ലോധ കമ്മിറ്റി ശുപാര്‍ശകള്‍ക്ക് ഭേദഗതികളോടെ സുപ്രീം കോടതി അംഗീകാരം

Thu,Aug 09,2018


ന്യൂഡല്‍ഹി: ജസ്റ്റിസ് ആര്‍.എം ലോധ കമ്മിറ്റി നിര്‍ദേശിച്ച ബി.സി.സി.ഐ കരട് ഭരണഘടനയ്ക്ക് ഭേദഗതികളോടെ സുപ്രീം കോടതിയുടെ അംഗീകാരം. ലോധ കമ്മിറ്റി മുന്നോട്ടുവച്ച ചില സുപ്രധാന നിര്‍ദേശങ്ങളില്‍ ഭേദഗതി വരുത്തിയാണ് സുപ്രീം കോടതി ഭരണഘടനയ്ക്ക് അംഗീകാരം നല്‍കിയത്. ചീഫ് ജസ്റ്റിസ് ദീപക് മിശ്ര അധ്യക്ഷനായ ബഞ്ചിന്റേതാണ് ഉത്തരവ്. ഭരണപരിഷ്‌കാരത്തിനായി കമ്മിറ്റി നിര്‍ദേശിച്ച ഒരു സംസ്ഥാനത്തിന് ഒരു വോട്ട്, ഭാരവാഹികളുടെ കാലാവധി എന്നിവയില്‍ ഇളവ് അനുവദിച്ചത് തത്വത്തില്‍ ബി.സി.സി.ഐക്കും സംസ്ഥാന ക്രിക്കറ്റ് അസോസിയേഷനുകള്‍ക്കും ആശ്വാസമായിരിക്കുകയാണ്. ലോധ കമ്മിറ്റി നിര്‍ദേശിച്ച, ഒരു സംസ്ഥാനത്തിന് ഒരു വോട്ട്, എന്ന വ്യവസ്ഥ മാറ്റി മഹാരാഷ്ട്ര, ഗുജറാത്ത് സംസ്ഥാനങ്ങളിലെ ക്രിക്കറ്റ് അസോസിയേഷനുകള്‍ക്കും (മുംബൈ, വിദര്‍ഭ, സൗരാഷ്ട്ര, ബറോഡ) സുപ്രീം കോടതി വ്യത്യസ്ത വോട്ടവകാശം നല്‍കി. ഒരു തവണ ബി.സി.സി.ഐ ഭാരവാഹിയായാല്‍ നിശ്ചിത ഇടവേളയ്ക്ക് ശേഷമേ വീണ്ടും മത്സരിക്കാനാകൂ എന്നായിരുന്നു ലോധ കമ്മിറ്റിയുടെ നിര്‍ദേശം. ഇതു ഭേദഗതി ചെയ്ത് ഇടവേളകളില്ലാതെ തുടര്‍ച്ചയായി രണ്ട് തവണ ഭാരവാഹിയാകാമെന്ന് കോടതി വ്യക്തമാക്കി. എന്നാല്‍ രണ്ട് വര്‍ഷം തുടര്‍ച്ചയായി ബി.സി.സി.ഐയിലോ സംസ്ഥാന അസോസിയേഷനുകളിലോ ഭാരവാഹി ആകുന്നവര്‍ക്ക് തുടര്‍ന്ന് മത്സരിക്കുന്നതിനുള്ള വിലക്ക് തുടരും. ഭാരവാഹിയായിരിക്കാനുള്ള പരമാവധി കാലാവധി ഒന്‍പതു വര്‍ഷമാക്കുക, മന്ത്രിമാര്‍, സര്‍ക്കാര്‍ ഉദ്യോഗസ്ഥര്‍ എന്നിവര്‍ക്ക് ഭാരവാഹി സ്ഥാനത്തേക്ക് വിലക്ക് ഏര്‍പ്പെടുത്തുക, ഭാരവാഹികള്‍ക്ക് 70 വയസ് പ്രായപരിധി നിശ്ചയിക്കുക എന്നീ നിര്‍ദേശങ്ങള്‍ സുപ്രീം കോടതി അംഗീകരിച്ചു. ഭേദഗതി വരുത്തിയ ഭരണഘടന നാലാഴ്ചയ്ക്കകം രജിസ്റ്റര്‍ ചെയ്യണമെന്ന് ബി.സി.സി.ഐക്ക് കോടതിയുടെ നിര്‍ദേശമുണ്ട്. ഭരണഘടന 30 ദിവസത്തിനുള്ളില്‍ അംഗീകരിക്കാന്‍ സംസ്ഥാന അസോസിയേഷനുകളോടും കോടതി നിര്‍ദേശിച്ചു. പുതിയ ഭരണഘടന അംഗീകരിച്ചതിനു ശേഷം മാത്രമേ അസോസിയേഷനുകള്‍ക്ക് ഇനി തിരഞ്ഞെടുപ്പ് നടത്താനാകൂ.

