അണ്ടര്‍-19 യൂറോ കിരീടം പോര്‍ച്ചുഗലിന്

Mon,Jul 30,2018


മഡ്രിഡ്: റൊണാള്‍ഡോ നയിച്ച സീനിയര്‍ ടീമിന്റെ പാത പിന്‍തുടര്‍ന്ന് പോര്‍ച്ചുഗല്‍ കൗമാരതാരങ്ങള്‍ അണ്ടര്‍-19 യൂറോകപ്പ് ഫുട്ബോളില്‍ കിരീടമുയര്‍ത്തി.അധികസമയത്തേക്കുനീണ്ട ഫൈനലില്‍ ഇറ്റലിയെ 4-3 തോല്‍പ്പിച്ചാണ് കപ്പില്‍ മുത്തമിട്ടത്. ക്രിസ്റ്റ്യാനോ റൊണാള്‍ഡോയുടെ നേതൃത്വത്തില്‍ പോര്‍ച്ചുഗല്‍ 2016-ല്‍ യൂറോകപ്പ് നേടിയിരുന്നു. അന്ന് അധികസമയത്തേക്കുനീണ്ട ഫൈനലില്‍ എഡര്‍ നേടിയ ഗോളിന് ഫ്രാന്‍സിനെ തോല്‍പ്പിച്ചാണ് യൂറോപ്യന്‍ ചാമ്പ്യന്‍പട്ടം നേടിയത്. അണ്ടര്‍-19 യൂറോകപ്പും സമാനമായരീതിയിലാണ് പോര്‍ച്ചുഗല്‍ ഭാവിസംഘം നേടിയത്.

നിശ്ചിതസമയത്ത് പോര്‍ച്ചുഗലും ഇറ്റലിയും 2-2ന് സമനിലയിലായിരുന്നു. ജാവോ പെഡ്രോ ഫിലിപ്പെ (45), ഫ്രാന്‍സിസ്‌കോ ട്രിന്‍കാവോ (72) എന്നിവര്‍ പോര്‍ച്ചുഗലിനായി സ്‌കോര്‍ ചെയ്തു. മോയ്സ് കീന്‍ (75, 76) നേടിയ ഇരട്ടഗോള്‍ ഇറ്റലിക്ക് തുണയായി. അധികസമയത്ത് വിജയികള്‍ക്കായി ഫിലിപ്പെ (104), പെഡ്രോ കൊറേയ (109) എന്നിവര്‍ ലക്ഷ്യംകണ്ടു. ഇറ്റലിക്കായി ജിയാന്‍ ലുക്ക സ്‌കാമാക്ക (107) സ്‌കോര്‍ ചെയ്തു.

ചരിത്രത്തില്‍ നാലാം തവണയാണ് പോര്‍ച്ചുഗല്‍ കിരീടം നേടുന്നത്. ഇതിനുമുമ്പ് 1961, 1994, 1999 വര്‍ഷങ്ങളിലാണ് കപ്പുയര്‍ത്തിയത്. എട്ടുതവണ റണ്ണറപ്പായി. അഞ്ചു ഗോള്‍ വീതം നേടിയ പോര്‍ച്ചുഗല്‍ താരങ്ങളായ ജാവോ ഫിലിപ്പെ, ഫ്രാന്‍സിസ്‌കോ ട്രിന്‍കാവോ എന്നിവരാണ് ടൂര്‍ണമെന്റിലെ ഗോള്‍വേട്ടക്കാര്‍.

Other News

  • അഞ്ചു വിക്കറ്റുമായി മര്‍ക്കണ്ടെ; ഇന്ത്യ എയ്ക്ക് ഇന്നിങ്‌സ് ജയം
  • വിമാനാപകടത്തില്‍ മരിച്ച കാര്‍ഡിഫ് സ്‌ട്രൈക്കര്‍ സലയുടെ 'രഹസ്യ കാമുകി'യെന്ന അവകാശവാദവുമായി യുവതി
  • ദക്ഷിണാഫ്രിക്കയ്‌ക്കെതിരായ ചതുര്‍ദിന മത്സരങ്ങള്‍ക്കുള്ള ഇന്ത്യയുടെ അണ്ടര്‍-19 ടീമില്‍ രണ്ട് കേരള താരങ്ങള്‍
  • സീനിയര്‍ സ്‌കൂള്‍ അത്‌ലറ്റിക് മീറ്റ് കിരീടം കേരളത്തിന്
  • സലയുടെ പോസ്റ്റ്‌മോര്‍ട്ടം റിപ്പോര്‍ട്ട് പുറത്ത്; മരണ കാരണം തലയ്ക്കും നെഞ്ചിലുമേറ്റ പരിക്ക്
  • ഇന്ത്യ വീണു; ന്യൂസീലന്‍ഡിന് വിജയം, പരമ്പര
  • പന്ത് തലയിലിടിച്ച് ബൗളര്‍ അശോക് ദിൻഡയ്ക്ക് പരിക്ക്
  • ബ്രസിലീലെ ഫുട്‌ബോള്‍ പരിശീലന കേന്ദ്രത്തില്‍ തീപിടുത്തം; പത്തുപേര്‍ പൊള്ളലേറ്റ് മരിച്ചു; മൂന്ന് പേര്‍ക്ക് പരിക്ക്
  • ട്വന്റി 20 ബാറ്റിങ് ലൈനപ്പ് തിരഞ്ഞെടുത്ത് ഗവാസ്‌ക്കര്‍; ധോനിക്ക് ഇടമില്ല
  • ട്വന്റി 20 ബാറ്റിങ് ലൈനപ്പ് തിരഞ്ഞെടുത്ത് ഗവാസ്‌ക്കര്‍; ധോനിക്ക് ഇടമില്ല
  • പരിക്ക്; പിറന്നാള്‍ ദിനത്തില്‍ കണ്ണീരണിഞ്ഞ് നെയ്മര്‍
  • Write A Comment

     
    Reload Image
    Add code here