അരങ്ങേറ്റത്തില്‍ ഏറ്റവും വേഗമേറിയ സെഞ്ചുറി; റീസയുടെ റെക്കോഡില്‍ ദക്ഷിണാഫ്രിക്കയ്ക്ക് വിജയം

Sun,Aug 05,2018


കാന്‍ഡി: അരങ്ങേറ്റ മത്സരത്തില്‍ ഒരു കളിക്കാരന്‍ നേടുന്ന ഏറ്റവും വേഗമേറിയ സെഞ്ച്വറി കരസ്ഥമാക്കിയ റീസാ ഹെന്‍ട്രിക്‌സിന്റെ മികവില്‍ ശ്രീലങ്കയ്‌ക്കെതിരായ മൂന്നാം ഏകദിനത്തില്‍ ദക്ഷിണാഫ്രിക്ക വിജയിച്ചു. 88 പന്തിലാണ് റീസ സെഞ്ച്വറി നേടിയത്. ഇതോടെ പരമ്പരയില്‍ ദക്ഷിണാഫ്രിക്ക 3-0 ത്തിന് മുന്നിലെത്തി. മൂന്നാമനായി ക്രീസിലെത്തിയ 28 കാരനായ റീസ എട്ടുഫോറും ഒരു സിക്‌സറും നേടിയാണ് സെഞ്ച്വറിയിലേക്ക് കുതിച്ചത്. 49 പന്തില്‍ അര്‍ദ്ധ സെഞ്ച്വറിയും പിന്നീട് 18 പന്തില്‍ അടുത്ത അര്‍ദ്ധ സെഞ്ച്വറിയും നേടി. നാലാം വിക്കറ്റില്‍ ഡുമിനിക്കൊപ്പം 73 പന്തില്‍ 78 റണ്‍സ് കൂട്ടിച്ചേര്‍ത്തു.

35-ാം ഓവറിലെ അഞ്ചാം പന്തില്‍ ലാഹിരു കുമാരയാണ ദക്ഷിണാഫ്രിക്കന്‍ താരത്തെ പുറത്താക്കിയത്. ഏകദിന അരങ്ങേറ്റത്തില്‍ സെഞ്ചുറി നേടുന്ന പതിനാലാമത്തെ താരവും മൂന്നാമത്തെ ദക്ഷിണാഫ്രിക്കന്‍ താരവുമാണ്. കോളിന്‍ ഇന്‍ഗ്രാമും തെമ്പാ ബുവാമയുമാണ് നേരത്തെ ദക്ഷിണാഫ്രിക്കയ്ക്കായി അരങ്ങേറ്റ സെഞ്ചുറി നേടിയ താരങ്ങള്‍.

റീസയുടെ ബാറ്റിങ് മികവില്‍ നിശ്ചിത ഓവറില്‍ ഏഴു വിക്കറ്റ് നഷ്ടത്തില്‍ 363 റണ്‍സാണ് ദക്ഷിണാഫ്രിക്ക നേടിയത്. 92 റണ്‍സുമായി ഡുമിനിയും 59 റണ്‍സുമായി ഹാഷിം അംലയും 51 റണ്‍സുമായി ഡേവിഡ് മില്ലറും റീസയ്ക്ക് പിന്തുണ നല്‍കി. തിസാര പെരേരയുടെ നാല് വിക്കറ്റ് പ്രകടനം മാത്രമാണ് ലങ്കയ്ക്ക് ആശ്വസിക്കാനുണ്ടായത്.

കൂറ്റന്‍ വിജയലക്ഷ്യവുമായി മറുപടി ബാറ്റിങ്ങിനിറങ്ങിയ ലങ്ക 45.2 ഓവറില്‍ 285 റണ്‍സിന് എല്ലാവരും പുറത്തായി. നാല് വിക്കറ്റെടുത്ത ലുന്‍ഗി എന്‍ഗിഡിയുടേയും മൂന്ന് വിക്കറ്റ് വീഴ്ത്തിയ ഫെലുക്ക്വായോയുടേയും ബൗളിങ്ങിന് മുന്നില്‍ ലങ്കന്‍ ബാറ്റ്‌സ്മാന്‍മാര്‍ക്ക് പിടിച്ചുനില്‍ക്കാനായില്ല. 84 റണ്‍സെടുത്ത ധനഞ്ജയ ഡിസില്‍വയാണ് ലങ്കയുടെ ടോപ്പ് സ്‌കോറര്‍.

Other News

  • പായ്‌വഞ്ചിയില്‍ ഗോള്‍ഡന്‍ ഗ്ലോബ് റേസ് മത്സരത്തില്‍ പങ്കെടുക്കുന്നതിനിടെ അപകടത്തില്‍പ്പെട്ട താന്‍ സുരക്ഷിതനെന്ന് അഭിലാഷ് ടോമി; തിരച്ചിൽ തുടരുന്നു
  • ബംഗ്ലാദേശിനെതിരെ ഇന്ത്യക്ക് ഏഴുവിക്കറ്റ് ജയം
  • അഫ്ഗാനെതിരേ പാക്കിസ്ഥാന്‌ വിജയം
  • ഏഷ്യ കപ്പ്; സൂപ്പര്‍ ഫോറില്‍ ഇന്ന് ഇന്ത്യ - ബംഗ്ലാദേശ് മത്സരം,പരിക്കേറ്റ മൂന്ന് താരങ്ങള്‍ ടീമിന് പുറത്തായി
  • ബെല്‍ജിയവും ഫ്രാന്‍സും ഫിഫ റാങ്കിങ്ങില്‍ ഒന്നാം സ്ഥാനം പങ്കിട്ടു
  • കോലിക്കും മീരാഭായിക്കും ഖേല്‍രത്‌ന, ബോബിക്ക് ധ്യാൻ ചന്ദ് പുരസ്കാരം
  • ചൈന ഓപ്പണ്‍; സിന്ധുവും ശ്രീകാന്തും ക്വാര്‍ട്ടറില്‍, ഡബിള്‍സില്‍ തിരിച്ചടി
  • ചാമ്പ്യന്‍സ് ലീഗ്: സീസണിലെ ആദ്യ മത്സരത്തില്‍ മെസ്സിയ്ക്ക് ഹാട്രിക്ക്; ബാഴ്‌സയ്ക്ക് വിജയം
  • ലിവര്‍പൂളിന് ആവേശവിജയം
  • ഇന്ന് ഇന്ത്യ പാക്കിസ്ഥാനെതിരെ,ദുബായ് ആവേശത്തില്‍
  • ഹോങ് കോങ്ങിനെതിരെ ഇന്ത്യ തടിതപ്പി!
  • Write A Comment

     
    Reload Image
    Add code here