മന്ത്രി സഭ അഴിച്ചുപണി: ജയരാജന് വ്യവസായം; തദ്ദേശ ഭരണ ജലീലില്‍നിന്ന് എ.സി മൊയ്തീനിലേക്ക്; ആഗസ്റ്റ് 14 ന് സത്യപ്രതിജ്ഞ

Fri,Aug 10,2018


തിരുവനന്തപുരം: സിപിഎം കേന്ദ്ര കമ്മിറ്റി അംഗം ഇ.പി ജയരാജന്‍ ഒരിടവേളയ്ക്കുശേഷം വ്യവസായ മന്ത്രിയായി തിരിച്ചെത്തുന്നു. വെള്ളിയാഴ്ച വൈകിട്ട് ചേരുന്ന സിപിഎം സംസ്ഥാനക്കമ്മിറ്റിയില്‍ ഇതു സംബന്ധമായ തീരുമാനമുണ്ടാകും.
ആഗസ്റ്റ് 14 ന് ജയരാജന്‍ മന്ത്രിയായി സത്യപ്രതിജ്ഞ ചെയ്യുമെന്നാണ് സൂചന. വ്യവസായ വകുപ്പിനൊപ്പം നേരത്തേ കൈകാര്യം ചെയ്തിരുന്ന കായിക വകുപ്പും ജയരാജന് തന്നെ ലഭിക്കും.
അതേസമയം, തദ്ദേശഭരണ വകുപ്പ് കെടി ജലീലില്‍ നിന്ന് മാറ്റി എ.സി മൊയ്തീന് നല്‍കാനും ധാരണയായി. ഉന്നത വിദ്യാഭ്യാസവും ന്യൂനപക്ഷ ക്ഷേമവും മാത്രമാകും ഇനി ജലീലിന്റെ വകുപ്പുകള്‍.
മന്ത്രിസഭയില്‍ അഴിച്ചുപണി നടത്താന്‍ സിപിഎം സെക്രട്ടേറിയറ്റിലാണ് ധാരണയായത്.
വൈകിട്ട് 3.30ന് ചേരുന്ന സിപിഎം സംസ്ഥാന സമിതി ഇക്കാര്യം ചര്‍ച്ച ചെയ്യും. ഇടതുമുന്നണി യോഗത്തില്‍ ചര്‍ച്ച ചെയ്തശേഷമായിരിക്കും അന്തിമ തീരുമാനം പ്രഖ്യാപിക്കുക.
കണ്ണൂര്‍ മട്ടന്നൂരില്‍ നിന്നുള്ള നിയമസഭാംഗമായ ജയരാജന് ബന്ധു നിയമന വിവാദത്തെ തുടര്‍ന്നാണ് മന്ത്രിസ്ഥാനം നഷ്ടമായത്. നൂറ്റിപ്പത്ത് ദിവസം മാത്രം മന്ത്രിയായിരുന്ന ജയരാജന്‍ 22 മാസത്തിന് ശേഷമാണ് തിരിച്ചെത്തുന്നത്. ഇരുപതംഗ മന്ത്രിസഭയില്‍ സിപിഎമ്മിന്റെ പതിനൊന്നാമത്തെ പ്രതിനിധിയായ ജയരാജനാകും ക്യാബിനറ്റില്‍ രണ്ടാമന്‍. അതിനാല്‍ ചികിത്സയ്ക്കായി മുഖ്യമന്ത്രി അമേരിക്കയില്‍ പോയാല്‍ പകരം ചുമതലയും ജയരാജനാകുമെന്നാണ് സൂചന. പിണറായി മന്ത്രിസഭയില്‍ രാജി വെച്ചതിന് ശേഷം തിരിച്ചെത്തുന്ന രണ്ടാമത്തെയാളായ ജയരാജന്‍ കണ്ണൂരില്‍ നിന്നുള്ള നാലാമത്തെ മന്ത്രിയാകും.

Other News

  • മുല്ലപ്പെരിയാറില്‍ കേരളത്തിനു പുതിയ അണക്കെട്ടാനുള്ള വിവര ശേഖരണത്തിന് തമിഴ്നാടിന്റെ അനുമതി ആവശ്യമില്ലെന്ന് കേന്ദ്രം
  • പിഎസ് സി വഴി 500 കണ്ടക്ടര്‍മാരെ നിയമിക്കാന്‍ കെഎസ്ആര്‍ടിസി അഡൈ്വസ് മെമ്മോ അയച്ചു; 250 പേര്‍ക്ക് ഉടന്‍ നിയമനം: എംഡി ടോമിന്‍ ജെ തച്ചങ്കരി
  • കെഎസ്ആര്‍ടിസിയിലെ കൂട്ടപ്പിരിച്ചുവിടല്‍: 980 ഓളം സര്‍വീസുകള്‍ മുടങ്ങി; യാത്രാദുരിതം വ്യാപകം
  • ബ്യൂട്ടി പാര്‍ലറിലെ വെടിവയ്പ്പ് : ഉടമയും നടിയുമായ ലീന മരിയ പോള്‍ പോലീസ് സംരംക്ഷണം ആവശ്യപ്പെട്ട് ഹൈക്കോടതിയെ സമീപിച്ചു
  • വനിതാ മതില്‍ സംഘടിപ്പിക്കുന്നതില്‍ എന്താണ് കുഴപ്പമെന്ന് ഹൈക്കോടതി
  • തടസങ്ങള്‍ നീങ്ങി; ട്രാന്‍സ്‌ജെന്‍ഡറുകള്‍ ശബരിമല ദര്‍ശനം നടത്തി
  • ലോക്‌സഭ തെരഞ്ഞെടുപ്പില്‍ വേണ്ടിവന്നാല്‍ എന്‍.എസ്.എസ് സമദൂര സിദ്ധാന്തം ഉപേക്ഷിക്കുമെന്ന് ജി. സുകുമാരന്‍ നായര്‍
  • കോടതി പിടിമുറുക്കി: മുഴുവന്‍ എംപാലല്‍ ജീവനക്കാരെയും കെഎസ്ആര്‍ടിസി പിരിച്ചു വിട്ടു; 4071 ജീവനക്കാര്‍ പെരുവഴിയിലായി
  • ജാമ്യവ്യവസ്ഥകള്‍ ലംഘിച്ചു; രാഹുല്‍ ഈശ്വര്‍ വീണ്ടും അറസ്റ്റില്‍
  • മഞ്ജുവാര്യരെ കണ്ടല്ല വനിത മതില്‍ സംഘടിപ്പിക്കുന്നതെന്ന് എം എം മണിയും മെഴ്‌സിക്കുട്ടിയമ്മയും
  • കൊച്ചി ബ്യൂട്ടി പാര്‍ലറിലെ വെടിവെപ്പ്; ലീന മരിയ പോളിനെ നാളെ പോലീസ് ചോദ്യം ചെയ്യും; അക്രമികള്‍ ഉപയോഗിച്ചത് പക്ഷികളെ വെടിവയ്ക്കാന്‍ ഉപയോഗിക്കുന്ന എയര്‍ പിസ്റ്റല്‍
  • Write A Comment

     
    Reload Image
    Add code here