ബിജെപിയെ വെല്ലുവിളിച്ച് യശ്വന്ത് സിന്‍ഹ

Wed,Feb 14,2018


ബിജെപി വിട്ടുപോകാന്‍ താന്‍ ഉദ്ദേശിക്കുന്നില്ലെന്നും വേണമെങ്കില്‍ അവര്‍ തന്നെ പുറത്താക്കട്ടെ എന്നും വിമത നേതാവ് യശ്വന്ത് സിന്‍ഹ. പ്രധാനമന്ത്രി നരേന്ദ്ര മോഡിയുമായി കൂടിക്കാഴ്ച ആഗ്രഹിക്കുന്നുണ്ടെന്നും നിരവധി കത്തുകള്‍ അതിനായി അയച്ചിട്ട് ഒരു പ്രതികരണവും ലഭിച്ചില്ലെന്നും അതാണ് 'രാഷ്ട്ര മഞ്ച്' എന്ന പേരില്‍ രാഷ്ട്രീയ വേദിക്കു രൂപം നല്‍കാന്‍ തന്നെ പ്രേരിപ്പിച്ചതെന്നും അടല്‍ ബിഹാരി വാജ്‌പേയിയുടെ മന്ത്രിസഭയില്‍ ധനമന്ത്രിയായിരുന്ന സിന്‍ഹ പറഞ്ഞു. എന്‍ഡിഎ ഗവണ്മെന്റിന്റെ നയങ്ങള്‍ ബിജെപിയുടെ തെരെഞ്ഞെടുപ്പ് മാനിഫെസ്‌റ്റോക്കു അനുസരിച്ചുള്ളതാകണം. അത് ഉറപ്പുവരുത്തുകയാണ് മഞ്ചിന്റെ ദൗത്യം.
'ഞാനെന്തിന് ബിജെപി വിടണം? യുപിഎ അധികാരത്തിലുണ്ടായിരുന്ന 2004-14 കാലത്ത് അത്യദ്ധ്വാനം ചെയ്തവനാണ് ഞാന്‍. പാര്‍ട്ടിക്ക് വേണമെങ്കില്‍ എന്നെ പുറത്താക്കാം', 2018-19ലെ കേന്ദ്ര ബജറ്റിനെക്കുറിച്ച് കൊല്‍ക്കത്ത ചേംബര്‍ ഓഫ് കോമേഴ്‌സ് സംഘടിപ്പിച്ച സെമിനാറില്‍ പങ്കെടുക്കാന്‍ എത്തിയപ്പോഴായിരുന്നു സിന്‍ഹ മാധ്യമ പ്രവര്‍ത്തകരോട് ഇങ്ങനെ സംസാരിച്ചത്. എന്‍ഡിഎ ഗവണ്മെന്റിന്റെ ഇപ്പോഴത്തെ നയങ്ങള്‍ ബിജെപിയുടെ തെരെഞ്ഞെടുപ്പ് മാനിഫെസ്‌റ്റോക്ക് നിരക്കുന്ന വിധത്തിലുള്ളതല്ലെന്നു പറഞ്ഞ സിന്‍ഹ, ബിജെപിയുടെ തെരെഞ്ഞെടുപ്പ് മാനിഫെസ്‌റ്റോയില്‍ പറയുന്ന കാര്യങ്ങള്‍ നടപ്പാക്കുന്നതിന് വേണ്ടിയാണ് കഴിഞ്ഞ 4 വര്‍ഷങ്ങളായി താന്‍ പ്രതിഷേധ സ്വരമുയര്‍ത്തിയതെന്നും അതാണിപ്പോള്‍ രാഷ്ട്രീയ മഞ്ചിന്റെ രൂപീകരണത്തില്‍ കലാശിച്ചിരിക്കുന്നതെന്നും പറഞ്ഞു. വിവിധ രാഷ്ട്രീയ പാര്‍ട്ടികളിലും കര്‍ഷക സംഘടനകളിലും ഉള്‍പ്പെടുന്നവരാണ് രാഷ്ട്രീയ മഞ്ചിലുള്ളത്.
നരേന്ദ്ര മോഡി ഗവണ്മെന്റിന്റെ ബജറ്റ് നിര്‍ദ്ദേശങ്ങളെ വിമര്‍ശിച്ച മുന്‍ ധനമന്ത്രി കര്‍ഷകരുടെ വരുമാനം കഴിഞ്ഞ 4 വര്‍ഷങ്ങളില്‍ 1.38% ഇടിയുകയാണുണ്ടായതെന്നും ഗ്രാമീണ മേഖലയില്‍ ദുരിതങ്ങള്‍ വര്‍ദ്ധിച്ചുവെന്നും പറയുന്നു. കാര്‍ഷിക വളര്‍ച്ച കുറഞ്ഞതുകൊണ്ടു മാത്രമല്ല ഗ്രാമീണ മേഖലയില്‍ ദുരിതങ്ങള്‍ വര്‍ദ്ധിച്ചത്. കര്‍ഷകരുടെ ഉല്‍പ്പന്നങ്ങള്‍ക്ക് മൂന്നിലൊന്നു വില മാത്രമാണ് ലഭിക്കുന്നത്. മിനിമം താങ്ങുവിലയുടെ 50% മാത്രമാണത്. 'നരേന്ദ്ര മോഡി ഗവണ്മെന്റിന്റെ കീഴില്‍ കഴിഞ്ഞ 4 വര്‍ഷങ്ങളില്‍ കാര്‍ഷിക വളര്‍ച്ചയുടെ വാര്‍ഷിക ശരാശരി 1.9% മാത്രമായിരുന്നു. അതേ സമയം യുപിഎ ഗവണ്മെന്റിന്റെ ആദ്യ 4 വര്‍ഷങ്ങളില്‍ 3.8% ആയിരുന്നു.
2022 ആകുമ്പോള്‍ കര്‍ഷകരുടെ വരുമാനം ഇരട്ടിയാക്കുമെന്നാണ് ബജറ്റില്‍ പറയുന്നത്. കഴിഞ്ഞ 4 വര്‍ഷങ്ങളില്‍ കര്‍ഷകരുടെ വരുമാനം വര്‍ദ്ധിക്കുന്നതിന് പകരം 1.38% കുറയുകയായിരുന്നു. 4 വര്‍ഷങ്ങള്‍ നഷ്ടപ്പെട്ടു. ഇപ്പോള്‍ 2018 ആയി. ഇനിയുള്ള 4 വര്‍ഷങ്ങളില്‍ എന്ത് നേടാന്‍ കഴിയും? ബജറ്റ് എന്നത് 'പവിത്രമായ രേഖയാണ്'. അതിലെ ഓരോ നിര്‍ദ്ദേശത്തിനും ആവശ്യമായ പണം ഉള്‍ക്കൊള്ളിച്ചിരിക്കണം. അല്ലാത്തപക്ഷം അതൊരു തെരെഞ്ഞെടുപ്പ് പ്രകടനപത്രികക്ക് തുല്യമാകും. തെരെഞ്ഞെടുപ്പ് പ്രകടന പത്രികയില്‍, ചിലവുകളൊന്നും പരിഗണിക്കാതെയും പണം എവിടെനിന്നും ലഭിക്കുന്നുവെന്ന് നോക്കാതെയും വാഗ്ദാനങ്ങള്‍ നിരത്താന്‍കഴിയും. എന്നാല്‍ ബജറ്റില്‍ അത് സാധ്യമല്ല. കര്‍ഷകരുടെ വരുമാനം ഉയര്‍ത്തുന്നതിനുള്ള പദ്ധതിക്കായി ഒരു രൂപപോലും നീക്കിവച്ചിട്ടില്ലെന്ന് സിന്‍ഹ ചൂണ്ടിക്കാട്ടി.

