ക്യാപ്റ്റനെന്ന നിലയില്‍ കോലി പരാജയമെന്ന് നാസര്‍ ഹുസൈന്‍

Sun,Aug 05,2018


ലണ്ടന്‍: ഇംഗ്ലണ്ടിനെതിരായ ഒന്നാം ക്രിക്കറ്റ് ടെസ്റ്റില്‍ ഇന്ത്യയുടെ 31 റണ്‍സ് തോല്‍വിക്ക് ക്യാപ്റ്റനെന്ന നിലയില്‍ വിരാട് കോലിക്കും ഉത്തരവാദിത്തമുണ്ടെന്ന് ഇംഗ്ലണ്ടിന്റെ മുന്‍ ക്യാപ്റ്റന്‍ നാസര്‍ ഹുസൈന്‍. ടെസ്റ്റില്‍ വിരാട് കോലിയുടെ ബാറ്റിങ് പ്രകടനത്തെ വാഴ്ത്തുമ്പോള്‍ ക്യാപ്റ്റനെന്ന നിലയില്‍ കോലി പരാജയമാണെന്നും നാസര്‍ ഹുസൈന്‍ പറയുന്നു.

മത്സരത്തില്‍ കോലിയുടെ പ്രകടനം ഉജ്ജ്വലമായിരുന്നു. വാലറ്റത്തെ കൂട്ടുപിടിച്ച് കോലി നടത്തിയ രക്ഷാപ്രവര്‍ത്തനം ഇന്ത്യന്‍ ടീമിനെ വിജയത്തിലെത്തിക്കേണ്ടതായിരുന്നു. വിജയം കോലി അര്‍ഹിക്കുന്നത് തന്നെയായിരുന്നു. തകര്‍ന്നുവീണ ഇന്ത്യയെ പൊരുതാവുന്ന നിലയിലേക്ക് എത്തിച്ചത് കോലിയുടെ ഒറ്റയാള്‍ പ്രകടനമാണ്. സ്‌കൈ സ്‌പോര്‍ട്‌സിന് നല്‍കിയ അഭിമുഖത്തില്‍ ഹുസൈന്‍ പറയുന്നു.

ഈ തോല്‍വിയുടെ ഉത്തരവാദിത്തം കോലി കൂടി ഏറ്റെടുക്കണം. രണ്ടാം ഇന്നിങ്‌സില്‍ ആദില്‍ റാഷിദും സാം കറനും ബാറ്റിങ്ങിന് വരുമ്പോള്‍ ഏഴു വിക്കറ്റ് നഷ്ടത്തില്‍ 87 റണ്‍സെന്ന നിലയിലായിരു്‌നനു ഇംഗ്ലണ്ട്. ഈ സമയത്ത് എന്തോ കാരണംകൊണ്ട് അശ്വിനെ ബൗളിങ്ങ് ഏല്‍പ്പിച്ചില്ല. തുടര്‍ന്ന് ഇന്ത്യക്ക് നിയന്ത്രണം നഷ്ടപ്പെട്ടു. കോലി തന്റെ ക്യാപ്റ്റന്‍സിയിലേക്ക് ഒന്ന് തിരിഞ്ഞുനോക്കണം. എന്നിട്ട് സ്വയം ചോദിക്കണം. 'ഇരുപത് വയസ്സ് മാത്രം പ്രായമുള്ള ഒരു ഇടങ്കയ്യന്‍ ബാറ്റ്‌സ്മാന്‍ ക്രീസില്‍ നില്‍ക്കുമ്പോള്‍ ഇടങ്കയ്യന്‍മാര്‍ക്കെതിരെ മികച്ച ശരാശരിയുള്ള അശ്വിനെ ബൗള്‍ ചെയ്യിപ്പിക്കാതിരുന്നത് എന്തുകൊണ്ടാണ്? ' നാസര്‍ ഹുസൈന്‍ ചൂണ്ടിക്കാട്ടുന്നു.

