വിജയ്‌ ഹസാരെ ട്രോഫി ക്രിക്കറ്റില്‍ കേരളത്തിന്‌ ആദ്യ ജയം

Mon,Feb 12,2018


ധരംശാല: വിജയ്‌ ഹസാരെ ട്രോഫി ക്രിക്കറ്റില്‍ കേരളത്തിന്‌ ആദ്യ ജയം. ഇന്നലെ നടന്ന മത്സരത്തില്‍ താരതമ്യേന ദുര്‍ബലരായ ത്രിപുരയെ നാലു വിക്കറ്റിനാണ്‌ കേരളം പരാജയപ്പെടുത്തിയത്‌. ധരംശാല ക്രിക്കറ്റ്‌ സ്‌റ്റേഡിയത്തില്‍ നടന്ന മത്സരത്തില്‍ ടോസ്‌ നേടിയ കേരളം ത്രിപുരയെ ബാറ്റിങ്ങിന്‌ അയയ്‌ക്കുകയായിരുന്നു. നിശ്‌ചിത 50 ഓവറില്‍ ഒമ്പതു വിക്കറ്റ്‌ നഷ്‌ടത്തില്‍ 231 റണ്‍സാണ്‌ അവര്‍ നേടിയത്‌. 54 പന്തില്‍ നിന്ന്‌ ആറു ബൗണ്ടറികളും രണ്ടു സിക്‌സറുകളും സഹിതം 61 റണ്‍സ്‌ നേടിയ നായകന്‍ മുര സിങ്ങിന്റെ മികവിലാണ്‌ അവര്‍ മാന്യമായ സ്‌കോറിലെത്തിയത്‌. നായകനു പുറമേ 46 റണ്‍സ്‌ നേടിയ ആര്‍.എ. ഡേ, 35 റണ്‍സ്‌ നേടിയ മജൂംദാര്‍, 33 റണ്‍സ്‌ നേടിയ പട്ടേല്‍ എന്നിവരും തിളങ്ങി. കേരളത്തിനു വേണ്ടി എം.ഡി. നിധീഷ്‌ മൂന്നു വിക്കറ്റ്‌ വീഴ്‌ത്തിയപ്പോള്‍ അഭിഷേക്‌ മേനോന്‍ രണ്ടും ജലജ്‌ സക്‌സേന, കെ.സി. അക്ഷയ്‌ എന്നിവര്‍ ഓരോ വിക്കറ്റും സ്വന്തമാക്കി. തുടര്‍ന്ന്‌ മറുപടി ബാറ്റിങ്ങിനിറങ്ങിയ കേരളം 45.1 ഓവറില്‍ ആറു വിക്കറ്റ്‌ നഷ്‌ടത്തില്‍ ലക്ഷ്യം കാണുകയായിരുന്നു. 66 പന്തില്‍ നിന്ന്‌ ഏഴു ബൗണ്ടറികളോടെ 52 റണ്‍സ്‌ നേടിയ രോഹന്‍ പ്രേമാണ്‌ കേരളത്തിന്റെ ടോപ്‌സ്കോറര്‍. 47 റണ്‍സുമായി പുറത്താകാതെ നിന്ന മുഹമ്മദ്‌ അസ്‌ഹറുദ്ദീന്‍, 40 റണ്‍സ്‌ നേടിയ ഓപ്പണര്‍ വിഷ്‌ണു വിനോദ്‌, 37 റണ്‍സ്‌ നേടിയ സഞ്‌ജു സാംസണ്‍ 27 റണ്‍സ്‌ നേടിയ നായകന്‍ സച്ചിന്‍ ബേബി എന്നിവരും കേരളാ നിരയില്‍ മികച്ച പ്രകടനം കാഴ്‌ചവച്ചു.

Other News

  • മെസ്സിയുടെ കളി ഫെയ്സ്ബുക്കിൽ ലൈവായി കാണാം
  • ക്രൊയേഷ്യന്‍ സ്ട്രൈക്കര്‍ മരിയോ മാന്‍സുകിച്ച് അന്താരാഷ്ട്ര ഫുട്ബോളില്‍നിന്ന് വിരമിച്ചു
  • നിശാക്ലബ്ബിലെ അടിപിടിക്കേസില്‍ ബെന്‍ സ്റ്റോക്‌സിനെ കോടതി കുറ്റവിമുക്തനാക്കി
  • ഡേവിഡ് സില്‍വ സ്‌പെയ്ന്‍ ദേശീയ ടീമില്‍ നിന്നും വിരമിച്ചു
  • കാലുവേദന; ടിന്റു ലൂക്ക ഏഷ്യന്‍ ഗെയിംസിനില്ല
  • ലെവന്‍ഡോവ്‌സ്‌കിയുടെ ഹാട്രികില്‍ ബയറണിന് സൂപ്പര്‍ കപ്പ്
  • യുവന്റസിനുവേണ്ടി ആദ്യമത്സരത്തിനിറങ്ങിയ റൊണാള്‍ഡോ എട്ടുമിനിറ്റിനുള്ളില്‍ ഗോളടിച്ചു!
  • മുഴുവന്‍സമയ നായകനായുള്ള ലയണല്‍ മെസ്സിയുടെ അരങ്ങേറ്റ മത്സരത്തില്‍ തന്നെ ബാഴ്‌സയ്ക്ക് കിരീടം
  • രണ്ടാം ടെസറ്റിലും തോല്‍വി; നിരാശനായി ക്യാപ്റ്റന്‍ കോലി
  • ലോര്‍ഡ്‌സില്‍ ഇന്ത്യ നാണം കെട്ടു; രണ്ടാം ടെസ്റ്റില്‍ തോല്‍വി ഇന്നിംഗ്‌സിനും 159 റണ്‍സിനും
  • ട്രാന്‍സ്ഫര്‍ വിപണി; ഇംഗ്ലീഷ് പ്രീമിയര്‍ ലീഗില്‍ നടന്നത് 10,825 കോടിയുടെ കൈമാറ്റം
  • Write A Comment

     
    Reload Image
    Add code here