ഇന്ത്യന്‍ ഫുട്‌ബോളിലെ അഴിമതിക്കഥ തുറന്നുകാട്ടി ബ്ലാസ്റ്റേഴ്‌സ് താരം; എഫ്.പി.എ.ഐയുമായുള്ള ഇ-മെയില്‍ സംഭാഷണത്തിന്റെ സ്‌ക്രീന്‍ഷോട്ടുകള്‍ പുറത്തുവിട്ടു

Sun,Jul 29,2018


ഇന്ത്യന്‍ ഫുട്‌ബോള്‍ താരങ്ങളുടെ സംഘടനയായ ഫുട്‌ബോള്‍ പ്ലെയേഴ്‌സ് അസോസിയേഷന്‍ ഓഫ് ഇന്ത്യ (എഫ്.പി.എ.ഐ)യുമായുള്ള ഇ-മെയില്‍ സംഭാഷണത്തിന്റെ സ്‌ക്രീന്‍ഷോട്ടുകള്‍ പുറത്തുവിട്ട് അഴിമതിക്കഥ തുറന്നുകാട്ടിയിരിക്കയാണ്‌ ഐ.എസ്.എല്ലില്‍ കേരള ബ്ലാസ്റ്റേഴ്സിന്റെയും ചെന്നൈ എഫ്.സിയുടെയും താരവുമായിരുന്ന ഗോഡ്‌വിന്‍ ഫ്രാങ്കോ. തന്റെ ഔദ്യോഗിക ട്വിറ്റര്‍ അക്കൗണ്ടിലൂടെയാണ് ഗോഡ്‌വിന്‍ ഈ സ്‌ക്രീന്‍ഷോട്ടുകള്‍ പുറത്തുവിട്ടത്. ആഭ്യന്തര ഫുട്‌ബോളില്‍ നടക്കുന്ന മോശം പ്രവണതകള്‍ ചൂണ്ടിക്കാട്ടി ഗോഡ്‌വിന്‍ ഫുട്‌ബോള്‍ പ്ലെയേഴ്‌സ് അസോസിയേഷന്‍ ഓഫ് ഇന്ത്യ (എഫ്.പി.എ.ഐ)യ്ക്കും ഇന്റര്‍നാഷണല്‍ ഫെഡറേഷന്‍ ഓഫ് പ്രൊഫഷണല്‍ ഫുട്‌ബോളേഴ്‌സി(എഫ്.ഐ.എഫ്.പി.ആര്‍.ഒ)നും ഇ-മെയില്‍ അയച്ചിരുന്നു.

മോശം കളിക്കാരെ വിവിധ ക്ലബ്ബുകളിലെത്തിക്കാന്‍ ചില ഇടനിലക്കാര്‍ വഴി ശ്രമങ്ങള്‍ നടക്കുന്നുണ്ടെന്നും പ്രൊഫഷണല്‍ ഫുട്‌ബോള്‍ കളിക്കാന്‍ പോലും യോഗ്യതയില്ലാത്തവര്‍ ഇത്തരത്തില്‍ ടീമുകളില്‍ കയറിപ്പറ്റുന്നുണ്ടെന്നുമായിരുന്നു ഉള്ളടക്കം. മോശം ഫോമിലുള്ളവരും ഫിറ്റ്‌നസ് പ്രശ്‌നങ്ങള്‍ ഉള്ളവരും പോലും ഇത്തരത്തില്‍ ടീമിലെത്തുന്നുണ്ടെന്നും ഗോഡ്‌വിന്‍ ചൂണ്ടിക്കാണിച്ചിരുന്നു. എന്നാല്‍ ഇതിന് എഫ്.പി.എ.ഐയില്‍ നിന്ന് ലഭിച്ച മറുപടിയാണ് ഗോഡ്‌വിനെ ഞെട്ടിച്ചത്. ഇത്തരത്തില്‍ കളിക്കാരെ ടീമിലെത്തിക്കുന്നവരുണ്ടെങ്കില്‍ എന്തുകൊണ്ട് നിങ്ങള്‍ അവരെ ഉപയോഗിക്കുന്നില്ലെന്നായിരുന്നു എഫ്.പി.എ.ഐ, ഗോഡ്‌വിന് നല്‍കിയ മറുപടി.

