കുഞ്ഞിന് നിര്‍ദേശിച്ച ചികിത്സ നല്‍കിയില്ല; ഇന്ത്യക്കാരായ ദമ്പതിമാരെ ഫ്‌ളോറിഡയില്‍ അറസ്റ്റു ചെയ്തു

Fri,Sep 14,2018


ചെന്നൈ: കുഞ്ഞിന് നിര്‍ദേശിച്ച ചികിത്സ നല്‍കാത്തതിന്‌ ഇന്ത്യക്കാരായ ദമ്പതിമാരെ ഫ്‌ളോറിഡയില്‍ അറസ്റ്റു ചെയ്തു. കഴിഞ്ഞ വെള്ളിയാഴ്ച അറസ്റ്റ് ചെയ്ത് ജയിലിലടച്ച ഇവരെ വ്യാഴാഴ്ച 30,000 ഡോളറിന്റെ ജാമ്യത്തില്‍ വിട്ടയച്ചു. ആഴ്ചകള്‍ക്ക് മുമ്പാണ് ആറു മാസം പ്രായമുള്ള മകളുടെ ഇടതു കൈയിലെ വീക്കവുമായി ഇവര്‍ ഫ്‌ളോറിഡയിലെ ആശുപത്രിയിലെത്തിയത്. ഡോക്ടര്‍ നിര്‍ദേശിച്ച പരിശോധനകള്‍ നടത്താന്‍ വിസമ്മതിക്കുകയും കുഞ്ഞിനെ ഡോക്ടറുടെ അനുമതിയില്ലാതെ ആശുപത്രിയില്‍ നിന്ന് കൊണ്ടുപോകാന്‍ ശ്രമിക്കുകയും ചെയ്തു എന്നതാണ് ഇവരുടെ മേലുള്ള കുറ്റം. കുഞ്ഞിനോടുള്ള ഉത്തരവാദിത്തത്തില്‍ വീഴ്ച വരുത്തി എന്നാണ് അധികൃതരുടെ വാദം.

തമിഴ്‌നാട് സ്വദേശികളായ പ്രകാശ് സേത്തുവും മാല പനീര്‍ശെല്‍വവുമാണ് അറസ്റ്റ് ചെയ്യപ്പെട്ടത്. ഇവര്‍ക്ക് ഇരട്ടക്കുട്ടികളാണ്. മകള്‍ ഹിമിഷയുടെ ചികിത്സക്കാണ് ഇവര്‍ എത്തിയത്. ഇവര്‍ അറസ്റ്റിലായതോടെ കുട്ടികളുടെ സംരക്ഷണം ചൈല്‍ഡ് പ്രൊട്ടക്ടീവ് സര്‍വീസസ് ഏറ്റെടുത്തിരുന്നു. രണ്ടു ലക്ഷം ഡോളറാണ് ജാമ്യത്തുകയായി ആദ്യം ആവശ്യപ്പെട്ടതെങ്കിലും പിന്നീടത് 30,000 ഡോളറായി അധികൃതര്‍ കുറച്ചു നല്‍കുകയായിരുന്നു. സംഭവത്തില്‍ വിദേശകാര്യമന്ത്രാലയം ഇടപെട്ടിട്ടുണ്ട്.

എന്നാല്‍ സുഹൃത്തുക്കള്‍ പ്രകാശിനും മാലയ്ക്കും എതിരെയുള്ള ആരോപണങ്ങള്‍ നിഷേധിച്ചു. ഡോക്ടര്‍ നിര്‍ദേശിച്ച പരിശോധനകള്‍ വളരെ ചെലവേറിയതായിരുന്നെന്നും അത്രയും പണം കണ്ടെത്താനുള്ള ബുദ്ധിമുട്ട് കാരണവുമാണ് ഇവര്‍ പരിശോധനകള്‍ക്ക് സമ്മതം നല്‍കാതിരുന്നതെന്ന് സുഹൃത്തുക്കള്‍ അറിയിച്ചു. കൂടാതെ ആറു മാസം മാത്രം പ്രായമുള്ള കുഞ്ഞുങ്ങളെ ബന്ധുക്കളെപ്പോലുമേല്‍പിക്കാതെ തടഞ്ഞു വെച്ചിരിക്കുകയാണെന്നും ഇവര്‍ ആരോപിച്ചു.

