വിന്റര്‍ ഒളിമ്പിക്‌സ് ഉദ്ഘാടന ചടങ്ങില്‍ സൈബര്‍ ആക്രമണം; പിന്നില്‍ റഷ്യന്‍ ഹാക്കര്‍മാരാണെന്ന് ആരോപണം

Tue,Feb 13,2018


പ്യോങ്ങ്ചാങ്ങ്: വിന്റര്‍ ഒളിമ്പിക്‌സിന്റെ ഉദ്ഘാടന ചടങ്ങിനിടെ ഗുരുതരമായ സൈബര്‍ ആക്രമണമുണ്ടായതായി അധികൃതര്‍ അറിയിച്ചു. ഫെബ്രുവരി ഒന്‍പതിന് നടന്ന ചടങ്ങിന് തൊട്ട് മുന്‍പ് ഔദ്യോഗിക വെബ്‌സൈറ്റ് പ്രവര്‍ത്തനരഹിതമായെന്നും ടിക്കറ്റ് വില്‍പനയും വിവരങ്ങള്‍ കൈമാറലും തടസ്സപ്പെട്ടെന്നും ഇവര്‍ സ്ഥിരീകരിച്ചു. എന്നാല്‍ അക്രമത്തിന് പിന്നില്‍ ആരാണെന്ന് പറയാന്‍ അധികൃതര്‍ തയ്യാറായില്ല. സ്റ്റേഡിയത്തിലെ വൈഫൈ സംവിധാനവും ഇന്റര്‍നെറ്റ് പ്രോട്ടോകോള്‍ ടെലിവിഷനും പ്രവര്‍ത്തനരഹിതമായെന്നും അധികൃതര്‍ പറഞ്ഞു. ചടങ്ങ് ചിത്രീകരിക്കാന്‍ വേണ്ടി ഒരുക്കിയിരുന്ന ഡ്രോണ്‍ ക്യാമറകളും സാങ്കേതിക തകരാര്‍ മൂലം പ്രവര്‍ത്തിപ്പിക്കാന്‍ സാധിച്ചില്ല. ഇതേ തുടര്‍ന്ന് മുന്‍കൂട്ടി റെക്കോഡ് ചെയ്തുവെച്ച ദൃശ്യങ്ങള്‍ പ്രദര്‍ശിപ്പിക്കാന്‍ അധികൃതര്‍ നിര്‍ബന്ധിതരായി. എന്നാല്‍ ഡ്രോണുകള്‍ പ്രവര്‍ത്തന രഹിതമായത് സൈബര്‍ ആക്രമണത്തെ തുടര്‍ന്നുണ്ടായതാണോ അതോ മറ്റെന്തെങ്കിലും സാങ്കേതിക പ്രശ്‌നമായിരുന്നോ എന്ന് വ്യക്തമല്ല.

പ്രാദേശിക സമയം എട്ട് മണിയോടെ വെബ്‌സൈറ്റ് തിരികെയെത്തി. ഉത്തേജകമരുന്ന് ഉപയോഗത്തെ തുടര്‍ന്ന് റഷ്യന്‍ അത്‌ലറ്റുകള്‍ക്ക് വിന്റര്‍ ഒളിംപിക്‌സില്‍ നിന്നും നിരോധനം ഏര്‍പ്പെടുത്തിയതിന് റഷ്യ സൈബര്‍ ആക്രമണത്തിലൂടെ പകരം വീട്ടിയതാണെന്ന് ചിലര്‍ ആരോപിക്കുന്നുണ്ട്. എന്നാല്‍ ഇക്കാര്യം സ്ഥിരീകരിക്കാനോ ആരാണ് ആക്രമണത്തിന് പിന്നിലെന്ന് വ്യക്തമാക്കാനോ ഒളിംപിക്‌സ് അധികൃതര്‍ തയ്യാറായില്ല.

Other News

  • ഇന്ന് അര്‍ജന്റീന-ബ്രസീല്‍ പോരാട്ടം
  • ഇറ്റലിക്ക് ആദ്യജയം, പോളണ്ടിന് തരംതാഴ്ത്തല്‍
  • റഹീം സ്റ്റെര്‍ലിങ് നേടിയ ഇരട്ട ഗോളില്‍ ഇംഗ്ലണ്ട് സ്‌പെയ്‌നിനെ തകര്‍ത്തു
  • വെസ്റ്റിന്‍സീഡിസിനെതിരായ രണ്ടാം ടെസ്റ്റിലും ഇന്ത്യക്ക് ജയം
  • അന്താരാഷ്ട്ര സൗഹൃദ മത്സരം : ഇന്ത്യ ചൈനയെ സമനിലയില്‍ തളച്ചു
  • ഇഞ്ചുറി ടൈമിലെ ഗോളില്‍ ഇറ്റലിക്ക് ; സ്‌കോട്ട്‌ലന്‍ഡിനെ പരാജയപ്പെടുത്തി പോര്‍ച്ചുഗല്‍
  • രഞ്ജി ട്രോഫി; കേരളത്തെ സച്ചിന്‍ ബേബി നയിക്കും
  • അന്താരാഷ്ട്ര സൗഹൃദ ഫുട്ബോള്‍ ; 21 വര്‍ഷത്തിന് ശേഷം ഇന്ത്യയും ചൈനയും മുഖാമുഖം
  • മീ ടൂ ബിസിസിഐയിലേക്കും; രാഹുല്‍ ജോഹ്‌രിക്കെതിരെ മാധ്യമപ്രവര്‍ത്തക
  • ഫൈനലില്‍ തോറ്റു; ലക്ഷ്യ സെന്നിന് വെള്ളി
  • സൗദി അറേബ്യക്കെതിരായ സൗഹൃദ മത്സരത്തില്‍ ബ്രസീലിന് വിജയം
  • Write A Comment

     
    Reload Image
    Add code here