തൊഴില്‍ രംഗത്തെ അനിശ്ചിതത്വം കാനഡയിലെ യുവാക്കളില്‍ മാനസിക ആഘാതമേല്‍പ്പിക്കുന്നു

Sat,Sep 08,2018


തൊഴില്‍ രംഗത്ത് വര്‍ദ്ധിച്ചുവരുന്ന അനിശ്ചിതത്വം പുതിയ സഹസ്രാബ്ദത്തിനു മുമ്പുള്ള രണ്ടു ദശകങ്ങളില്‍ ജനിച്ചവരായ (മില്ലേനിയല്‍സ്) യുവ തൊഴിലാളികളുടെ മാനസികാരോഗ്യത്തെ ഗുരുതരമായി ബാധിക്കുന്നതായി ഒരു സര്‍വേയില്‍ കണ്ടെത്തി. ഒന്റാറിയോവിലെ ഹാമില്‍ട്ടണിലെ 1189 യുവതൊഴിലാളികളിലാണ് സര്‍വേ നടത്തിയത്. സ്‌കൂളുകളില്‍ മുഴുവന്‍ സമയവും പഠിക്കാത്തവരാണവര്‍. എല്ലാ യുവ തൊഴിലാളികളുടെയും സ്ഥിതി ഇതല്ലെങ്കിലും സര്‍വേയിലെ കണ്ടെത്തലുകള്‍ ഭൂരിപക്ഷത്തിനും ബാധകമാണെന്ന് സര്‍വേ റിപ്പോര്‍ട്ടില്‍ പറയുന്നുണ്ട്. തൊഴില്‍രംഗത്തെ അനിശ്ചിതത്വം സമൂഹത്തിലുള്ള പങ്കാളിത്തം, ആരോഗ്യം, ജീവിതത്തിന്റെ ഗുണനിലവാരം, തൊഴില്‍, തൊഴില്‍ സ്ഥലങ്ങള്‍ തുടങ്ങിയവയെയെല്ലാം ബാധിക്കുന്നുണ്ട്. അതുണ്ടാക്കുന്ന മാനസിക രോഗങ്ങളുടെ വ്യാപനമാണ് ഏറ്റവും അസ്വസ്ഥത ഉണ്ടാക്കുന്ന പ്രശ്‌നമെന്നാണ് കണ്ടെത്തിയിട്ടുള്ളത്.
സെക്കണ്ടറി വിദ്യാഭ്യാസത്തിനുശേഷം ഉയര്‍ന്ന നിലവാരത്തില്‍ വിദ്യാഭ്യാസം നേടിയുട്ടള്ളവരാണ് യുവാക്കള്‍. അതിന്റെ ഭാരിച്ച ചിലവും അവര്‍ക്കു താങ്ങേണ്ടിവന്നു. ഉയര്‍ന്ന വിദ്യാഭ്യാസം നേടിയെങ്കിലും 44% പേര്‍ക്ക് മാത്രമാണ് സ്ഥിരമായ മുഴുവന്‍സമയ തൊഴില്‍ ലഭിച്ചുള്ളൂ. 47% ഒരളവോളം അനിശ്ചിതത്വം നിറഞ്ഞ സാഹചര്യങ്ങളിലാണ് തൊഴിലെടുക്കുന്നത്. മൂന്നിലൊരു ഭാഗവും ചുരുങ്ങിയ കാലത്തേക്കുള്ള കരാര്‍ അടിസ്ഥാനത്തിലോ താല്‍ക്കാലിക ഏജന്‍സികള്‍ക്ക് കീഴിലോ പണിയെടുക്കുന്നവരാണ്. തൊഴിലില്‍ന്റെ ഗുണനിലവാരവും മാനസികാരോഗ്യവും തമ്മില്‍ ഗാഢമായി ബന്ധപ്പെട്ടിരിക്കുന്നതായി കണ്ടെത്തി. തൊഴിലിലെ മാറ്റങ്ങള്‍ അവരില്‍ നിഷേധാത്മകമായ സ്വാധീനം ഉളവാക്കുന്നു.
തൊഴില്‍ സാഹചര്യങ്ങളുടെ ഫലമായി 10 യുവാക്കളില്‍ മൂന്നു പേര്‍ക്കും വിഷാദത്തിനോ ഉല്‍കണ്ഠക്കോ അടിമപ്പെടുകയാണ്. തൊഴിലോ തൊഴില്‍ തസ്തികയോ കാരണം പകുതിയോളം പേര്‍ക്കും (46.7%) അതുപോലെയുള്ള ചിന്താഗതിയാണുള്ളത്. ഒരു കോര്‍പ്പറേറ്റ് സ്ഥാപനത്തില്‍ രാവിലെ 9 മുതല്‍ വൈകിട്ട് 5 മണിവരെയുള്ള ജോലിയായിരുന്നു കഴിഞ്ഞ വര്‍ഷം വരെയും അക്വമോ ചെയ്തിരുന്നത്. എങ്കിലും ഓഫിസ് രാഷ്ട്രീയം, വ്യത്യസ്ത സ്വഭാവമുള്ള സഹപ്രവര്‍ത്തകര്‍ എന്നിങ്ങനെയുള്ള പല ഘടകങ്ങള്‍ കാരണം അവള്‍ സന്തുഷ്ടയായിരുന്നില്ല. ഇഷ്ടാനുസരണം തൊഴില്‍ തെരഞ്ഞെടുക്കാന്‍ കഴിഞ്ഞു എന്നതുമാത്രമായിരുന്നു 'രജത രേഖ'യായി അവള്‍ കണ്ടിരുന്നത്. എങ്കിലും അവള്‍ പലപ്പോഴും വല്ലാതെ ദുഃഖിക്കുകയും വീട്ടില്‍നിന്നും പുറത്തേക്കു പോകാതെ കഴിയുകയും ചെയ്തു. സ്വന്തം ഭാവിയെക്കുറിച്ച് അവള്‍ സംശയിക്കുകയും വളരെ ആശങ്കപ്പെടുകയും ചെയ്തു. കരാര്‍ ജോലികളില്‍ അധിഷ്ഠിതമായ സമ്പദ്ഘടനയും ഭാഗികമായ തൊഴിലുകളും സൃഷ്ടിക്കുന്ന മാനസിക പ്രശ്‌നങ്ങള്‍ വര്‍ദ്ധിച്ചുവരുന്നത് മാനസികാരോഗ്യ കേന്ദ്രങ്ങളില്‍ ജോലിചെയ്യുന്നവര്‍ക്കും വലിയ മാനസിക സമ്മര്‍ദ്ദങ്ങളുണ്ടാക്കുന്നുവെന്നതാണ് വിരോധാഭാസം.

