ഭക്തരില്‍ നിന്ന് സംഭാവന വാങ്ങി ആഢംബര ജീവിതം നയിച്ചു വന്ന മുന്‍ ബുദ്ധ സന്യാസിക്ക് 114 വര്‍ഷത്തെ തടവ്

Fri,Aug 10,2018


ബാങ്കോക്ക്: ഭക്തരില്‍ നിന്ന് സംഭാവന വാങ്ങി ജീവിതം 'അടിച്ചുപൊളിച്ച' മുന്‍ ബുദ്ധ സന്യാസിക്ക് ബാങ്കോക്ക് കോടതി 114 വര്‍ഷത്തെ തടവ് ശിക്ഷ വിധിച്ചു.
ഭക്തരില്‍ നിന്ന് സംഭാവന വാങ്ങി തട്ടിപ്പു നടത്തിയ കേസിലാണ് ആഢംബര ജീവിതം നയിച്ചു വന്ന സന്യാസി ശിക്ഷിക്കപ്പെട്ടത്.
തായ്ലാന്റിലെ മുന്‍ ബുദ്ധ സന്യാസിയായ വിരാപോള്‍ സുഖ്‌ഫോളിനാണ് കോടതി 114 വര്‍ഷത്തെ ശിക്ഷവിധിച്ചത്. ഭക്തരില്‍ നിന്നും വാങ്ങിയ സംഭാവനകള്‍ എല്ലാം തന്നെ തിരികെ നല്‍കാനും കോടതി ഉത്തരവിട്ടു.
പണം വെളുപ്പിക്കല്‍, തട്ടിപ്പ് ,സൈബര്‍ തുടങ്ങിയ കുറ്റകൃത്യങ്ങളാണ് സന്യാസിയുടെ മേല്‍ ചുമത്തിയിരുന്നത്. അമേരിക്കയിലേക്ക് ഒളിച്ച് കടന്ന ഇയാളെ 2017 ല്‍ യുഎസ് തായ്‌ലാന്റിന് കൈമാറിയിരുന്നു.
സ്വന്തം പേരിലുള്ള ജെറ്റ് വിമാനത്തില്‍ വിലയേറിയ സണ്‍ ഗ്ലാസും വെച്ചിരിക്കുന്ന സന്യാസിയുടെ ചിത്രങ്ങള്‍ നേരത്തെ പുറത്ത് വന്നിരുന്നു. ഇതേ തുടര്‍ന്ന് നടത്തിയ അന്വേഷണത്തിലാണ് ഇയാള്‍ക്ക് സ്വന്തമായി കോടികള്‍ വില മതിപ്പുള്ള വാഹനങ്ങള്‍ ഉണ്ടെന്നും വിവിധ ബാങ്ക് അക്കൗണ്ടുകളിലായി ഏഴ് ലക്ഷം ഡോളറിന്റെ ആസ്തി ഉള്ളതായും കണ്ടെത്തിയത്.
2014ല്‍ തായ്‌ലാന്റില്‍ സൈന്യത്തിന്റെ നേതൃത്വത്തിലുള്ള ഗവണ്‍മെന്റ് അധികാരത്തില്‍ വന്നതിനെ തുടര്‍ന്നാണ് ബുദ്ധ സന്യാസിമാര്‍ ഉള്‍പ്പെട്ട കുറ്റകൃത്യങ്ങള്‍ പുറത്ത് വരാന്‍ തുടങ്ങിയത്.
വിരാപോള്‍ ഉള്‍പ്പെട്ട ഒരു ബലാത്സംഗ കേസിന്റെ വിധി അടുത്തമാസം ഉണ്ടാകുമെന്നാണ് റിപ്പോര്‍ട്ടുകള്‍. ഈ കേസില്‍ കൂടി ഇയാള്‍ കുറ്റക്കാരനാണെന്ന് കണ്ടാല്‍ വീണ്ടും ഇരുപത് വര്‍ഷം കൂടി ശിക്ഷ അനുഭവിക്കേണ്ടി വരും.

Other News

  • വൃക്കരോഗ ഭീതിയില്‍ കേരളം
  • ക്രൈസ്റ്റ്ചര്‍ച്ച് തെളിയിക്കുന്നു: ഭീകരതയുടെ ഭാഷ ഒന്നുതന്നെ
  • ജെഎല്‍ആര്‍ ടാറ്റയുടെ കൈകളിലെത്തിച്ച മാന്ത്രികന്‍ ഇനി ഓര്‍മ്മ
  • വീണ്ടും മുട്ട വില്ലൻ വേഷമണിയുന്നു ...
  • ജീവ കാരുണ്യ പ്രവര്‍ത്തനത്തിനായി 52750 കോടി രൂപ നീക്കിവെച്ച് അസിം പ്രേംജി
  • അബുദാബി പ്രസിഡൻഷ്യൽ കൊട്ടാരം പൊതുജനങ്ങൾക്കായി തുറന്നു
  • നരാധമന്റെ വെടിയൊച്ചകൊണ്ട് ഇല്ലാതാക്കാന്‍ കഴിയുന്നതല്ല ന്യൂസിലാന്‍ഡിന്റെ സ്വസ്ഥത
  • ജനപ്രീതിയില്‍ മോഡി മുന്നിലെന്ന് ഇന്ത്യടുഡേ സര്‍വേ
  • വെണ്‍പറമ്പില്‍ വി.എല്‍.ജോര്‍ജ് നിര്യാതനായി
  • ചൊവ്വയിൽ ആദ്യം കാലുകുത്തുക​ വനിതയെന്ന്​ നാസ
  • 1868 രൂപ ബാക്കി വാങ്ങാത്ത യാത്രക്കാരിയെ കണ്ടക്ടര്‍ പത്ത് ദിവസമായി കാത്തിരിക്കുന്നു
  • Write A Comment

     
    Reload Image
    Add code here