രണ്ടു വര്‍ഷങ്ങള്‍ക്കു ശേഷം സിമോണ ബെയ്ല്‍സിന് കിരീടം

Sun,Jul 29,2018


ഓഹിയോ: രണ്ടു വര്‍ഷങ്ങള്‍ക്കു ശേഷം കളിക്കളത്തിലേക്കുള്ള തിരിച്ചുവരവ് വിജയത്തോടെ ആഘോഷമാക്കി ഒളിമ്പിക് ജിംനാസ്റ്റിക്സ് മെഡല്‍ ജേതാവ് സിമോണ ബെയ്ല്‍സ്. മടങ്ങിവരവില്‍ തന്റെ മികവിനൊത്ത് ഉയരാന്‍ സാധിച്ചില്ലെങ്കിലും യു.എസിലെ ഓഹിയോയില്‍ നടന്ന സീനിയര്‍ ഓള്‍ എറൗണ്ട് ജിംനാസ്റ്റിക്സ് ചാമ്പ്യന്‍ഷിപ്പില്‍ സിമോണ കിരീടമണിഞ്ഞു. 2016 റിയോ ഒളിമ്പിക്‌സില്‍ നേടിയ നാലു സ്വര്‍ണമടക്കം ജിംനാസ്റ്റിക്സില്‍ അഞ്ച് ഒളിമ്പിക്‌സ് മെഡലുകളെന്ന റെക്കോഡ് സ്വന്തം പേരിലുള്ള താരമാണ് സിമോണ ബെയ്ല്‍സ്. എന്നാല്‍ പരിക്കും മറ്റു പ്രശ്‌നങ്ങളും മൂലം 2016-നു ശേഷം സിമോണ മത്സരിച്ചിരുന്നില്ല. എന്നാല്‍ അതൊന്നും രണ്ടു വര്‍ഷത്തിനു ശേഷമുള്ള അവരുടെ മടങ്ങിവരവിനെ ബാധിച്ചില്ല. ഇടയ്ക്ക് കാലിടറിയെങ്കിലും 58.700 പോയിന്റുകളുമായാണ് ഓഹിയോയില്‍ അവര്‍ കിരീടമണിഞ്ഞത്. ന്യൂജഴ്‌സിയില്‍ നിന്നുള്ള റിലെ മക്കസ്‌കര്‍ 57.500 പോയിന്റുകളുമായി രണ്ടാമതെത്തി. 2017-ലെ ചാമ്പ്യന്‍ മോര്‍ഗന്‍ ഹര്‍ഡ് മൂന്നാം സ്ഥാനത്തേക്ക് പിന്തള്ളപ്പെട്ടു. ഈ സമയത്ത് തനിക്ക് തന്നെ കുറിച്ചു തന്നെ അഭിമാനം തോന്നുന്നുവെന്ന് സിമോണ പറഞ്ഞു. റിയോയിലേതിനേക്കാള്‍ താന്‍ മെച്ചപ്പെട്ടിട്ടുണ്ടെന്നാണ് തോന്നുന്നത്. 2020-ലെ ടോക്കിയോ ഒളിമ്പിക്‌സിനെ കുറിച്ചാണ് താന്‍ ഇപ്പോള്‍ ചിന്തിക്കുന്നതെന്നും സിമോണ കൂട്ടിച്ചേര്‍ത്തു.

Other News

  • ഉത്തേജക മരുന്ന് പരിശോധനയിൽ പരാജയപ്പെട്ട ആദ്യ ഇന്ത്യൻ ടെന്നീസ് താരമായി പതിനാറുകാരൻ
  • അഞ്ചു വിക്കറ്റുമായി മര്‍ക്കണ്ടെ; ഇന്ത്യ എയ്ക്ക് ഇന്നിങ്‌സ് ജയം
  • വിമാനാപകടത്തില്‍ മരിച്ച കാര്‍ഡിഫ് സ്‌ട്രൈക്കര്‍ സലയുടെ 'രഹസ്യ കാമുകി'യെന്ന അവകാശവാദവുമായി യുവതി
  • ദക്ഷിണാഫ്രിക്കയ്‌ക്കെതിരായ ചതുര്‍ദിന മത്സരങ്ങള്‍ക്കുള്ള ഇന്ത്യയുടെ അണ്ടര്‍-19 ടീമില്‍ രണ്ട് കേരള താരങ്ങള്‍
  • സീനിയര്‍ സ്‌കൂള്‍ അത്‌ലറ്റിക് മീറ്റ് കിരീടം കേരളത്തിന്
  • സലയുടെ പോസ്റ്റ്‌മോര്‍ട്ടം റിപ്പോര്‍ട്ട് പുറത്ത്; മരണ കാരണം തലയ്ക്കും നെഞ്ചിലുമേറ്റ പരിക്ക്
  • ഇന്ത്യ വീണു; ന്യൂസീലന്‍ഡിന് വിജയം, പരമ്പര
  • പന്ത് തലയിലിടിച്ച് ബൗളര്‍ അശോക് ദിൻഡയ്ക്ക് പരിക്ക്
  • ബ്രസിലീലെ ഫുട്‌ബോള്‍ പരിശീലന കേന്ദ്രത്തില്‍ തീപിടുത്തം; പത്തുപേര്‍ പൊള്ളലേറ്റ് മരിച്ചു; മൂന്ന് പേര്‍ക്ക് പരിക്ക്
  • ട്വന്റി 20 ബാറ്റിങ് ലൈനപ്പ് തിരഞ്ഞെടുത്ത് ഗവാസ്‌ക്കര്‍; ധോനിക്ക് ഇടമില്ല
  • ട്വന്റി 20 ബാറ്റിങ് ലൈനപ്പ് തിരഞ്ഞെടുത്ത് ഗവാസ്‌ക്കര്‍; ധോനിക്ക് ഇടമില്ല
  • Write A Comment

     
    Reload Image
    Add code here