ഏഷ്യന്‍ ഗെയിംസ് കബഡിയില്‍ ചരിത്രത്തില്‍ ആദ്യമായി ഇന്ത്യയ്ക്ക് തോല്‍വി

Tue,Aug 21,2018


ജക്കാര്‍ത്ത: പുരുഷ വിഭാഗം കബഡിയില്‍ ഏഷ്യന്‍ ഗെയിംസിന്റെ ചരിത്രത്തില്‍ ആദ്യമായി ഇന്ത്യയ്ക്ക് തോല്‍വി. ഏഴു തവണ സ്വര്‍ണം നേടിയിട്ടുള്ള ഇന്ത്യയുടെ ഗെയിംസിലെ ആദ്യ തോല്‍വിയാണിത്. ഇഞ്ചിയോണ്‍ ഗെയിംസിലെ വെങ്കല ജേതാക്കളായ ദക്ഷിണ കൊറിയയാണ് ഇന്ത്യയെ തോല്‍പ്പിച്ചത്. സ്‌കോര്‍ 23-24. 1990-ല്‍ കബഡി ഗെയിംസില്‍ ഉള്‍പ്പെടുത്തിയ ശേഷം 28 വര്‍ഷത്തെ ചരിത്രത്തില്‍ ഇന്ത്യ ഈ ഇനത്തില്‍ തോല്‍വിയറിയുന്നത് ഇതാദ്യം. ചൊവ്വാഴ്ച തായ്‌ലന്‍ഡുമായാണ് ഇന്ത്യയുടെ അവസാന ഗ്രൂപ്പ് മത്സരം. നേരത്തെ ബംഗ്ലാദേശിനെയും (50-21) ശ്രീലങ്കയേയും (44-28) വന്‍ മാര്‍ജിനില്‍ തോല്‍പ്പിച്ച ശേഷമായിരുന്നു ഇന്ത്യയുടെ ഞെട്ടിക്കുന്ന തോല്‍വി. പതിനെട്ടാമത് ഏഷ്യന്‍ ഗെയിംസിന്റെ രണ്ടാം ദിനം ഇന്ത്യ മൂന്നു മെഡലുകള്‍ നേടി. ഏഷ്യന്‍ ഗെയിംസില്‍ സ്വര്‍ണം നേടുന്ന ആദ്യ വനിതാ ഗുസ്തി താരമെന്ന നേട്ടം വിനേഷ് ഫൊഗട്ട് സ്വന്തമാക്കി. പുരുഷ വിഭാഗം ഷൂട്ടിങ് ട്രാപ്പില്‍ ഇരുപതുകാരന്‍ ലക്ഷയ്, 10 മീറ്റര്‍ എയര്‍ റൈഫിളില്‍ ദീപക് കുമാര്‍ എന്നിവര്‍ നേരത്തെ വെള്ളി നേടിയിരുന്നു. ഇതോടെ ഇന്ത്യയുടെ മെഡല്‍ നേട്ടം അഞ്ചായി ഉയര്‍ന്നു. ഏഷ്യന്‍ ഗെയിംസില്‍ ഇതിനു മുമ്പ് ഇന്ത്യ രണ്ടോ അതിലധികമോ സ്വര്‍ണം നേടിയിട്ടുള്ളത് രണ്ട് തവണ മാത്രമാണ്.

Other News

  • ടിട്വന്റി ലോകകപ്പ് : ഇന്ത്യന്‍ വനിതകള്‍ക്ക് എതിരാളികള്‍ ഇംഗ്ലണ്ട്
  • വിരാട് കോലിക്കെതിരെ രൂക്ഷ വിമര്‍ശനവുമായി ബിഷന്‍ സിങ്ങ് ബേദി
  • സൗഹൃദ ഫുട്‌ബോൾ മത്സരത്തിൽ ഇന്ത്യക്ക് തോൽവി
  • ഓസ്‌ട്രേലിയക്കെതിരേയും ഇന്ത്യക്ക് വിജയം
  • 'കളിക്കാനിറങ്ങിയാല്‍ പ്രതിഫലം ബി.സി.സി.ഐ പ്രതിഫലം വാഗ്ദാനം ചെയ്‌തെന്ന വെളിപ്പെടുത്തലുമായി വിന്‍ഡീസിന്റെ മുന്‍ ക്യാപ്റ്റന്‍ ഡ്വെയ്ന്‍ ബ്രാവോ
  • 'കളിക്കാനിറങ്ങിയാല്‍ പ്രതിഫലം ബി.സി.സി.ഐ പ്രതിഫലം വാഗ്ദാനം ചെയ്‌തെന്ന വെളിപ്പെടുത്തലുമായി വിന്‍ഡീസിന്റെ മുന്‍ ക്യാപ്റ്റന്‍ ഡ്വെയ്ന്‍ ബ്രാവോ
  • രഞ്ജി ട്രോഫി:ജലജ് സക്‌സേനയുടെ ഓള്‍റൗണ്ട് മികവില്‍ ആന്ധ്രയ്‌ക്കെതിരെ കേരളത്തിന് വിജയം
  • ഹോങ് കോങ് ഓപ്പണ്‍ ബാഡ്മിന്റണ്‍ : സിന്ധു വീണു, ശ്രീകാന്ത്, സമീര്‍ ക്വാര്‍ട്ടറില്‍
  • ശ്വാസകോശത്തെ ബാധിക്കുന്ന ഗുരുതര രോഗം; ജോണ്‍ ഹേസ്റ്റിങ്‌സ് വിരമിച്ചു
  • സായ് അക്കാദമി ഹോസ്റ്റലില്‍ കായിക താരം തൂങ്ങിമരിച്ച നിലയില്‍
  • വിരാട് കോലിയുടെ 'രാജ്യം വിടല്‍' പരാമര്‍ശത്തെ കുറിച്ച് വിശ്വനാഥന്‍ ആനന്ദ്
  • Write A Comment

     
    Reload Image
    Add code here