ഇന്ത്യക്കെതിരെ ഓള്‍റൗണ്ട് പ്രകടനം പുറത്തെടുത്ത യുവതാരം കറനേയും നാസര്‍ ഹുസൈന്‍ അഭിനന്ദിച്ചു. കോലി 200 റണ്‍സ് നേടിയെന്ന് ഇന്ത്യന്‍ ആരാധകര്‍ പറഞ്ഞേക്കാം. പക്ഷേ മത്സരം ഇംഗ്ലണ്ടിന് അനുകൂലമാക്കിയത് വെറും ഇരുപത് വയസ് മാത്രമുള്ള ഒരു പയ്യനാണ്. അത് വലിയൊരു നേട്ടമാണ്. രണ്ട് ഇന്നിങ്‌സിന്റേയും ഗതി മാറ്റിയത് കറനായിരുന്നു. ആദ്യ ഇന്നിങ്‌സില്‍ ഇന്ത്യ വിക്കറ്റ് നഷ്ടം കൂടാതെ 50 റണ്‍സെടുത്ത് നില്‍ക്കുമ്പോള്‍ കറന്‍ ബോള്‍ ചെയ്യാനെത്തുന്നത്. പിന്നീട് എന്താണ് സംഭവിച്ചതെന്ന് നമ്മള്‍ കണ്ടു. രണ്ടാം ഇന്നിങ്‌സില്‍ ഏഴിന് 87 റണ്‍സെന്ന നിലയില്‍ തകര്‍ന്ന ഇംഗ്ലണ്ടിന്റെ രക്ഷകനായതും കറന്‍ തന്നെ. ഹുസൈന്‍ കൂട്ടിച്ചേര്‍ത്തു.

Other News

  • അഞ്ചു വിക്കറ്റുമായി മര്‍ക്കണ്ടെ; ഇന്ത്യ എയ്ക്ക് ഇന്നിങ്‌സ് ജയം
  • വിമാനാപകടത്തില്‍ മരിച്ച കാര്‍ഡിഫ് സ്‌ട്രൈക്കര്‍ സലയുടെ 'രഹസ്യ കാമുകി'യെന്ന അവകാശവാദവുമായി യുവതി
  • ദക്ഷിണാഫ്രിക്കയ്‌ക്കെതിരായ ചതുര്‍ദിന മത്സരങ്ങള്‍ക്കുള്ള ഇന്ത്യയുടെ അണ്ടര്‍-19 ടീമില്‍ രണ്ട് കേരള താരങ്ങള്‍
  • സീനിയര്‍ സ്‌കൂള്‍ അത്‌ലറ്റിക് മീറ്റ് കിരീടം കേരളത്തിന്
  • സലയുടെ പോസ്റ്റ്‌മോര്‍ട്ടം റിപ്പോര്‍ട്ട് പുറത്ത്; മരണ കാരണം തലയ്ക്കും നെഞ്ചിലുമേറ്റ പരിക്ക്
  • ഇന്ത്യ വീണു; ന്യൂസീലന്‍ഡിന് വിജയം, പരമ്പര
  • പന്ത് തലയിലിടിച്ച് ബൗളര്‍ അശോക് ദിൻഡയ്ക്ക് പരിക്ക്
  • ബ്രസിലീലെ ഫുട്‌ബോള്‍ പരിശീലന കേന്ദ്രത്തില്‍ തീപിടുത്തം; പത്തുപേര്‍ പൊള്ളലേറ്റ് മരിച്ചു; മൂന്ന് പേര്‍ക്ക് പരിക്ക്
  • ട്വന്റി 20 ബാറ്റിങ് ലൈനപ്പ് തിരഞ്ഞെടുത്ത് ഗവാസ്‌ക്കര്‍; ധോനിക്ക് ഇടമില്ല
  • ട്വന്റി 20 ബാറ്റിങ് ലൈനപ്പ് തിരഞ്ഞെടുത്ത് ഗവാസ്‌ക്കര്‍; ധോനിക്ക് ഇടമില്ല
  • പരിക്ക്; പിറന്നാള്‍ ദിനത്തില്‍ കണ്ണീരണിഞ്ഞ് നെയ്മര്‍
  • Write A Comment

     
    Reload Image
    Add code here