ആലുവയിലേക്ക് വൈകിട്ടോടെ വെള്ളമെത്തും; നേരിടാന്‍ പട്ടാളമെത്തി; വിമാനത്താവളത്തിന്റെ പ്രവര്‍ത്തനവും നിലച്ചേക്കും

Fri,Aug 10,2018


കൊച്ചി : അതിശക്തമായ കാലവര്‍ഷത്തില്‍ സംസ്ഥാനത്ത് വ്യാപക ദുരിതം.
ഇടുക്കി ജില്ലയിലെ അണക്കെട്ടുകളില്‍ നിന്നുള്ള വെള്ളത്തിന്റെ അളവ് വര്‍ധിച്ചതോടെ പെരിയാര്‍ കൂടുതല്‍ കരകവിഞ്ഞൊഴുകാനുള്ള സാധ്യത വര്‍ധിച്ചു.
ആലുവ-നെടുമ്പാശേരി ഭാഗങ്ങളിലേക്ക് വൈകുന്നരേത്തോടെ വെള്ളമെത്തുമെന്നാണ് ആശങ്ക. ഇവിടെയുള്ള ജനങ്ങളോട് സുരക്ഷിത കേന്ദ്രങ്ങളിലേക്ക് മാറാന്‍ നിര്‍ദ്ദേശിച്ചിട്ടുണ്ട്. കരുതല്‍ നടപടികളുടെ ഭാഗമായി സൈന്യം ഇറങ്ങി. പ്രളയം ശക്തമായാല്‍ നെടുമ്പാശേരി വിമാനത്താവളത്തിന്റെ പ്രവര്‍ത്തനങ്ങളും നിലച്ചേക്കും.
മണപ്പുറം മഹാദേവ ക്ഷേത്രം ഒരുമാസത്തിനിടെ മൂന്നാം തവണയും മുങ്ങി. ഇടമലയാർ അണക്കെട്ട് തുറന്നതോടെയാണ് വ്യാഴാഴ്ച രാവിലെ മൂന്നാം തവണ മുങ്ങിയത്.
ഉടുമ്പന്‍ചോല താലൂക്കില്‍ 20 ഇടങ്ങളില്‍ ഉരുള്‍പൊട്ടി. 64 കുടുംബങ്ങളെ മാറ്റിപാര്‍പ്പിച്ചു. അമ്പതോളം വീടുകള്‍ തകര്‍ന്നു. ഏക്കറുകണക്കിന് കൃഷി നശിച്ചു. മേലേചെമ്മണ്ണാര്‍, മാവടി, കട്ടക്കാല തുടങ്ങിയ സ്ഥലങ്ങളിലാണ് ഉരുള്‍പൊട്ടിയത്.
പാറത്തോടില്‍ 60 വീടുകളില്‍ വെള്ളംകയറി. മേലേചെമ്മണ്ണാറില്‍ എട്ട് കുടുംബങ്ങളെ മാറ്റിപ്പാര്‍പ്പിച്ചു. ചെമ്മണ്ണാര്‍ ആട്ടുപാറ പെരുമാങ്കുളം മലയടിവാരത്തില്‍ നിന്നുണ്ടായ ഉരുള്‍പൊട്ടലാണ് നാശം വിതച്ചത്.
പാമ്പുപാറ, പള്ളിക്കുന്ന്, ഏഴരയേക്കര്‍, മാവറസിറ്റി തുടങ്ങിയ സ്ഥലങ്ങളിലും ഉരുള്‍ പൊട്ടി. ചെമ്മണ്ണാര്‍ അഞ്ചുമനക്കല്‍ ബിന്‍സന്റെ ഒരേക്കര്‍ സ്ഥലം ഒലിച്ചുപോയി. വീടിന്റെ മുകളില്‍ ഉണ്ടായിരുന്ന കല്ല് ദിശമാറിപ്പോയതിനാല്‍ കുടുംബത്തിലെ 20 ദിവസം പ്രായമുള്ള കുട്ടി ഉള്‍പ്പടെയുള്ളവര്‍ രക്ഷപെട്ടു. ചെമ്മണ്ണാര്‍ കുന്നേല്‍ ബെന്നിയുടെ അരയേക്കര്‍ സ്ഥലം ഒലിച്ചു പോയി. അതിനിടയില്‍ വിവിധ ഭാഗങ്ങളില്‍ മഴ ശക്തി ചോരാതെ തുടരുകയാണ്.
മധ്യകേരളത്തിലും വടക്കന്‍ ജില്ലകളിലും അതിതീവ്രമായ മഴയ്ക്ക് സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം മുന്നറിയിപ്പു നല്‍കി.
രണ്ടു ദിവസത്തേക്കു കൂടി ശക്തമായ മഴ തുടരുമെന്നാണ് മുന്നറിയിപ്പ്. ഉരുള്‍പ്പൊട്ടലിലും മണ്ണിടിച്ചിലും ഒഴുക്കിലും പെട്ട് മരിച്ചവരുടെ എണ്ണം 25 ആയി. ദുരിതാശ്വാസ, രക്ഷാ പ്രവര്‍ത്തനങ്ങള്‍ക്കായി വിവിധ ജില്ലകളില്‍ സൈന്യം സജീവമായി രംഗത്തുണ്ട്. ദേശീയ ദുരന്ത പ്രതികരണ സേനയുടെ 63 അംഗ സംഘം വയനാട്ടിലും 28 പേരടങ്ങുന്ന സംഘം മലപ്പുറത്തും 72 പേരുടെ സംഘം കോഴിക്കോട്ടും 28 പേരുടെ മറ്റൊരു സംഘം പാലക്കാട്ടും 48 പേരടങ്ങുന്ന സംഘം ഇടുക്കിയിലും ദുരന്ത നിവാരണ പ്രവര്‍ത്തനങ്ങളില്‍ സജീവമാണ്.

