റഷ്യയില്‍ നടക്കുന്ന അഫ്ഗാന്‍ സമാധാന ചര്‍ച്ചയില്‍ താലിബാനുമായി ഇതാദ്യമായി ഇന്ത്യ വേദി പങ്കിടുന്നു

Thu,Nov 08,2018


ന്യൂഡല്‍ഹി: അഫ്ഗാനിസ്ഥാനില്‍ സമാധാനം പുന:സ്ഥാപിക്കുവാന്‍ ലക്ഷ്യമിട്ട് റഷ്യയുടെതാല്‍പര്യപ്രകാരം മോസ്‌കോയില്‍ നവംബര്‍ ഒമ്പതിനു ചേരുന്ന യോഗത്തില്‍ ഇന്ത്യ അനൗദ്യോഗിക പ്രതിനിധികളെ അയച്ചു. ചര്‍ച്ചയില്‍ താലിബാന്‍ പ്രതിനിധികള്‍ പങ്കെടുക്കുന്നുണ്ട്. ഇതാദ്യമായാണ് താലിബാന്‍ പ്രതിനിധികള്‍ ഉള്‍പ്പെടുന്ന ചര്‍ച്ചാ വേദിയില്‍ ഇന്ത്യയുടെ സാന്നിധ്യമുണ്ടാകുന്നത്.
ദോഹയിലുള്ള താലിബാന്റെ പൊളിറ്റിക്കല്‍ ഓഫീസില്‍ നിന്നുള്ള പ്രതിനിധികളാണ് മോസ്‌കോയില്‍ എത്തുന്നത്. മുന്‍ നയതന്ത്ര പ്രതിനിധികളായ ടി.സി.എ രാഘവന്‍, അമര്‍ സിന്‍ഹ എന്നിവരാണ് ഇന്ത്യയുടെ അനൗദ്യോഗിക പ്രതിനിധികളായി മോസ്‌കോയില്‍ എത്തിയിട്ടുള്ളത്. അഫ്ഗാനിലെ ഏതു സമാധാന നീക്കവും ആ രാജ്യത്തിന്റെ നിയന്ത്രണത്തിലായിരിക്കണമെന്നതാമ് ഇന്ത്യയുടെ ഔദ്യോഗിക നിലപാടെന്ന് സര്‍ക്കാര്‍ വ്യക്തമാക്കിയിട്ടുണ്ട്.
അനൗദ്യോഗികമായിട്ടാണെങ്കിലും മോസ്‌കോ ചര്‍ച്ചയില്‍ ഇന്ത്യ പങ്കെടുക്കുന്നത് പലയിടത്തും മുറുമുറുപ്പിനു കാരണമായിട്ടുണ്ട്. അഫ്ഗാനിസ്ഥാന്‍, ഇന്ത്യ, ഇറാന്‍, കസ്ഖിസ്ഥാന്‍, കിര്‍ഗിസ്ഥാന്‍, ചൈന, പാക്കിസ്ഥാന്‍, താജിക്കിസ്ഥാന്‍, ടര്‍ക്ക്‌മെനിസ്ഥാന്‍, ഉസ്‌ബെക്കിസ്ഥാന്‍, അമേരിക്ക, അഫ്ഗാന്‍ താലിബാന്‍ എന്നിവരെയാമ് റഷ്യ ചര്‍ച്ചയ്ക്ക് ക്ഷണിച്ചിരുന്നത്. അഫ്ഗാന്‍ സര്‍ക്കാര്‍ നേരിട്ട് ഇതില്‍ പങ്കെടുക്കുന്നില്ലെങ്കിലും ഉന്നത തല പീസ് കൗണ്‍സില്‍ പ്രതിനിധികളെ മോസ്‌കോയിലേക്ക് അയച്ചിട്ടുണ്ട്.

Other News

  • ഇന്ത്യന്‍ മാര്‍ക്കറ്റില്‍ ജാവാ ബൈക്കുകള്‍ പുനരവതരിക്കുന്നു
  • റഫേല്‍ ഇടപാട്: വ്യോമസേന ഉദ്യോഗസ്ഥര്‍ ഉടന്‍ഹാജരാകണമെന്ന് സുപ്രീംകോടതി
  • മുംബൈയിലെ ഫ്‌ലാറ്റില്‍ തീപ്പിടിത്തം; രണ്ടുപേര്‍ മരിച്ചു
  • ദേശസ്‌നേഹം വളര്‍ത്താന്‍ റെയില്‍വെയും: രാജ്യത്തെ 75 റെയില്‍വെ സ്‌റ്റേഷനുകളില്‍ നൂറ് അടി പൊക്കത്തില്‍ ദേശീയ പതാകകള്‍ സ്ഥാപിക്കും
  • കൂടുതല്‍ മദ്യം നല്‍കിയില്ല; വിദേശ യാത്രക്കാരി എയര്‍ ഇന്ത്യ വിമാനത്തില്‍ അസഭ്യ വര്‍ഷം നടത്തി, ഫ്‌ളൈറ്റ് അറ്റന്‍ഡിനെ മര്‍ദിച്ചു
  • റഫേല്‍ യുദ്ധവിമാന ഇടപാടിന്റെ വിലവിവരങ്ങള്‍ കേന്ദ്രം സുപ്രീം കോടതിയില്‍ നല്‍കി
  • മദ്യപരിശോധനയില്‍ പരാജയപ്പെട്ടു; എയര്‍ ഇന്ത്യ ഓപ്പറേഷന്‍സ് ഡയറക്ടറെ വിമാനം പറത്താന്‍ അനുവദിച്ചില്ല
  • പതിനാറുകാരിയെ പതിനേഴുകാരനായ കാമുകന്‍ കൊന്ന് കത്തിച്ചു; കൊലപാതകം ഗര്‍ഭിണി ആയെന്ന സംശയത്തെ തുടര്‍ന്ന്
  • മുസ്ലീം പള്ളിയ്ക്ക് മഹാവിഷ്ണുവിന്റെ പേരിടുമെന്ന് ബിജെപി വക്താവ് സംബിത് പത്ര ടെലിവിഷന്‍ ചര്‍ച്ചയില്‍
  • കശ്മീരില്‍ ഏറ്റുമുട്ടലില്‍ രണ്ട് തീവ്രവാദികള്‍ കൊല്ലപ്പെട്ടു
  • അയോധ്യയില്‍ ബുദ്ധന്റെ പ്രതിമയും വേണമെന്ന് ബിജെപി എംപി
  • Write A Comment

     
    Reload Image
    Add code here