ഇന്ത്യയിലെ ഇറച്ചി കോഴികള്‍ക്ക് കടുത്ത ആന്റിബയോട്ടിക്കുകള്‍ നല്‍കുന്നു

Wed,Feb 14,2018


അത്യാസന്ന നിലയില്‍ കിടക്കുന്ന രോഗികളെ രക്ഷിക്കാന്‍ അവസാന ശ്രമമെന്ന നിലയില്‍ കൊടുക്കുന്ന ആന്റിബയോട്ടിക്കാണ് കോളിസ്റ്റിന്‍. ഓരോ വര്‍ഷവും നൂറുകണക്കിന് ടണ്‍ കോളിസ്റ്റിന്‍ ഉള്‍പ്പടെയുള്ള ആന്റിബയോട്ടിക്കുകളാണ് ഇന്ത്യയിലേക്ക് കയറ്റുമതി ചെയ്യുന്നത്. വൈദ്യശാസ്ത്രത്തിന് അറിവുള്ളതില്‍വെച്ച് എറ്റവും കടുപ്പമേറിയ ആന്റിബയോട്ടിക്കുകളും അതിലുള്‍പ്പെടും. മെഡിക്കല്‍ പരിശോധനയൊന്നുമില്ലാതെ വളര്‍ത്തുമൃഗങ്ങളില്‍ പ്രയോഗിക്കുന്നതിനായാണ് അവ ഉപയോഗിക്കുന്നതെന്ന് റിപ്പോര്‍ട്ട് ചെയ്യപ്പെടുന്നു. മൃഗങ്ങള്‍ക്കു ഈ ഔഷധം ആവശ്യമില്ലെങ്കില്‍പ്പോലും അവയ്ക്കത് ധാരാളമായി നല്‍കുകയാണ്. നല്ല ആരോഗ്യത്തോടെ വളരാന്‍ വേണ്ടിയാണ് അങ്ങനെ ചെയ്യുന്നത്.
ഇന്ത്യയിലെ ഇറച്ചിക്കോഴികളില്‍ പ്രയോഗിക്കുന്ന ആന്റിബയോട്ടിക്കുകള്‍ ആഗോളവ്യാപകമായി പ്രത്യാഘാതങ്ങള്‍ സൃഷ്ടിക്കാന്‍ പര്യാപ്തമാണ്. വീര്യമേറിയ ആന്റിബയോട്ടിക്കുകള്‍ പതിവായി ഉപയോഗിക്കുന്നത് അതുകൊണ്ടുദ്ദേശിക്കുന്നതിന്റെ വിപരീത ഫലം മാത്രമാണുണ്ടാക്കുക എന്നാണ് ഡോക്ടര്‍മാര്‍ പറയുന്നത്.
ഏതെങ്കിലും രോഗത്തെ പ്രതിരോധിക്കാനായിരിക്കും ഒരു പ്രത്യേക ആന്റിബയോട്ടിക് ഉപയോഗിക്കുന്നത്. എന്നാല്‍ അവയുടെ പതിവായ ഉപയോഗം ആ രോഗത്തോടുള്ള ശരീരത്തിന്റെ പ്രതിരോധ ശേഷി കുറയ്ക്കുകയാണ് ചെയ്യുന്നത്. വികസ്വര രാഷ്ട്രങ്ങളില്‍ മൃഗങ്ങളില്‍, പ്രത്യേകിച്ചും കോഴിഫാമുകളില്‍ ആന്റിബയോട്ടിക്കുകളുടെ ഉപയോഗം വളരെ വ്യാപകമാണെന്ന് കണ്ടെത്തിയിട്ടുണ്ട്. അവയുടെ ഇറച്ചി ഭക്ഷിക്കുന്നവരുടെ അവയവങ്ങളെ അത് ബാധിക്കുന്നുണ്ട്. അവരില്‍ ആന്റിബയോട്ടിക്കുകളുടെ രോഗപ്രതിരോധശേഷി നശിക്കുന്നു. ലോകമൊട്ടാകെത്തന്നെ അതിന്റെ ഭവിഷ്യത്തുകള്‍ അനുഭവപ്പെടുകയാണ്.
ന്യുമോണിയ ഉള്‍പ്പടെയുള്ള കടുത്ത ചില രോഗങ്ങള്‍ക്കാണ് കോളിസ്റ്റിന്‍ നല്‍കുന്നത്. മറ്റു ഔഷധങ്ങള്‍ ഉപയോഗിച്ച് അവയെ ചികില്‍സിക്കാനും സാധ്യമല്ല. ഈ ഔഷധങ്ങളുടെ പ്രതിരോധ ശേഷി നശിക്കുന്നതോടെ കഴിഞ്ഞ നൂറ്റാണ്ടില്‍ സാധാരണപോലെ ചികില്‍സിച്ചു ഭേദമാക്കാന്‍ കഴിഞ്ഞിരുന്ന പല രോഗങ്ങളും വീണ്ടും മാരകമായി മാറും. ലോകത്തിലെ ഏറ്റവും വലിയ ഭക്ഷ്യോല്‍പ്പാദക രാഷ്ട്രങ്ങളിലൊന്നാണ് ഇന്ത്യ. ചിക്കനും ബന്ധപ്പെട്ട മറ്റുല്‍പ്പന്നങ്ങളും വിദേശങ്ങളിലേക്ക് ഇന്ത്യന്‍ കര്‍ഷകര്‍ ഇപ്പോള്‍ തടസ്സമൊന്നും കൂടാതെ കയറ്റുമതി ചെയ്യുന്നുണ്ട്. യൂറോപ്യന്‍ യൂണിയനുമായി സമ്മതിച്ചിട്ടുള്ള ശുചിത്വ വ്യവസ്ഥകളല്ലാതെ മറ്റൊന്നും ഇപ്പോള്‍ ഇന്ത്യയില്‍നിന്നുമുള്ള ഇറക്കുമതിക്ക് യുകെ പരിഗണിക്കുന്നില്ല. എന്നാല്‍ ബ്രെക്‌സിറ്റിനു ശേഷം സ്ഥിതിയില്‍ മാറ്റമുണ്ടാകും.