അടുത്തകാലത്തായി നിരവധി മാതാപിതാക്കള്‍ അമേരിക്കയില്‍ ശിശു സംരക്ഷണ നിയമങ്ങളുടെ പേരില്‍ ശിക്ഷിക്കപ്പെട്ടു. 2012 ല്‍ ഇന്ത്യന്‍ ദമ്പതിമാരുടെ പതിനെട്ട് മാസം പ്രായമുള്ള കുഞ്ഞിന് തലയ്ക്ക് പരിക്കേറ്റുവെന്ന കാരണത്തില്‍ കുഞ്ഞിനെ മാതാപിതാക്കളില്‍ നിന്ന് വേര്‍പിരിച്ചിരുന്നു. ഒരു വര്‍ഷത്തിനു ശേഷമാണ് കുട്ടിയെ ഇന്ത്യയിലേക്ക് കൊണ്ടുവരാന്‍ അനുമതി നല്‍കിയത്.

Other News

  • സർക്കാർ ആനുകൂല്യംപറ്റുന്ന വിദേശികൾക്ക്​ ഗ്രീൻകാർഡ്​ നിർത്തുന്നു
  • ഇന്ത്യ സ്വതന്ത്ര സമൂഹം, ദശലക്ഷക്കണക്കിന് പൗരന്മാരെ ദാരിദ്ര്യത്തില്‍ നിന്ന് മോചിപ്പിച്ചു; യു.എന്നില്‍ പ്രശംസ ചൊരിഞ്ഞ് ട്രമ്പ്
  • വൈ​റ്റ്​​ഹൗ​സി​ലെ ക​റു​ത്ത വി​ഭാ​ഗ​ക്കാ​രി​യാ​യ ആ​ദ്യ വ​നി​ത റി​പ്പോ​ർ​ട്ട​റു​ടെ പ്ര​തി​മ അ​നാ​ച്ഛാ​ദ​നം ചെ​യ്​​തു
  • ഹൈസ്‌കൂളില്‍ പഠിക്കുമ്പോള്‍ ലൈംഗിക പീഡനം നടത്തിയിട്ടില്ലെന്ന് ബ്രെറ്റ് കവനോവ്
  • പ്രവീണ്‍ വധക്കേസില്‍ കോടതി വിട്ടയച്ച പ്രതി ജയിലിലായിരുന്നപ്പോഴും മയക്കുമരുന്ന് ഇടപാട് നടത്തി; ജാമ്യം റദ്ദാക്കണമെന്ന് ആവശ്യപ്പെട്ട ഹര്‍ജി
  • ഞാന്‍ ഇന്ത്യയെ സ്‌നേഹിക്കുന്നു, എന്റെ സുഹൃത്ത് മോഡിക്ക് ആശംസ അറിയിക്കുക; സുഷമ സ്വരാജിനോട് ട്രമ്പ്
  • ട്രമ്പ് ടീമിന്റെ റഷ്യന്‍ ബന്ധത്തെപ്പറ്റിയുള്ള അന്വേഷണത്തിനു മേല്‍നോട്ടം വഹിക്കുന്ന യു.എസ് ഡെപ്യൂട്ടി അറ്റോര്‍ണി ജനറല്‍ രാജിവച്ചേക്കുമെന്നു സൂചന
  • തിയോളജി ബിരുദാനന്തര ബിരുദദാന ചടങ്ങുകള്‍ സോമര്‍സെറ്റില്‍ സെപ്റ്റംബര്‍ മുപ്പതിന്
  • മോര്‍ട്ടണ്‍ഗ്രോവ് സെന്റ് മേരീസില്‍ ഇരട്ടകളുടെ സംഗമം
  • ഷിക്കാഗോയില്‍ 'എസ്രാ മീറ്റ് 2018' നടത്തി
  • മലയാളി എന്‍ജിനിയേഴ്‌സ് അസോ. സ്‌കോളര്‍ഷിപ്പ് പദ്ധതി
  • Write A Comment

     
    Reload Image
    Add code here