Other News

  • മുല്ലപ്പെരിയാറില്‍ കേരളത്തിനു പുതിയ അണക്കെട്ടാനുള്ള വിവര ശേഖരണത്തിന് തമിഴ്നാടിന്റെ അനുമതി ആവശ്യമില്ലെന്ന് കേന്ദ്രം
  • പിഎസ് സി വഴി 500 കണ്ടക്ടര്‍മാരെ നിയമിക്കാന്‍ കെഎസ്ആര്‍ടിസി അഡൈ്വസ് മെമ്മോ അയച്ചു; 250 പേര്‍ക്ക് ഉടന്‍ നിയമനം: എംഡി ടോമിന്‍ ജെ തച്ചങ്കരി
  • കെഎസ്ആര്‍ടിസിയിലെ കൂട്ടപ്പിരിച്ചുവിടല്‍: 980 ഓളം സര്‍വീസുകള്‍ മുടങ്ങി; യാത്രാദുരിതം വ്യാപകം
  • ബ്യൂട്ടി പാര്‍ലറിലെ വെടിവയ്പ്പ് : ഉടമയും നടിയുമായ ലീന മരിയ പോള്‍ പോലീസ് സംരംക്ഷണം ആവശ്യപ്പെട്ട് ഹൈക്കോടതിയെ സമീപിച്ചു
  • വനിതാ മതില്‍ സംഘടിപ്പിക്കുന്നതില്‍ എന്താണ് കുഴപ്പമെന്ന് ഹൈക്കോടതി
  • തടസങ്ങള്‍ നീങ്ങി; ട്രാന്‍സ്‌ജെന്‍ഡറുകള്‍ ശബരിമല ദര്‍ശനം നടത്തി
  • ലോക്‌സഭ തെരഞ്ഞെടുപ്പില്‍ വേണ്ടിവന്നാല്‍ എന്‍.എസ്.എസ് സമദൂര സിദ്ധാന്തം ഉപേക്ഷിക്കുമെന്ന് ജി. സുകുമാരന്‍ നായര്‍
  • കോടതി പിടിമുറുക്കി: മുഴുവന്‍ എംപാലല്‍ ജീവനക്കാരെയും കെഎസ്ആര്‍ടിസി പിരിച്ചു വിട്ടു; 4071 ജീവനക്കാര്‍ പെരുവഴിയിലായി
  • ജാമ്യവ്യവസ്ഥകള്‍ ലംഘിച്ചു; രാഹുല്‍ ഈശ്വര്‍ വീണ്ടും അറസ്റ്റില്‍
  • മഞ്ജുവാര്യരെ കണ്ടല്ല വനിത മതില്‍ സംഘടിപ്പിക്കുന്നതെന്ന് എം എം മണിയും മെഴ്‌സിക്കുട്ടിയമ്മയും
  • കൊച്ചി ബ്യൂട്ടി പാര്‍ലറിലെ വെടിവെപ്പ്; ലീന മരിയ പോളിനെ നാളെ പോലീസ് ചോദ്യം ചെയ്യും; അക്രമികള്‍ ഉപയോഗിച്ചത് പക്ഷികളെ വെടിവയ്ക്കാന്‍ ഉപയോഗിക്കുന്ന എയര്‍ പിസ്റ്റല്‍
  • Write A Comment

     
    Reload Image
    Add code here