Other News

  • ശബരിമല ; ഷിക്കാഗോയില്‍ പ്രതിഷേധ യോഗം നടന്നു
  • ചന്ദ്ര കൊച്ചാര്‍: ആകാശത്തോളമുയര്‍ന്ന ഒരു വനിതയുടെ പതനം
  • ഗുജറാത്തില്‍ അക്രമം; കുടിയേറ്റ തൊഴിലാളികളുടെ പലായനം വ്യവസായങ്ങളെ ബാധിച്ചു
  • ആധാര്‍ ഉപയോഗിക്കാന്‍ ബാങ്കുകളെയും ടെലികോമുകളെയും അനുവദിച്ചേക്കും
  • യുഎസ് കമ്പനികളിലേക്ക് ചെറിയ ചിപ്പുമായി നുഴഞ്ഞുകയറി ചൈന ഹാക്കിങ് നടത്തി
  • രാജസ്ഥാനില്‍ കോണ്‍ഗ്രസ് വിജയിക്കും; മദ്ധ്യപ്രദേശിലും ഛത്തിസ്ഗഡിലും മുന്‍തൂക്കം
  • ഗോസംരക്ഷകര്‍ അഴിഞ്ഞാടുമ്പോഴും ഇന്ത്യയില്‍ ഇറച്ചി ഭക്ഷിക്കുന്നവരുടെ എണ്ണം കൂടുന്നു
  • ആര്‍ട്ടിഫിഷ്യല്‍ ഇന്റലിജന്‍സ് - ഇന്ത്യയ്ക്ക് മുന്നേറാന്‍ അവസരമുണ്ട്
  • 'കിഴക്കിന്റെ ജെറുസലേമി'ലേക്ക് പോപ്പ് ഫ്രാന്‍സിസിനെ ക്ഷണിച്ച് കിം ജോങ് ഉന്‍
  • സൗദി പത്രപ്രവര്‍ത്തകനെ കോണ്‍സുലേറ്റില്‍ അപായപ്പെടുത്തിയതായി ടര്‍ക്കി
  • കാവിനോ അകത്ത്; സുപ്രീം കോടതി മാറുമോ?
  • Write A Comment

     
    Reload Image
    Add code here