ഒരു മത്സരം പോലും കളിക്കാതെ പപ്പു യാദവിന്റെ മകന്‍ ഡല്‍ഹി ടീമില്‍

Tue,Jan 09,2018


ന്യൂഡല്‍ഹി: ആര്‍ജെ.ഡിയുടെ മുന്‍ നേതാവും മുന്‍ പാര്‍ലമെന്റ് അംഗവുമായ പപ്പു യാദവിന്റെ മകന്‍ സര്‍തക് രഞ്ജനെ ഡല്‍ഹിയുടെ ടിട്വന്റി ടീമില്‍ ഉള്‍പ്പെടുത്തിയത് വിവാദമാകുന്നു. ഈ സീസണില്‍ ഒരൊറ്റ മത്സരം കളിക്കാതെയാണ് സര്‍തക് ടീമിലെത്തിയിരിക്കുന്നത്. മാത്രമല്ല, സര്‍തകിനെ ടീമില്‍ ഉള്‍പ്പെടുത്താന്‍ അണ്ടര്‍23 ടോപ്പ് സ്‌കോററായ ഹിതെന്‍ ദലാലിനെ റിസര്‍വ് താരമാക്കുകയും ചെയ്തു. അതുല്‍ വാസന്‍, ഹരി ഗിദ്‌വാനി, റോബിന്‍ സിങ്ങ് ജൂനിയര്‍ എന്നിവരടങ്ങടിയ മൂന്നംഗ സെലക്ഷന്‍ സമിതിയാണ് ടീമിനെ തിരഞ്ഞെടുത്തത്. കഴിഞ്ഞ മു്ഷ്താഖ് അലി ട്രോഫിക്കുള്ള ഡല്‍ഹി ടീമിലും സര്‍തക് കളിച്ചിരുന്നു. പക്ഷേ ടൂര്‍ണമെന്റില്‍ ആകെ പത്ത് റണ്‍സ് മാത്രം നേടിയ സര്‍തക് വന്‍പരാജയമായിരുന്നു. രഞ്ജി ട്രോഫിയുടെ സാധ്യതാ ടീമില്‍ സര്‍തക് ഇടം നേടിയിരുന്നെങ്കിലും കളിക്കുന്നില്ലെന്ന് വ്യക്തമാക്കി സര്‍തക് തന്നെ പിന്മാറുകയായിരുന്നു. ഇതോടെ ഈ സീസണില്‍ താരം ഒരൊറ്റ മത്സരവും കളിച്ചതുമില്ല. സര്‍തകിന് ക്രിക്കറ്റിനോടുള്ള താത്പര്യം കുറഞ്ഞുവെന്നും മിസ്റ്റര്‍ ഇന്ത്യ മത്സരത്തില്‍ പങ്കെടുക്കാനുള്ള തയ്യാറെടുപ്പിലാണെന്നും റിപ്പോര്‍ട്ടുകളുണ്ടായിരുന്നു. എന്നാല്‍ സര്‍തകിന്റെ അമ്മയും കോണ്‍ഗ്രസ് എം.പിയുമായ രഞ്ജീത് രഞ്ജന്റെ പെട്ടെന്നുള്ള ഇടപെടലാണ് താരത്തെ ടീമിലെത്തിച്ചതെന്നും സൂചനയുണ്ട്. ഡല്‍ഹി ക്രിക്കറ്റ് അസോസിയേഷന് രഞ്ജീത് കത്തയക്കുകയായിരുന്നു. നേരത്തെ തന്റെ മകന് വിഷാദരോഗമായിരുന്നുവെന്നും ഇപ്പോള്‍ കളിക്കാന്‍ പൂര്‍ണ ആരോഗ്യവാനണെന്നും ചൂണ്ടിക്കാട്ടിയായിരുന്നു കത്തയച്ചത്. ഡല്‍ഹി ക്രിക്കറ്റ് അസോസിയേഷന്‍ ഈ കത്ത് സെലക്ഷന്‍ കമ്മിറ്റിക്ക് കൈമാറി. തുടര്‍ന്ന് സര്‍തകിനെ ഉള്‍പ്പെടുത്തി സി.കെ നായിഡു ട്രോഫിക്കുള്ള ഡല്‍ഹി അണ്ടര്‍23 ടീമിനെ പ്രഖ്യാപിക്കുകയായിരുന്നു.

Other News

  • ഇന്ന് അര്‍ജന്റീന-ബ്രസീല്‍ പോരാട്ടം
  • ഇറ്റലിക്ക് ആദ്യജയം, പോളണ്ടിന് തരംതാഴ്ത്തല്‍
  • റഹീം സ്റ്റെര്‍ലിങ് നേടിയ ഇരട്ട ഗോളില്‍ ഇംഗ്ലണ്ട് സ്‌പെയ്‌നിനെ തകര്‍ത്തു
  • വെസ്റ്റിന്‍സീഡിസിനെതിരായ രണ്ടാം ടെസ്റ്റിലും ഇന്ത്യക്ക് ജയം
  • അന്താരാഷ്ട്ര സൗഹൃദ മത്സരം : ഇന്ത്യ ചൈനയെ സമനിലയില്‍ തളച്ചു
  • ഇഞ്ചുറി ടൈമിലെ ഗോളില്‍ ഇറ്റലിക്ക് ; സ്‌കോട്ട്‌ലന്‍ഡിനെ പരാജയപ്പെടുത്തി പോര്‍ച്ചുഗല്‍
  • രഞ്ജി ട്രോഫി; കേരളത്തെ സച്ചിന്‍ ബേബി നയിക്കും
  • അന്താരാഷ്ട്ര സൗഹൃദ ഫുട്ബോള്‍ ; 21 വര്‍ഷത്തിന് ശേഷം ഇന്ത്യയും ചൈനയും മുഖാമുഖം
  • മീ ടൂ ബിസിസിഐയിലേക്കും; രാഹുല്‍ ജോഹ്‌രിക്കെതിരെ മാധ്യമപ്രവര്‍ത്തക
  • ഫൈനലില്‍ തോറ്റു; ലക്ഷ്യ സെന്നിന് വെള്ളി
  • സൗദി അറേബ്യക്കെതിരായ സൗഹൃദ മത്സരത്തില്‍ ബ്രസീലിന് വിജയം
  • Write A Comment

     
    Reload Image
    Add code here