ആര്‍തുറോ വിദാല്‍ ബാഴ്‌സലോണയില്‍

Sat,Aug 04,2018


ബാഴ്‌സലോണ: ചിലിയുടെ മധ്യനിര താരം ആര്‍തുറോ വിദാല്‍ ഇനി സ്പാനിഷ് ലീഗിലെ കരുത്തരായ ബാഴ്‌സലോണയില്‍. ബയറണ്‍ മ്യൂണിക്കില്‍ നിന്ന് ഏകദേശം 214 കോടി രൂപയ്ക്കാണ് വിദാല്‍ ബാഴ്‌സയുമായി മൂന്നു വര്‍ഷത്തെ കരാറൊപ്പിട്ടത്. സൂപ്പര്‍ താരം ഇനിയെസ്റ്റ ക്ലബ് വിട്ടതോടെ മധ്യനിരയില്‍ ഒരു പകരക്കാരനെ കണ്ടെത്താനുള്ള അന്വേഷണത്തിലായിരുന്നു ബാഴ്സലോണ. ഒന്നിലധികം പൊസിഷനുകളില്‍ തിളങ്ങാനുള്ള മികവ് കണ്ടാണ് ബാഴ്‌സ വിദാലിനെ തട്ടകത്തിലെത്തിച്ചത്. വിദാല്‍ ഇറ്റാലിയന്‍ ക്ലബിലേക്ക് മാറിയേക്കുമെന്ന റിപ്പോര്‍ട്ടുകളുണ്ടായിരുന്നെങ്കിലും അതെല്ലാം തള്ളിക്കളഞ്ഞ് ചിലിയന്‍ താരം ബാഴ്‌സയുമായി കരാറൊപ്പിടുകയായിരുന്നു. ഇക്കാര്യം ബാഴ്‌സ തങ്ങളുടെ ഔദ്യോഗിക ട്വിറ്റര്‍ പേജിലൂടെ സ്ഥിരീകരിച്ചിട്ടുണ്ട്. ബാഴ്സയ്ക്കൊപ്പം ഇറ്റാലിയന്‍ കരുത്തരായ ഇന്റര്‍ മിലാനും വിദാലിന് വേണ്ടി രംഗത്തുണ്ടായിരുന്നു. വിദാല്‍ വരുന്നതോടെ ബാഴ്സയുടെ മധ്യനിര കൂടുതല്‍ ശക്തമാവും. ഇനിയെസ്റ്റയുടെ വിടവാങ്ങലും പൗളീഞ്ഞോ ചൈനീസ് ലീഗിലേക്ക് തിരികെ പോയതും ബാഴ്സയുടെ മധ്യനിരയുടെ ശക്തി കുറച്ചിട്ടുണ്ട്. ആ വിടവ് വിദാലിലൂടെ നികത്താനാകുമെന്നാണ് ബാഴ്‌സ പ്രതീക്ഷിക്കുന്നത്. യുവന്റസില്‍ നിന്നാണ് വിദാല്‍ ബയറണിന്റെ തട്ടകത്തിലെത്തിയത്. യുവന്റസിനായി 124 മത്സരങ്ങളില്‍ നിന്ന് 35 ഗോളുകള്‍ നേടി ചിലിയന്‍ താരം. പിന്നീട് 2015-ല്‍ ബയറണിലെത്തിയ വിദാല്‍ മൂന്നു കവണ ബുണ്ടസ് ലിഗ കിരീടം സ്വന്തമാക്കി. ബയറണില്‍ കളിച്ച 79 മത്സരങ്ങളില്‍ നിന്ന് 14 ഗോളുകളാണ് വിദാല്‍ നേടിയത്.

Other News

  • ശ്രീശാന്തിന്റെ മുഖത്തടിച്ചതില്‍ ഹര്‍ഭജന്‍ സിങ്ങിന് കുറ്റബോധം
  • ഐ.സി.സിയുടെ മികച്ച ക്രിക്കറ്റ് താരത്തിനുള്ള സര്‍ ഗാരി സോബേഴ്‌സ് പുരസ്‌കാരം ഇന്ത്യന്‍ നായകന്‍ വിരാട് കോലിക്ക്
  • ഗുരുതരാവസ്ഥയില്‍ കഴിയുന്ന മുന്‍ ഇന്ത്യന്‍ ക്രിക്കറ്റ് താരം ജേക്കബ് മാര്‍ട്ടിന് സഹായവുമായി ഗാംഗുലി
  • മാരിനോട് തോറ്റു; സൈന സെമിയില്‍ പുറത്ത്
  • രഞ്ജിയില്‍ കേരളം-വിദര്‍ഭ സെമി
  • കേരളം രഞ്ജി ട്രോഫി ക്രിക്കറ്റ് സെമിയില്‍
  • അവസാന മത്സരത്തില്‍ വിജയം; ഓസ്‌ട്രേലിയക്കെതിരായ ഏകദിന പരമ്പരയും ഇന്ത്യയ്ക്ക്‌
  • ബഹ്‌റൈനോടേറ്റ തോല്‍വിക്കു പിന്നാലെ ഇന്ത്യന്‍ കോച്ച് രാജിവെച്ചു
  • ഏഷ്യന്‍ കപ്പില്‍ ബഹ്‌റൈനോട് തോറ്റ് ഇന്ത്യ പുറത്ത്
  • ഏഷ്യന്‍ കപ്പില്‍ ബഹ്‌റൈനെതിരേ ഇന്ത്യ
  • ചരിത്ര നേട്ടം;ലാ ലിഗയില്‍ 400 ഗോളുമായി മെസ്സി!
  • Write A Comment

     
    Reload Image
    Add code here