഭ സെമി
  • കേരളം രഞ്ജി ട്രോഫി ക്രിക്കറ്റ് സെമിയില്‍
  • അവസാന മത്സരത്തില്‍ വിജയം; ഓസ്‌ട്രേലിയക്കെതിരായ ഏകദിന പരമ്പരയും ഇന്ത്യയ്ക്ക്‌
  • ബഹ്‌റൈനോടേറ്റ തോല്‍വിക്കു പിന്നാലെ ഇന്ത്യന്‍ കോച്ച് രാജിവെച്ചു
  • ഏഷ്യന്‍ കപ്പില്‍ ബഹ്‌റൈനോട് തോറ്റ് ഇന്ത്യ പുറത്ത്
  • ഏഷ്യന്‍ കപ്പില്‍ ബഹ്‌റൈനെതിരേ ഇന്ത്യ
  • ചരിത്ര നേട്ടം;ലാ ലിഗയില്‍ 400 ഗോളുമായി മെസ്സി!
  • Write A Comment

     
    Reload Image
    Add code here