ഫ്രഞ്ച് ഓപ്പണ്‍: റാഫേല്‍ നദാലിനും സിമോണ ഹാലെപ്പിനും കിരീടം

Wed,Jun 13,2018


പാരിസ് :പതിനൊന്നാം ഫ്രഞ്ച് ഓപ്പണ്‍ കിരീടത്തില്‍ മുത്തമിട്ട് സ്പാനിഷ് താരം റാഫേല്‍ നദാല്‍. ഓസ്ട്രിയയുടെ ഡൊമിനിക് തീമിനെ തോല്‍പിച്ചാണു നദാലിന്റെ ഈ റെക്കോര്‍ഡ് നേട്ടം. സ്‌കോര്‍: 6-4, 6-3, 6-2. ഒരു ഗ്രാന്‍സ്‌ലാമില്‍ ഏറ്റവുമധികം കിരീടം എന്ന മാര്‍ഗരറ്റ് കോര്‍ട്ടിന്റെ റെക്കോര്‍ഡിന് ഒപ്പമാണ് നദാല്‍ ഇതോടെ എത്തിയത്. നദാലിന്റെ 24-ാം ഗ്രാന്‍സ്‌ലാം ഫൈനലായിരുന്നു ഇത്. സ്വന്തമാക്കിയത് 17 ഗ്രാന്‍സ്‌ലാം സിംഗിള്‍സ് കിരീടങ്ങള്‍. ഡൊമിനിക് തീമിന്റെ ആദ്യ ഗ്രാന്‍സ്‌ലാം ഫൈനലായിരുന്നു ഇത്. ഈ വര്‍ഷം കളിമണ്‍ കോര്‍ട്ടില്‍ നദാലിനെ തോല്‍പിച്ച ഏക താരവും തീമാണ. മഡ്രിഡിലും റോമിലും. അതിനുള്ള മധുര പ്രതികാരം കൂടിയായി ഈ സ്വപ്‌നനേട്ടം.

സെമിയില്‍ അര്‍ജന്റീനയുടെ യുവാന്‍ മാര്‍ട്ടിന്‍ ഡെല്‍ പോട്രോയെ 4-6, 1-6, 2-6നു തകര്‍ത്താണു നദാല്‍ ഫൈനലിലെത്തിയത്. ഇറ്റലിയുടെ മാര്‍ക്കോ സെച്ചിനാറ്റോയെ മറികടന്നാണു തീം ഫൈനലിലെത്തിയത്. തന്റെ നാലാം ഗ്രാന്‍സ്ലാം ഫൈനലില്‍ റുമേനിയയുടെ സിമോണ ഹാലെപ് അമേരിക്കയുടെ സ്ലൊവാന്‍ സ്റ്റീഫന്‍സിനെ മറികടന്ന് ഫ്രഞ്ച് ഓപ്പണ്‍ വനിതാ കിരീടത്തില്‍ മുത്തമിട്ടു (3-6, 6-4, 6-1). 2014ലും 2017ലും ഹാലെപ് ഇവിടെ ഫൈനലില്‍ തോറ്റതാണ്. 32 ഗ്രാന്‍സ്ലാം ടൂര്‍ണമെന്റുകള്‍ കളിച്ച് ആദ്യ കിരീടവിജയം. ''ഈ നിമിഷം ഞാന്‍ ഒരുപാട് സ്വപ്‌നം കണ്ടതാണ്. ആ സ്വപ്‌നം എന്റെ സ്വപ്‌ന നഗരമായ പാരിസില്‍ സഫലമായതില്‍ ഏറെ ചാരിതാര്‍ഥ്യം,'' കിരീടത്തില്‍ മുത്തമിട്ട് ഹാലെപ് പറഞ്ഞു.

