ജലനിരപ്പ് താഴുന്നില്ല: ചരിത്രത്തില്‍ ആദ്യമായി ചെറുതോണി അണക്കെട്ടിന്റെ അഞ്ചു ഷട്ടറുകളും ഉയര്‍ത്തി; ആശങ്ക ഉയരുന്നു

Fri,Aug 10,2018


തൊടുപുഴ: മഴയുടെ ജലനിരപ്പും രൂക്ഷമായതിനെതുടര്‍ന്ന് ഇടുക്കി ചെറുതോണി അണക്കെട്ടിലെ അഞ്ചുഷട്ടറുകളും ഉയര്‍ത്തി. ചെറുതോണി അണക്കെട്ടിന്റെ ചരിത്രത്തില്‍ ആദ്യാമായാണഅ അഞ്ച് ഷട്ടറുകളും ഉയര്‍ത്തി വെള്ളം പുറത്തേക്ക് ഒഴുക്കിവിടുന്നത്.
വ്യാഴാഴ്ച മൂന്നാമത്തെ ഷട്ടര്‍ അഞ്ച് മീറ്റര്‍ ഉയര്‍ത്തിയിരുന്നു. എന്നാല്‍ മഴ ശക്തമായതിനാല്‍ അണക്കെട്ടിലെ ജലനിരപ്പ് ക്രമാധികമായി ഉയരുകയായിരുന്നു. ഇതേതുടര്‍ന്നാണ് ഇന്ന് രണ്ട് ഷട്ടറുകള്‍ കൂടി ഉയര്‍ത്തിയത്. വെള്ളിയാഴ്ച രാവിലെ ജലനിരപ്പ് 2401.60 അടിയായി ഉയര്‍ന്നതിനെ തുടര്‍ന്നാണ് നാലാമത്തെയും അഞ്ചാമത്തെയും ഷട്ടറുകള്‍ കൂടി തുറക്കാന്‍ കെ.എസ്.ഇ.ബി അധികൃതര്‍ നിര്‍ബന്ധിതരായത്.
രാവിലെ ഏഴു മണിയോടെ രണ്ടാമത്തെ ഷട്ടറും പിന്നീട് നാലാമത്തെ ഷട്ടറും ഉയര്‍ത്തുകയായിരുന്നു. ഷട്ടറുകള്‍ ഉയര്‍ത്തിയ സാഹചര്യത്തില്‍ പെരിയാറിന്റെ തീരത്ത് താമസിക്കുന്നവര്‍ക്ക് ജില്ലാഭരണകൂടങ്ങള്‍ അതീവജാഗ്രതാ നിര്‍ദ്ദേശം നല്‍കിയിട്ടുണ്ട്. അണക്കെട്ടില്‍ നിന്ന് കുലംകുത്തിവരുന്ന വെള്ളം നേരെ ചെറുതോണിപ്പുഴയിലേക്കാണ് വരുന്നത്. ചെറുതോണിപ്പുഴ കരകവിഞ്ഞതിനെ തുടര്‍ന്ന് ചെറുതോണി പാലവും ബസ് സ്റ്റാന്‍ഡും വെള്ളത്തിനടിയിലായി. നിരവധി മരങ്ങളും കടകളും പുഴയെടുത്തു. ഇവിടെനിന്ന് ആളുകളെ മാറ്റിപ്പാര്‍പ്പിച്ചി്രിക്കുകയാണ്.
ഇരുപത്തിയാറു വര്‍ഷത്തിനു ശേഷമാണ് ചെറുതോണി അണക്കെട്ടിന്റെ ഷട്ടര്‍ തുറന്നത്. മൂന്നാമത്തെ ഷട്ടര്‍ 50 സെന്റി മീറ്ററാണ് ഉയര്‍ത്തിയത്. ട്രയല്‍ റണ്ണിന്റെ ഭാഗമായാണ് നാലു മണിക്കൂര്‍ നേരത്തേക്ക് ഷട്ടര്‍ തുറക്കാന്‍ തീരുമാനിച്ചത്. എന്നാല്‍ പിന്നീട് രാത്രി മുഴുവന്‍ തുറന്നിടാന്‍ തീരുമാനിക്കുകയായിരുന്നു.

Other News

  • വടകരയില്‍ കെ മുരളീധരന്‍ യുഡിഎഫ് സ്ഥാനാര്‍ത്ഥി; പോരാട്ടം പൊടിപാറും
  • കൊല്ലത്ത് ആരെയും പരിചയമില്ല; തൃശൂരോ പത്തനംതിട്ടയിലോ കോട്ടയത്തോ മത്സരിക്കാം: അല്‍ഫോന്‍സ് കണ്ണന്താനം
  • വയനാട് ഐ ഗ്രൂപ്പില്‍ നിന്ന് എ ഗ്രൂപ്പ് പിടിച്ചു; മേല്‍ക്കൈ നഷ്ടപ്പെട്ട പ്രതിഷേധത്തോടെ ചെന്നിത്തല മടങ്ങി; വടകരയില്‍ അനിശ്ചിതത്വം തുടരുന്നു
  • തുഷാര്‍ വെള്ളാപ്പള്ളി തൃശൂര്‍ ഉറപ്പിച്ചു; ബിഡിജെഎസ് അഞ്ചു സീറ്റുകളില്‍ മത്സരിക്കും
  • നാലു സീറ്റില്‍ അന്തിമ പ്രഖ്യാപനം നടത്താനാകാതെ കോണ്‍ഗ്രസ്; ഷാനിമോള്‍ ആലപ്പുഴയിലും, അടൂര്‍ പ്രകാശ് ആറ്റിങ്ങലും സ്ഥാനാര്‍ത്ഥിയായേക്കും
  • വെസ്റ്റ് നൈല്‍ പനി ബാധിച്ച് ചികിത്സയിലായിരുന്ന ആറ് വയസ്സുകാരന്‍ മരിച്ചു
  • പാര്‍ട്ടിയില്‍ തുടരണമെന്ന് സോണിയാഗാന്ധി; കെ.വി തോമസ് നിലപാട് മയപ്പെടുത്തി; എറണാകുളത്ത് ഹൈബിക്കുവേണ്ടി പ്രചാരണത്തിറങ്ങും
  • ന്യൂസിലാന്‍ഡില്‍ വെടിവെപ്പില്‍ കൊല്ലപ്പെട്ട മലയാളി യുവതി അന്‍സിയുടെ മൃതദേഹം വേഗത്തില്‍ നാട്ടിലെത്തിക്കാന്‍ നടപടിയെന്ന് മുഖ്യമന്ത്രിയുടെ ഓഫീസ്
  • പബ്ലിക് സര്‍വീസ് കമ്മീഷന്‍ മുന്‍ ചെയര്‍മാന്‍ ഡോ. കെ.എസ്. രാധാകൃഷ്ണന്‍ ബി.ജെ.പിയില്‍ ചേര്‍ന്നു; ആലപ്പുഴയില്‍ മത്സരിക്കും
  • പൊട്ടിത്തെറിച്ച് കെ.വി.തോമസ്, അനുനയിപ്പിക്കാന്‍ ഹൈക്കമാന്‍ഡ് ഇടപെടല്‍, സോണിയയെ കാണാന്‍ നിര്‍ദേശം
  • ഉമ്മന്‍ ചാണ്ടി, കെസിവേണുഗോപാല്‍, മുല്ലപ്പള്ളി മത്സരിക്കില്ല
  • Write A Comment

     
    Reload Image
    Add code here