Other News

  • കരാറിന് മുന്‍പ് അനില്‍ അംബാനി ഫ്രഞ്ച് അധികൃതരുമായി ചര്‍ച്ചനടത്തി
  • കാന്‍സറില്‍ നിന്ന് മോചനം സാധ്യം: ഇസ്രായേലി കമ്പനി
  • ഇനി ഇന്ത്യ - അമേരിക്ക വ്യാപാര യുദ്ധം?
  • പൗരത്വ ബില്‍ ബിജെപിക്ക് തിരിച്ചടിയാകുന്നു
  • പ്രതിപക്ഷം സഖ്യമുണ്ടാക്കും; മിനിമം പരിപാടി തയ്യാറാക്കും
  • കേരള കോണ്‍ഗ്രസില്‍ തര്‍ക്കം രൂക്ഷം
  • കേരളത്തില്‍ അനാഥനാക്കപ്പെട്ട കുരുന്ന് ഇപ്പോള്‍ സ്വിറ്റ്‌സര്‍ലന്‍ഡില്‍ പാര്‍ലമെന്റ് അംഗം
  • പിണറായി സര്‍ക്കാര്‍ ആയിരം ദിനം പൂര്‍ത്തീകരിക്കുമ്പോള്‍
  • അപൂര്‍വ നാണയങ്ങളുടെയും നോട്ടുകളുടെയും വിസ്മയ ശേഖരവുമായി ഒരു മലയാളി
  • എച്ച് 1 ബി വ്യവസ്ഥകള്‍ കര്‍ക്കശമാക്കിയതോടെ വിദഗ്ധര്‍ക്ക് ക്ഷാമം
  • വരുമോ ഹര്‍ത്താല്‍രഹിത കേരളം?
  • Write A Comment

     
    Reload Image
    Add code here