ആദ്യ സെറ്റ് സ്റ്റീഫന്‍സ് അനായാസം നേടിയപ്പോള്‍ ഇക്കുറിയും ഭാഗ്യം ഹാലെപ്പിനെ കൈവിട്ടതായി ഏവരും സംശയിച്ചതാണ്. രണ്ടാം സെറ്റിന്റെ തുടക്കത്തില്‍ സ്റ്റീഫന്‍സ് 2-0 ലീഡ് നേടിയതുമാണ്. എന്നാല്‍, പൊരുതിക്കളിച്ച ഹാലെപ് അടുത്ത നാലു ഗെയിമുകളും സ്വന്തമാക്കി 4-2 ലീഡ് നേടി. അടുത്ത രണ്ടു ഗെയിമും നേടി സ്റ്റീഫന്‍സ് 4-4ല്‍ സമനിലയിലെത്തിയതോടെ കളി കടുത്തു. മികച്ച ഫോമിലേക്കുയര്‍ന്ന ഹാലെപ് അടുത്ത രണ്ടു ഗെയിമുമെടുത്ത് സെറ്റ് നേടി. നിര്‍ണായകമായ മൂന്നാം സെറ്റില്‍ ഹാലെപ് അപാര ഫോമിലായിരുന്നു. ലോങ് റാലികളുടെ തുടര്‍ച്ചയില്‍ പതറിയ സ്റ്റീഫന്‍സിന് 5-0 ലീഡിലേക്കു കുതിച്ച ഹാലെപ്പിനെ തടയാനായില്ല. 6-1ന് സെറ്റും കിരീടവും ഹാലെപ് സ്വന്തമാക്കി. ഹാലെപ്പും സ്റ്റീഫന്‍സും ഇതു മൂന്നാം തവണയാണ് ഫ്രഞ്ച് ഓപ്പണില്‍ ഏറ്റുമുട്ടുന്നത്. മൂന്നിലും വിജയം ഹാലെപ്പിന്. തോറ്റെങ്കിലും കഴിഞ്ഞ വര്‍ഷത്തെ യുഎസ് ഓപ്പണ്‍ നേടിയ സ്റ്റീഫന്‍സിന് ആശ്വസിക്കാം. വനിതാ ടെന്നിസില്‍ വില്യംസ് സഹോദരിമാര്‍ക്കു ശേഷം യുഎസില്‍ നിന്ന് ശക്തമായ വെല്ലുവിളി നിലനില്‍ക്കുമെന്നതില്‍.

Other News

  • ഡേവിഡ് സില്‍വ സ്‌പെയ്ന്‍ ദേശീയ ടീമില്‍ നിന്നും വിരമിച്ചു
  • കാലുവേദന; ടിന്റു ലൂക്ക ഏഷ്യന്‍ ഗെയിംസിനില്ല
  • ലെവന്‍ഡോവ്‌സ്‌കിയുടെ ഹാട്രികില്‍ ബയറണിന് സൂപ്പര്‍ കപ്പ്
  • യുവന്റസിനുവേണ്ടി ആദ്യമത്സരത്തിനിറങ്ങിയ റൊണാള്‍ഡോ എട്ടുമിനിറ്റിനുള്ളില്‍ ഗോളടിച്ചു!
  • മുഴുവന്‍സമയ നായകനായുള്ള ലയണല്‍ മെസ്സിയുടെ അരങ്ങേറ്റ മത്സരത്തില്‍ തന്നെ ബാഴ്‌സയ്ക്ക് കിരീടം
  • രണ്ടാം ടെസറ്റിലും തോല്‍വി; നിരാശനായി ക്യാപ്റ്റന്‍ കോലി
  • ലോര്‍ഡ്‌സില്‍ ഇന്ത്യ നാണം കെട്ടു; രണ്ടാം ടെസ്റ്റില്‍ തോല്‍വി ഇന്നിംഗ്‌സിനും 159 റണ്‍സിനും
  • ട്രാന്‍സ്ഫര്‍ വിപണി; ഇംഗ്ലീഷ് പ്രീമിയര്‍ ലീഗില്‍ നടന്നത് 10,825 കോടിയുടെ കൈമാറ്റം
  • ലോധ കമ്മിറ്റി ശുപാര്‍ശകള്‍ക്ക് ഭേദഗതികളോടെ സുപ്രീം കോടതി അംഗീകാരം
  • ബെല്‍ജിയം ഗോള്‍കീപ്പര്‍ തിബോ കോട്വ ഇനി റയല്‍ മാഡ്രിഡിന്റെ ഗോള്‍വല കാക്കും
  • റയലിനും ചെല്‍സിക്കും ജയം
  • Write A Comment

     
    Reload Image
    Add code here