സന്നിധാനത്തും, പമ്പയിലും സ്ത്രീകള്‍ക്ക് പ്രത്യേക സൗകര്യങ്ങള്‍ ഏര്‍പ്പെടുത്തുമെന്ന് ദേവസ്വം ബോര്‍ഡ്

Thu,Oct 11,2018


കൊച്ചി: മണ്ഡല കാലത്ത് സന്നിധാനത്തും പമ്പയിലും സ്ത്രീകള്‍ക്കായി പ്രത്യേക സൗകര്യങ്ങള്‍ ഏര്‍പ്പെടുത്തുമെന്ന് ദേവസ്വം ബോര്‍ഡ് ഹൈക്കോടതിയെ അറിയിച്ചു. ശബരിമലയിലും തീര്‍ത്ഥാടന പാതകളിലും സ്ത്രീകള്‍ക്കായി കൂടുതല്‍ ശുചിമുറികള്‍ ക്രമീകരിക്കുമെന്നും സര്‍ക്കാര്‍ കോടതിയില്‍ നല്‍കിയ റിപ്പോര്‍ട്ടില്‍ ചൂണ്ടിക്കാട്ടുന്നു.
പ്രളയത്തെത്തുടര്‍ന്ന് പമ്പ നാശോന്മുഖമായ സാഹചര്യത്തില്‍ പ്രധാന ഇടത്താവളമായി നിശ്ചയിച്ചിരിയ്ക്കുന്ന നിലയ്ക്കലില്‍ തീര്‍ത്ഥാടകര്‍ക്കായി കൂടുതല്‍ ക്രമീകരണം ഏര്‍പ്പെടുത്തുമെന്ന് ദേവസ്വം ബോര്‍ഡ് സമര്‍പ്പിച്ച റിപ്പോര്‍ട്ടില്‍ പറയുന്നു. നിലയ്ക്കലില്‍ നിലവിലുള്ള 400 ശുചിമുറികള്‍ക്ക് പുറമേ 100 എണ്ണം കൂടി നിര്‍മ്മിയ്ക്കും. ഇതില്‍ 100 എണ്ണം സ്ത്രീകള്‍ക്ക് മാത്രമായി ക്രമീകരിയ്ക്കും. ശുചിമുറി സംവിധാനങ്ങള്‍ പാടേ തകര്‍ന്ന സാഹചര്യത്തിലാണ് പമ്പയില്‍ 100 എണ്ണം പുതുതായി നിര്‍മ്മിയ്ക്കുന്നത്.
സ്‌നാനഘട്ടങ്ങളോട് ചേര്‍ന്ന് സ്ത്രീകള്‍ക്ക് വസ്ത്രം മാറുന്നതിനായി പ്രത്യേക സൗകര്യമൊരുക്കും.പമ്പ ബസ് സ്റ്റാന്‍ഡിനടുത്തും മരക്കൂട്ടത്തും സ്ത്രീകള്‍ക്കായി 25 ബയോ ടൊയ്‌ലറ്റുകള്‍ വീതം സ്ഥാപിക്കും. സന്നിധാനത്ത് നൂറിലേറെ ശുചിമുറികളും സ്ത്രീകള്‍ക്കായി സ്ഥാപിക്കും. സ്ത്രീകളുടെ ശുചിമുറികള്‍ക്ക് പിങ്ക് നിറം നല്‍കാനും തീരുമാനിച്ചിട്ടുണ്ട്. സന്നിധാനത്തും പമ്പയിലും കുടിവെള്ളമെത്തിയ്ക്കുന്നതിനുള്ള നടപടിക്രമങ്ങളും പുരോഗമിക്കുകയാണ്. അപ്പം അരവണ പ്ലാന്റുകളും സമയബന്ധിതമായി പ്രവര്‍ത്തനസജ്ജമാക്കുമെന്നും റിപ്പോര്‍ട്ടില്‍ വ്യക്തമാക്കുന്നു.

Other News

  • പാര്‍ട്ടി അറിയാതെ പീതാംബരന്‍ ഒന്നും ചെയ്യില്ലെന്ന് ഭാര്യ; കുറ്റം ഏറ്റെടുത്തത് മാറ്റാര്‍ക്കോ വേണ്ടി
  • എറണാകുളം നഗരത്തില്‍ പാരഗണ്‍ ഗോഡൗണില്‍വന്‍ അഗ്നി ബാധ; ആറു നിലക്കെട്ടിടം തീക്കുണ്ഠമായി
  • കാസര്‍കോട് ഇരട്ടക്കൊല: അറസ്റ്റുചെയ്യപ്പെട്ട മുഖ്യ സൂത്രധാരനായ ലോക്കല്‍ കമ്മിറ്റി അംഗത്തെ സിപിഎം പുറത്താക്കി
  • കാസര്‍കോട് കൊലപാതകത്തില്‍ സിപിഎമ്മിനു പങ്കില്ല; കുറ്റക്കാര്‍ക്കെതിരെ ശക്തമായ നിയമ നടപടി എടുക്കും: മുഖ്യമന്ത്രി
  • വീരമൃത്യുവരിച്ച സൈനികന്‍ വസന്തകുമാറിന്റെ കുടുംബത്തിന് 25 ലക്ഷം രൂപ ധനസഹായം; ഭാര്യ ഷീനയുടെ ജോലി സ്ഥിരപ്പെടുത്തും
  • കാസര്‍കോട് കൊലപാതകം അപലപനീയം: പ്രതികള്‍ പാര്‍ട്ടിക്കാരായാല്‍പോലും സംരക്ഷിക്കില്ല: കോടിയേരി
  • കാസര്‍കോട് കൊലക്കേസില്‍ രണ്ട് പേര്‍ പിടിയില്‍; കേസന്വേഷണം പ്രത്യേക സംഘത്തിന്
  • മിന്നല്‍ ഹര്‍ത്താലിനെതിരെ ഹൈക്കോടതി സ്വമേധയാ കേസെടുത്തു;കോടതി അലക്ഷ്യം നടത്തിയ ഭാരവാഹികള്‍ നോട്ടീസ് അയക്കും
  • കാസര്‍കോട്ട് രണ്ട് യൂത്ത് കോണ്‍ഗ്രസ് പ്രവര്‍ത്തകരെ വെട്ടിക്കൊന്നു; തിങ്കളാഴ്ച കേരളത്തില്‍ ഹര്‍ത്താല്‍
  • പുല്‍വാമയില്‍ വീരചരമമടഞ്ഞ മലയാളി സൈനികന്‍ വി.വി വസന്തകുമാറിന്റെ വീട്ടില്‍ മുഖ്യമന്ത്രി പിണറായി വിജയന്‍ ബുധനാഴ്ച സന്ദര്‍ശനം നടത്തും
  • കൊട്ടിയൂർ പീഡനം: ഫാ. റോബിൻ വടക്കുംചേരിക്ക്​ 20 വർഷം കഠിന തടവ്​
  • Write A Comment

     
    Reload Image
    Add code here