മെസ്സിയുടെ കളി ഫെയ്സ്ബുക്കിൽ ലൈവായി കാണാം

Wed,Aug 15,2018


ന്യൂഡല്‍ഹി: ടിവിയില്‍ കാണാന്‍ സാധിക്കാത്ത ഇത്തവണത്തെ ലാ ലിഗ മത്സങ്ങള്‍ ഇന്ത്യക്കാര്‍ക്കിനി ഫെയ്സ്ബുക്കിൽ ലൈവായി കാണാം. 17-ന് ആരംഭിക്കുന്ന സ്പാനിഷ് ലീഗ് മത്സങ്ങള്‍ ഇന്ത്യന്‍ ഉപഭൂഖണ്ഡത്തില്‍ തത്സമയം സംപ്രേക്ഷണം ചെയ്യാനുള്ള അവകാശം നേടിയിരിക്കുന്നത് ഫെയ്സ്ബുക്കാണ്. അടുത്ത മൂന്നു വര്‍ഷത്തേക്കാണ് കരാര്‍. ഇന്ത്യന്‍ ഉപഭൂഖണ്ഡത്തില്‍ മത്സരങ്ങളുടെ തത്സമയ സംപ്രേക്ഷണവുമായി ബന്ധപ്പെട്ടുള്ള ഫേസ്ബുക്കിന്റെ ആദ്യ കരാറാണിത്. കരാറനുസരിച്ച് ഇന്ത്യ, അഫ്ഗാനിസ്താന്‍, ബംഗ്ലാദേശ്, ഭൂട്ടാന്‍, നേപ്പാള്‍, മാലിദ്വീപ്, ശ്രീലങ്ക, പാകിസ്താന്‍ എന്നീ രാജ്യങ്ങളില്‍ ലാ ലിഗ മത്സരങ്ങള്‍ തത്സമയം സംപ്രേക്ഷണം ചെയ്യുന്നത് ഫെയ്സ്ബുക്കായിരിക്കും.

ഏകദേശം 175 കോടി രൂപയുടേതാണ് കരാര്‍. അടുത്ത മൂന്ന് സീസണുകളില്‍ ഇന്ത്യന്‍ ഉപഭൂഖണ്ഡത്തില്‍ ലാ ലിഗ മത്സങ്ങളുടെ ഔദ്യോഗിക സംപ്രേക്ഷണാവകാശം ഫെയ്സ്ബുക്കിന് മാത്രമായിരിക്കുമെന്നും ലാ ലിഗയും ഫെയ്സ്ബുക്കും തമ്മിലുള്ള പ്രത്യേക കരാറാണിതെന്നും കമ്പനി വൃത്തങ്ങള്‍ അറിയിച്ചു. മുന്‍ വര്‍ഷങ്ങളില്‍ സോണി പിക്‌ച്ചേഴ്‌സ് നെറ്റ്‌വര്‍ക്ക് ഇന്ത്യയ്ക്കായിരുന്നു ലാ ലിഗയുടെ സംപ്രേക്ഷണ അവകാശം. 2014-ല്‍ ഏകദേശം 32 ദശലക്ഷം യൂറോയ്ക്കാണ് സോണി സംപ്രേക്ഷണാവകാശം സ്വന്തമാക്കിയിരുന്നത്. എന്നാല്‍ ഇത്തവണ ഫെയ്സ്ബുക്കിനു മുന്നില്‍ സോണി അടിയറവ് പറയുകയായിരുന്നു.

ഇതോടെ വെള്ളിയാഴ്ച മുതല്‍ ആരംഭിക്കുന്ന ലാ ലിഗ മത്സരങ്ങള്‍ ഇന്ത്യന്‍ ഉപഭൂഖണ്ഡത്തിലെ 348 ദശലക്ഷം ആളുകള്‍ കാണുക ഫെയ്സ്ബുക്ക് വഴിയായിരിക്കും. ഇന്ത്യയില്‍ മാത്രം ലാ ലിഗയ്ക്ക് 270 ദശലക്ഷം കാഴ്ചക്കാരുണ്ട്.

Other News

  • ക്രിസ് ഗെയ്ല്‍ വിരമിക്കുന്നു
  • ഉത്തേജക മരുന്ന് പരിശോധനയിൽ പരാജയപ്പെട്ട ആദ്യ ഇന്ത്യൻ ടെന്നീസ് താരമായി പതിനാറുകാരൻ
  • അഞ്ചു വിക്കറ്റുമായി മര്‍ക്കണ്ടെ; ഇന്ത്യ എയ്ക്ക് ഇന്നിങ്‌സ് ജയം
  • വിമാനാപകടത്തില്‍ മരിച്ച കാര്‍ഡിഫ് സ്‌ട്രൈക്കര്‍ സലയുടെ 'രഹസ്യ കാമുകി'യെന്ന അവകാശവാദവുമായി യുവതി
  • ദക്ഷിണാഫ്രിക്കയ്‌ക്കെതിരായ ചതുര്‍ദിന മത്സരങ്ങള്‍ക്കുള്ള ഇന്ത്യയുടെ അണ്ടര്‍-19 ടീമില്‍ രണ്ട് കേരള താരങ്ങള്‍
  • സീനിയര്‍ സ്‌കൂള്‍ അത്‌ലറ്റിക് മീറ്റ് കിരീടം കേരളത്തിന്
  • സലയുടെ പോസ്റ്റ്‌മോര്‍ട്ടം റിപ്പോര്‍ട്ട് പുറത്ത്; മരണ കാരണം തലയ്ക്കും നെഞ്ചിലുമേറ്റ പരിക്ക്
  • ഇന്ത്യ വീണു; ന്യൂസീലന്‍ഡിന് വിജയം, പരമ്പര
  • പന്ത് തലയിലിടിച്ച് ബൗളര്‍ അശോക് ദിൻഡയ്ക്ക് പരിക്ക്
  • ബ്രസിലീലെ ഫുട്‌ബോള്‍ പരിശീലന കേന്ദ്രത്തില്‍ തീപിടുത്തം; പത്തുപേര്‍ പൊള്ളലേറ്റ് മരിച്ചു; മൂന്ന് പേര്‍ക്ക് പരിക്ക്
  • ട്വന്റി 20 ബാറ്റിങ് ലൈനപ്പ് തിരഞ്ഞെടുത്ത് ഗവാസ്‌ക്കര്‍; ധോനിക്ക് ഇടമില്ല
  • Write A Comment

     
    Reload Image
    Add code here