അഞ്ചു തവണ പരിശ്രമിച്ചിട്ടും ഇന്ത്യന്‍ സൈന്യത്തില്‍ ചേരാനുള്ള ആഗ്രഹം സഫലീകരിക്കാന്‍ കഴിയാതെ നിരാശനായ യുവാവ് ഫെയ്‌സ് ബുക്കില്‍ ലൈവ് സന്ദേശം നല്‍കി ജീവനൊടുക്കി

Thu,Jul 12,2018


ആഗ്ര- അഞ്ചു തവണ പരിശ്രമിച്ചിട്ടും ഇന്ത്യന്‍ സൈന്യത്തില്‍ ചേരാനുള്ള ആഗ്രഹം സഫലീകരിക്കാന്‍ കഴിയാതെ നിരാശനായ യുവാവ് ജീവനൊടുക്കി.
ആഗ്ര സ്വദേശിയായ മുന്ന കുമാര്‍ എന്ന 24കാരനാണ് തന്റെ അവസാന സന്ദേശവും അന്ത്യ നിമിഷങ്ങളും ഫേസ്ബുക്കില്‍ ലൈവായി കാണിച്ചു കൊണ്ട് ബുധനാഴ്ച രാവിലെ ആത്മഹത്യചെയ്തത്
ബിഎ്സ്സി ബിരുദധാരിയായ കുമാര്‍ തൂങ്ങിമരിക്കുകയായിരുന്നു. അതിന് തൊട്ടുമുമ്പാണ് ഫേസ്ബുക്ക് ലൈവില്‍ വന്ന് തന്റെ ജീവിതം അവസാനിപ്പിക്കുന്നതായി പ്രഖ്യാപിച്ചത്. 2,750ഓളം പേര്‍ ഈ ദൃശ്യങ്ങള്‍ കണ്ടെങ്കിലും യുവാവിനെ പിന്തിപ്പിക്കാന്‍ ആരും ശ്രമം നടത്തിയില്ല.
ആറു പേജ് വരുന്ന ഒരു ആത്മഹത്യ കുറിപ്പും കുമാര്‍ എഴുതി വച്ചിരുന്നതായി പോലീസ് കണ്ടെത്തി. കരസേനയില്‍ ചേരാനുള്ള പരീക്ഷകള്‍ ജയിക്കാന്‍ കഴിയാത്തതിനും രക്ഷിതാക്കളെ നിരാശപ്പെടുത്തിയതിനും സ്വയം പഴിച്ചാണ് കുമാര്‍ ഈ കുറിപ്പ് എഴുതിയിരിക്കുന്നത്. ഭഗത് സിങിനാല്‍ പ്രചോദിതനായിരുന്നു കുമാര്‍ എന്ന് സഹോദരന്‍ വികാസ് കുമാര്‍ പറയുന്നു.
മുന്ന കുമാറിന് ഒരു കുഴപ്പവും ഉണ്ടായിരുന്നില്ലെന്നും തങ്ങള്‍ ഒന്നിച്ചാണ് അത്താഴം കഴിച്ചതെന്നും ആത്മഹത്യ ചെയ്യുമെന്ന് കുടുംബത്തിലെ ആര്‍ക്കും ഒരു സൂചന പോലും ലഭിച്ചിരുന്നില്ലെന്നും സഹോദരന്‍ പറഞ്ഞു.
സൈന്യത്തില്‍ ചേരാന്‍ കഴിയാതെ നിരാശനായ മുന്ന കുമാറിന് അതില്‍ നിന്നും കരകയറാന്‍ അച്ഛന്‍ ഏതാനും മാസങ്ങള്‍ക്കു മുമ്പ് വീടിനടുത്ത് ചെറിയൊരു കട സ്ഥാപിച്ചു കൊടുക്കുകയും ചെയ്തിരുന്നു. അച്ഛന്‍ പ്രഭു പ്രസാദ് ഡ്രൈവറാണ്.

Other News

  • കാലിഫോര്‍ണിയയിലെ കാട്ടുതീ കെടുതി അമേരിക്കയെ നടുക്കുന്നു; മരണം കുറഞ്ഞത് 66 ആയി, കാണാതായവര്‍ 631 എന്ന് റിപ്പോര്‍ട്ട്
  • നൂറു കണക്കിനു കുട്ടികള്‍ക്ക് സാന്ത്വനത്തിന്റെ തണല്‍ഒരുക്കുന്ന ഷീബ അമീറിന് സ്വീകരണം നല്‍കി
  • ട്രമ്പിന്റെ 'നേട്ടം'; ഇടക്കാല തെരഞ്ഞെടുപ്പിലെ പോളിംഗ് ശതമാനം ഒരു നൂറ്റാണ്ടിനിടെയുള്ളതില്‍ ഏറ്റവും ഉയര്‍ന്നത്
  • ഫ്രാന്‍സിസ് ജോര്‍ജിന് ഡിട്രോയിറ്റില്‍ പൗരസ്വീകരണം
  • ബൈബിള്‍ കലോത്സവം; റോക്ക്‌ലാന്‍ഡ് സെന്റ് മേരീസിന് ഓവറോള്‍ കിരീടം
  • ട്രിനിറ്റി മാര്‍ത്തോമാ ഇടവക കണ്‍വെന്‍ഷന്‍ വെള്ളിയാഴ്ച ആരംഭിക്കും
  • 'അധിനിവേശക്കാര്‍' എന്ന് ട്രമ്പ് വിശേഷിപ്പിച്ച കുടിയേറ്റ കാരവനിലെ നൂറുകണക്കിനാളുകള്‍ മെക്‌സിക്കന്‍ അതിര്‍ത്തിയില്‍ എത്തി
  • വൈറ്റ്ഹൗസില്‍ 'ആഭ്യന്തര' കലഹം; ഇളക്കി പ്രതിഷ്ഠയ്ക്ക് ട്രമ്പ് തയാറെടുക്കുന്നു
  • ഫ്രാന്‍സിസ് ജോര്‍ജിന് ഹൂസ്റ്റണില്‍ സ്വീകരണം നല്‍കുന്നു
  • റോഷി അഗസ്റ്റിന്‍ എം.എല്‍.എ യ്ക്ക് ഹൂസ്റ്റണില്‍ സ്വീകരണം നല്‍കി
  • ഇത് കൂട്ടായ്മയുടെ വിജയമെന്ന് കെ.പി.ജോര്‍ജ്
  • Write A Comment

     
    Reload Image
    Add code here