" />

ദക്ഷിണാഫ്രിക്കന്‍ ആരാധകര്‍ ഇമ്രാന്‍ താഹിറിനെ വംശീയമായി അധിക്ഷേപിച്ചുവെന്ന് പരാതി

Tue,Feb 13,2018


ജൊഹാനസ്ബര്‍ഗ്: ഇന്ത്യയുമായുള്ള നാലാം ഏകദിനത്തിനിടെ കാണികളിലൊരാള്‍ വംശീയമായി ആക്ഷേപിച്ചെന്ന് ദക്ഷിണാഫ്രിക്കന്‍ താരം ഇമ്രാന്‍ താഹിര്‍. സംഭവം നടന്നതായി തെളിഞ്ഞിട്ടുണ്ടെന്നും അന്വേഷണം നടക്കുകയാണെന്നും ദക്ഷിണാഫ്രിക്കന്‍ ക്രിക്കറ്റ് ബോര്‍ഡ് സ്ഥിരീകരിച്ചു. ദക്ഷിണാഫ്രിക്കയുടെ തന്നെ ആരാധകരായ ഒരു സംഘമാണ് താഹിറിനെ ശല്ല്യം ചെയ്തത്. വര്‍ണ്ണവിവേചനം മൂലം അന്താരാഷ്ട്ര ക്രിക്കറ്റില്‍ നിന്നും ദീര്‍ഘകാലം മാറ്റിനിര്‍ത്തപ്പെട്ട ദക്ഷിണാഫ്രിക്കന്‍ ടീമിനെ പുതിയ സംഭവവികാസങ്ങള്‍ ഞെട്ടിച്ചിട്ടുണ്ട്. അധിക്ഷേപിക്കുകയാണെന്ന് തിരിച്ചറിഞ്ഞ ഉടന്‍ താഹിര്‍ സ്റ്റേഡിയം സുരക്ഷാ ഉദ്യോഗസ്ഥരെ വിവരം അറിയിച്ചു. സുരക്ഷാ ഉദ്യോഗസ്ഥരെത്തുമ്പോഴേക്കും ആള്‍ സ്റ്റേഡിയം വിട്ടു. വാക്കുകള്‍കൊണ്ടും ആംഗ്യങ്ങള്‍ക്കൊണ്ടും താഹിറിനെ അയാള്‍ അപമാനിക്കുകയായിരുന്നുവെന്നും താഹിറിന്റെ ഭാഗത്ത് നിന്ന് യാതൊരു വിധ പ്രകോപനവും ഉണ്ടായിട്ടില്ലെന്നും ദക്ഷിണാഫ്രിക്കന്‍ ക്രിക്കറ്റ് ബോര്‍ഡും പോലീസും വ്യക്തമാക്കി.

ഐസിസിയുടെ നിയമപ്രകാരം സ്റ്റേഡിയത്തില്‍ വംശീയ അധിക്ഷേപം നടത്തുന്നവരെ സ്റ്റേഡിയത്തില്‍ നിന്ന് ആജീവനാന്തം വിലക്കുകയും ക്രിമിനല്‍ കേസ് ചുമത്തുകയും ചെയ്യണമെന്നാണ്. അധിക്ഷേപം നടത്തിയ വ്യക്തിക്കെതിരെ നിയമപരമായി നടപടി സ്വീകരിക്കുമെന്ന് ദക്ഷിണാഫ്രിക്കന്‍ ക്രിക്കറ്റ് ബോര്‍ഡ് വ്യക്തമാക്കി. അതേസമയം താഹിറിനെതിരായ അധിക്ഷേപത്തിന്റെ ദൃശ്യങ്ങള്‍ സോഷ്യല്‍ മീഡിയയില്‍ പ്രചരിക്കുന്നുണ്ട്. ഈ ദൃശ്യങ്ങളുടെ അടിസ്ഥാനത്തിലാണ് ദക്ഷിണാഫ്രിക്കന്‍ പോലീസ് അന്വേഷണം നടത്തുന്നത്.

Other News

  • ശ്രീശാന്തിന്റെ മുഖത്തടിച്ചതില്‍ ഹര്‍ഭജന്‍ സിങ്ങിന് കുറ്റബോധം
  • ഐ.സി.സിയുടെ മികച്ച ക്രിക്കറ്റ് താരത്തിനുള്ള സര്‍ ഗാരി സോബേഴ്‌സ് പുരസ്‌കാരം ഇന്ത്യന്‍ നായകന്‍ വിരാട് കോലിക്ക്
  • ഗുരുതരാവസ്ഥയില്‍ കഴിയുന്ന മുന്‍ ഇന്ത്യന്‍ ക്രിക്കറ്റ് താരം ജേക്കബ് മാര്‍ട്ടിന് സഹായവുമായി ഗാംഗുലി
  • മാരിനോട് തോറ്റു; സൈന സെമിയില്‍ പുറത്ത്
  • രഞ്ജിയില്‍ കേരളം-വിദര്‍ഭ സെമി
  • കേരളം രഞ്ജി ട്രോഫി ക്രിക്കറ്റ് സെമിയില്‍
  • അവസാന മത്സരത്തില്‍ വിജയം; ഓസ്‌ട്രേലിയക്കെതിരായ ഏകദിന പരമ്പരയും ഇന്ത്യയ്ക്ക്‌
  • ബഹ്‌റൈനോടേറ്റ തോല്‍വിക്കു പിന്നാലെ ഇന്ത്യന്‍ കോച്ച് രാജിവെച്ചു
  • ഏഷ്യന്‍ കപ്പില്‍ ബഹ്‌റൈനോട് തോറ്റ് ഇന്ത്യ പുറത്ത്
  • ഏഷ്യന്‍ കപ്പില്‍ ബഹ്‌റൈനെതിരേ ഇന്ത്യ
  • ചരിത്ര നേട്ടം;ലാ ലിഗയില്‍ 400 ഗോളുമായി മെസ്സി!
  • Write A Comment

     
    Reload Image
    Add code here