ടീം ഇംഗ്ലണ്ടിന് ഇത് ആയിരാമത് ടെസ്റ്റ്‌

Mon,Jul 30,2018


ലണ്ടന്‍: ഇന്ത്യയ്‌ക്കെതിരായ പരമ്പരയില്‍ ആദ്യ ടെസ്റ്റ് കളിക്കാനൊരുങ്ങുന്ന ഇംഗ്ലണ്ട് ടീമിനെ കാത്തിരിക്കുന്നത് ചരിത്രമുഹൂര്‍ത്തം. അന്താരാഷ്ട്ര ടെസ്റ്റ് ക്രിക്കറ്റില്‍ ആയിരാമത്തെ മത്സരത്തിനിറങ്ങുന്ന ആദ്യടീമാവുകയാണ് അവര്‍. 1877-ല്‍ ഇംഗ്ലണ്ടും ഓസ്ട്രേലിയയുംതമ്മിലായിരുന്നു ആദ്യ അന്താരാഷ്ട്ര ടെസ്റ്റ് മത്സരം. അഞ്ചു ടെസ്റ്റാണ് പരമ്പരയിലുള്ളത്. ഇന്ത്യയുടെ 522-ാം ടെസ്റ്റാണിത്. എജ്ബാസ്റ്റണില്‍ ഇംഗ്ലണ്ട് 50 ടെസ്റ്റ് കളിച്ചുകഴിഞ്ഞു. ഇതില്‍ 27 വിജയവും ഇംഗ്ലണ്ടിനുണ്ട്.

ഓസ്ട്രേലിയ ഒട്ടാകെ 812 ടെസ്റ്റാണ് കളിച്ചത്. ആധുനിക ക്രിക്കറ്റില്‍ വലിയ വിജയങ്ങള്‍ രചിച്ച വിന്‍ഡീസ് ക്രിക്കറ്റ് ടീം 535 ടെസ്റ്റ് കളിച്ചു. കഴിഞ്ഞ 999 ടെസ്റ്റുകളില്‍ 35.7 ആണ് ഇംഗ്ലണ്ടിന്റെ വിജയശതമാനം. 357 മത്സരങ്ങള്‍ ജയിച്ചപ്പോള്‍ 297 കളികള്‍ തോറ്റു; സമനിലകള്‍- 345.

അന്താരാഷ്ട്ര ക്രിക്കറ്റ് കൗണ്‍സിലിന്റെ (ഐ.സി.സി) ആദ്യ രൂപമായ ഇംപീരിയില്‍ ക്രിക്കറ്റ് കോണ്‍ഫറന്‍സ് എന്ന സംഘടനയ്ക്ക് രൂപം നല്‍കിയതും ഇംഗ്ലണ്ടാണ്. ഓസ്ട്രേലിയ, ദക്ഷിണാഫ്രിക്ക എന്നീ രാജ്യങ്ങളും അതില്‍ അംഗങ്ങളായിരുന്നു. ആദ്യ അന്താരാഷ്ട്ര ഏകദിനം കളിച്ചതും ഇംഗ്ലണ്ടും ഓസ്ട്രേലിയയും തമ്മിലാണ്. 1971 ജനവരിയിലായിരുന്നു മത്സരം.

അതേസമയം അപൂര്‍വ റെക്കോഡിന് ഉടമയാകുന്ന ഇംഗ്ലണ്ട് ടീമിനെ അന്താരാഷ്ട്ര ക്രിക്കറ്റ് കൗണ്‍സില്‍ (ഐ.സി.സി.) അഭിനന്ദിച്ചു. 'ക്രിക്കറ്റിന്റെ ആരംഭംമുതല്‍ പുതിയ കളിക്കാരെ വളര്‍ത്തിയെടുക്കാനും ലോകമെങ്ങുമുള്ള ക്രിക്കറ്റ് സ്‌നേഹികളെ പ്രചോദിപ്പിക്കാനും ഇംഗ്ലണ്ട് നടത്തിയ ശ്രമങ്ങള്‍ ഇനിയും തുടരട്ടെ...' ആശംസാ സന്ദേശത്തില്‍ ഐ.സി.സി. അധ്യക്ഷന്‍ ശശാങ്ക് മനോഹര്‍ പറഞ്ഞു. ബുധനാഴ്ച മത്സരം തുടങ്ങുന്നതിനുമുമ്പ് ടീമിന് ആദരമര്‍പ്പിക്കും. മുന്‍ ന്യൂസീലന്‍ഡ് ക്യാപ്റ്റന്‍ ജെഫ് ക്രോയും ഐ.സി.സി. മാച്ച് റഫറിമാരുടെ പാനലിലെ പ്രമുഖരും ഐ.സി.സി. ഉന്നതരും ചടങ്ങില്‍ പങ്കെടുക്കും.ഇങ്ങിനെയൊക്കെയാണെങ്കിലും ഇതുവരെ ഏകദിന ക്രിക്കറ്റ് ലോകകപ്പ് ഉയര്‍ത്താന്‍ ഇംഗ്ലണ്ടിനായിട്ടില്ല.

Other News

  • ചാമ്പ്യന്‍സ് ലീഗ്: സീസണിലെ ആദ്യ മത്സരത്തില്‍ മെസ്സിയ്ക്ക് ഹാട്രിക്ക്; ബാഴ്‌സയ്ക്ക് വിജയം
  • ലിവര്‍പൂളിന് ആവേശവിജയം
  • ഇന്ന് ഇന്ത്യ പാക്കിസ്ഥാനെതിരെ,ദുബായ് ആവേശത്തില്‍
  • ഹോങ് കോങ്ങിനെതിരെ ഇന്ത്യ തടിതപ്പി!
  • അഫ്ഗാനോടും തോറ്റു; ശ്രീലങ്ക ഏഷ്യകപ്പില്‍ നിന്നും പുറത്ത്
  • റൊണാള്‍ഡോ പോയശേഷം കൂടുതല്‍ ഒത്തിണക്കത്തോടെയാണ് റയല്‍ മാഡ്രിഡ് കളിക്കുന്നതെന്ന് ബെയ്ല്‍
  • കോലിയെ ടീമിലുള്‍പ്പെടുത്താന്‍ സമ്മര്‍ദ്ദം; പുറത്തുനിന്നുള്ള ഇടപെടല്‍ വേണ്ടെന്ന് ബിസിസിഐ
  • കേരള ബ്ലാസ്‌റ്റേഴ്‌സിനെ എം.എ. യൂസഫ് അലി ഏറ്റെടുത്തുവെന്നത് വ്യാജവാര്‍ത്ത
  • കെനിയന്‍ താരം മാരത്തണില്‍ ലോക റെക്കോഡ് തിരുത്തി
  • ഒരു ഗോളിന് പിന്നില്‍ നിന്നശേഷം ബാഴ്‌സ തിരിച്ചടിച്ചു; റയലിന് സമനില
  • അഞ്ചില്‍ അഞ്ചിലും വിജയം; 100 വര്‍ഷം പഴക്കമുള്ള റെക്കോഡ് ആവര്‍ത്തിച്ച് ചെല്‍സിയും ലിവര്‍പൂളും
  • Write A Comment

     
    Reload Image
    Add code here