Other News

  • ഐ.സി.സിയുടെ തര്‍ക്ക പരിഹാര സമിതിയില്‍ സമര്‍പ്പിച്ച കേസ് തോറ്റു; ബി.സി.സി.ഐക്ക് നഷ്ടപരിഹാരത്തുക നല്‍കാന്‍ നിര്‍ബന്ധിതരായി പാക്‌ ക്രിക്കറ്റ് ബോര്‍ഡ്
  • ഭീകരാക്രമണത്തില്‍ നിന്നും തലനാരിഴയ്ക്ക് രക്ഷപ്പെട്ട്‌ ബംഗ്ലാദേശ് ക്രിക്കറ്റ് ടീം നാട്ടിലേക്ക്
  • ഓസ്ട്രേലിയന്‍ മുന്‍ നായകന്‍ സ്റ്റീവന്‍ സ്മിത്തും ഉപനായകന്‍ ഡേവിഡ് വാര്‍ണറും വീണ്ടും കളിക്കളത്തിലേക്ക്...
  • ബംഗ്ലാദേശ് പ്രധാനമന്ത്രിയെ വിമർശിച്ച ഫിഫ ഉദ്യോഗസ്ഥ അറസ്റ്റില്‍
  • ജെ.പി ഡുമിനി ഏകദിന ക്രിക്കറ്റില്‍ നിന്നും വിരമിക്കാനൊരുങ്ങുന്നു
  • ഏഷ്യന്‍ യൂത്ത് അത്‌ലറ്റിക് ചാമ്പ്യന്‍ഷിപ്പില്‍ സ്വര്‍ണത്തിളക്കവുമായി മലയാളി അബ്ദുള്‍ റസാഖ്‌
  • 'ബിസിസിഐയില്‍ പൂര്‍ണ വിശ്വാസം, കളിക്കളത്തിലേക്ക് തിരിച്ചുവരും'-ശ്രീശാന്ത്
  • ശ്രീശാന്തിന്റെ ആജീവനാന്ത വിലക്ക് സുപ്രീംകോടതി നീക്കം ചെയ്തു
  • സച്ചിന്‍, ലാറ, ബ്രാഡ്മാന്‍ എന്നിവരേക്കാള്‍ മികച്ചവനാണ് കോലി'; മൈക്കല്‍ വോണ്‍
  • മൂന്ന് ക്യൂബന്‍ കുട്ടികളുടെ അച്ഛനാണ് താനെന്ന് ഫുട്ബോള്‍ ഇതിഹാസം ഡീഗോ മാറഡോണയുടെ ഏറ്റുപറച്ചില്‍
  • തോളിനേറ്റ പരിക്ക്; കെയ്ന്‍ വില്യംസണ് സ്‌കാനിങ്
  • Write A Comment

     
    Reload Image
    Add code here