ദയവുചെയ്ത് ക്ലബ്ബുകളിലിടം പിടിക്കാന്‍ ഇത്തരം തെറ്റായ വഴികള്‍ ഉപയോഗിക്കാന്‍ തന്നോട് പറയരുത്. ഇത്തരം രീതികള്‍ ഉപയോഗിക്കാന്‍ പറഞ്ഞത് നിങ്ങളുടെ ഭാഗത്തുനിന്നുള്ള വലിയ തെറ്റാണെന്നും ഗോഡ്‌വിന്‍ എഫ്.പി.എ.ഐക്ക് മറുപടി നല്‍കി. താന്‍ ഇനി ഇന്ത്യയില്‍ ക്ലബ്ബ് ഫുട്‌ബോള്‍ കളിക്കില്ലെന്നും ഗോഡ്‌വിന്‍ വ്യക്തമാക്കി. തന്റെ അനുഭവം ചൂണ്ടിക്കാട്ടി ഇന്ത്യന്‍ ഫുട്‌ബോളിന്റെ അവസ്ഥ മോശമാകാന്‍ കാരണം ഇതാണെന്നും ഗോഡ്‌വിന്‍ പറയുന്നു. ഒരു ഫുട്‌ബോള്‍ താരത്തിനു വേണ്ട കഴിവുകളൊന്നും തന്നെ ഇത്താത്തവര്‍ ടീമുകളില്‍ ഇടം നേടുന്നു. ടീമിലെത്താന്‍ അര്‍ഹതയില്ലാത്തവര്‍ അഴിമതി കാണിച്ച് അവസരങ്ങള്‍ നേടിയെടുക്കുന്നു, 33 കാരനായ മിഡ്ഫീല്‍ഡര്‍ കൂട്ടിച്ചേര്‍ത്തു.

ഇത് ഇന്ത്യന്‍ ഫുട്‌ബോളിനെ തന്നെ നശിപ്പിക്കുകയാണ്. കഴിവുള്ള കളിക്കാരെ നശിപ്പിക്കാന്‍ ഇത്തരം പ്രവണതകള്‍ കാരണമാകുമെന്നും അദ്ദേഹം ചൂണ്ടിക്കാട്ടി. കഴിഞ്ഞ 15 വര്‍ഷമായി പ്രൊഫഷണല്‍ ഫുട്‌ബോളിലുള്ള വ്യക്തിയാണ് ഗോഡ്‌വിന്‍. 2014-15 വർഷമാണ് ബ്ലാസ്റ്റേഴ്സിലുണ്ടായിരുന്നത്. പിന്നീട് ചെന്നൈ എഫ്.സി.ക്കുവേണ്ടിയും കളിച്ചു. എെ ലീഗിൽ ചർച്ചിൽ ബ്രദേഴ്സ്, സ്പോർട്ടിങ് ഗോവ, പുണെ എഫ്.സി, ഡെംപോ ഗോവ എന്നിവയ്ക്കുവേണ്ടിയും കളിച്ചു. 2006-ല്‍ ഇന്ത്യയ്ക്കായി രണ്ടു മത്സരങ്ങളില്‍ ബൂട്ടുകെട്ടിയിരുന്നു.

Other News

  • ഉത്തേജക മരുന്ന് പരിശോധനയിൽ പരാജയപ്പെട്ട ആദ്യ ഇന്ത്യൻ ടെന്നീസ് താരമായി പതിനാറുകാരൻ
  • അഞ്ചു വിക്കറ്റുമായി മര്‍ക്കണ്ടെ; ഇന്ത്യ എയ്ക്ക് ഇന്നിങ്‌സ് ജയം
  • വിമാനാപകടത്തില്‍ മരിച്ച കാര്‍ഡിഫ് സ്‌ട്രൈക്കര്‍ സലയുടെ 'രഹസ്യ കാമുകി'യെന്ന അവകാശവാദവുമായി യുവതി
  • ദക്ഷിണാഫ്രിക്കയ്‌ക്കെതിരായ ചതുര്‍ദിന മത്സരങ്ങള്‍ക്കുള്ള ഇന്ത്യയുടെ അണ്ടര്‍-19 ടീമില്‍ രണ്ട് കേരള താരങ്ങള്‍
  • സീനിയര്‍ സ്‌കൂള്‍ അത്‌ലറ്റിക് മീറ്റ് കിരീടം കേരളത്തിന്
  • സലയുടെ പോസ്റ്റ്‌മോര്‍ട്ടം റിപ്പോര്‍ട്ട് പുറത്ത്; മരണ കാരണം തലയ്ക്കും നെഞ്ചിലുമേറ്റ പരിക്ക്
  • ഇന്ത്യ വീണു; ന്യൂസീലന്‍ഡിന് വിജയം, പരമ്പര
  • പന്ത് തലയിലിടിച്ച് ബൗളര്‍ അശോക് ദിൻഡയ്ക്ക് പരിക്ക്
  • ബ്രസിലീലെ ഫുട്‌ബോള്‍ പരിശീലന കേന്ദ്രത്തില്‍ തീപിടുത്തം; പത്തുപേര്‍ പൊള്ളലേറ്റ് മരിച്ചു; മൂന്ന് പേര്‍ക്ക് പരിക്ക്
  • ട്വന്റി 20 ബാറ്റിങ് ലൈനപ്പ് തിരഞ്ഞെടുത്ത് ഗവാസ്‌ക്കര്‍; ധോനിക്ക് ഇടമില്ല
  • ട്വന്റി 20 ബാറ്റിങ് ലൈനപ്പ് തിരഞ്ഞെടുത്ത് ഗവാസ്‌ക്കര്‍; ധോനിക്ക് ഇടമില്ല
  • Write A Comment

     
    Reload Image
    Add code here