Other News

  • ശബരിമല ; ഷിക്കാഗോയില്‍ പ്രതിഷേധ യോഗം നടന്നു
  • ചന്ദ്ര കൊച്ചാര്‍: ആകാശത്തോളമുയര്‍ന്ന ഒരു വനിതയുടെ പതനം
  • ഗുജറാത്തില്‍ അക്രമം; കുടിയേറ്റ തൊഴിലാളികളുടെ പലായനം വ്യവസായങ്ങളെ ബാധിച്ചു
  • ആധാര്‍ ഉപയോഗിക്കാന്‍ ബാങ്കുകളെയും ടെലികോമുകളെയും അനുവദിച്ചേക്കും
  • യുഎസ് കമ്പനികളിലേക്ക് ചെറിയ ചിപ്പുമായി നുഴഞ്ഞുകയറി ചൈന ഹാക്കിങ് നടത്തി
  • രാജസ്ഥാനില്‍ കോണ്‍ഗ്രസ് വിജയിക്കും; മദ്ധ്യപ്രദേശിലും ഛത്തിസ്ഗഡിലും മുന്‍തൂക്കം
  • ഗോസംരക്ഷകര്‍ അഴിഞ്ഞാടുമ്പോഴും ഇന്ത്യയില്‍ ഇറച്ചി ഭക്ഷിക്കുന്നവരുടെ എണ്ണം കൂടുന്നു
  • ആര്‍ട്ടിഫിഷ്യല്‍ ഇന്റലിജന്‍സ് - ഇന്ത്യയ്ക്ക് മുന്നേറാന്‍ അവസരമുണ്ട്
  • 'കിഴക്കിന്റെ ജെറുസലേമി'ലേക്ക് പോപ്പ് ഫ്രാന്‍സിസിനെ ക്ഷണിച്ച് കിം ജോങ് ഉന്‍
  • സൗദി പത്രപ്രവര്‍ത്തകനെ കോണ്‍സുലേറ്റില്‍ അപായപ്പെടുത്തിയതായി ടര്‍ക്കി
  • കാവിനോ അകത്ത്; സുപ്രീം കോടതി മാറുമോ?
  • Write A Comment

     
    Reload Image
    Add code here