ബംഗ്ലാദേശ് സര്‍ക്കാരിനെതിരെ വാര്‍ത്താ സമ്മേളനം നടത്താനെത്തിയ ബ്രിട്ടീഷ് എംപിയെ ഇന്ത്യ തിരിച്ചയച്ചു

Thu,Jul 12,2018


ന്യൂഡല്‍ഹി- ബംഗ്ലാദേശ് സര്‍ക്കാരിനെതിരെ വാര്‍ത്താ സമ്മേളനം നടത്താനെത്തിയ ബ്രിട്ടീഷ് എംപിയെ ഇന്ത്യ തിരിച്ചയച്ചു.
ഡല്‍ഹിയില്‍ വിമാനമിറങ്ങിയ പ്രമുഖ ബ്രിട്ടീഷ് അഭിഭാഷകനും പാര്‍ലമെന്റ് അംഗവുമായ ലോര്‍ഡ് അലക്സാണ്ടര്‍ കാര്‍ലൈലിനെയാണ് അനുയോജ്യമായ വിസയില്ലെന്ന് ചൂണ്ടിക്കാട്ടി തിരിച്ചയച്ചത്.
ജയിലലടക്കപ്പെട്ട മുന്‍ ബംഗ്ലാദേശ് പ്രധാനമന്ത്രി ഖാലിദ സിയയ്ക്ക് നിയമ സഹായം നല്‍കുന്നത് കാര്‍ലൈല്‍ ആണ്. ഖാലിദ സിയക്കെതിരെ ബംഗ്ലാദേശില്‍ നടക്കുന്ന അടിസ്ഥാന രഹിതമെന്ന് പറയപ്പെടുന്ന പ്രചാരണങ്ങള്‍ സംബന്ധിച്ച് ന്യൂഡല്‍ഹിയില്‍ വാര്‍ത്താ സമ്മേളനം നടത്താനായി എത്തിയതായിരുന്നു കാര്‍ലൈല്‍. എന്നാല്‍ ഇതു മുന്‍കൂട്ടി കണ്ടാണ് വിദേശകാര്യ മന്ത്രാലയം കാര്‍ലൈലിനെ വിമാനത്താവളത്തില്‍ നന്ന് തിരിച്ചയത്തത്.
വിസ അപേക്ഷയില്‍ കാര്‍ലൈല്‍ കാണിച്ച ഉദ്ദേശ്യമായിരുന്നില്ല അദ്ദേഹത്തിന്റെ വരവിനെന്ന് വിദേശകാര്യ മന്ത്രാലയം വക്താവ് രവീഷ് കുമാര്‍ പറഞ്ഞു. അനുയോജ്യമായ വിസയുമായല്ല അദ്ദേഹം ബുധനാഴ്ച ഡല്‍ഹിയില്‍ വന്നിറങ്ങിയതെന്നും രവീഷ് കുമാര്‍ പറഞ്ഞു. നേരത്തെ ബംഗ്ലാദേശ് അനുമതി നിഷേധിച്ചതിനെ തുടര്‍ന്നാണ് കാര്‍ലൈല്‍ ഇന്ത്യയിലെത്തിയത്.
ധാക്കയിലേക്ക് വിസ ലഭിക്കാത്തതിനാലാണ് ഇന്ത്യയിലേക്ക് പോകാന്‍ തീരുമാനിച്ചതെന്നും ഖാലിദ സിയയുടെ കേസിന്റെ സങ്കീര്‍ണതകളെ കുറിച്ച് അന്താരഷ്ട്ര മാധ്യമങ്ങള്‍ക്കു വിശദീകരിച്ചു നല്‍കുകയുമാണ് ഉദ്ദേശ്യമെന്നും നേരത്തെ കാര്‍ലൈല്‍ ബംഗ്ലാദേശ് പത്രമായ ധാക്ക ടൈംസിനോട് പറഞ്ഞിരുന്നു.
ബംഗ്ലാദേശില്‍ അഴിമതിക്കേസില്‍ ഫെബ്രുവരിയില്‍ കോടതി ശിക്ഷിച്ച മുന്‍ പ്രധാനമന്ത്രി ഖാലിദ സിയയ്ക്കു വേണ്ടി അവരുടെ പാര്‍ട്ടിയായ ബംഗ്ലാദേശ് നാഷണലിസ്റ്റ് പാര്‍ട്ടി ഏര്‍പ്പെടുത്തിയ അഭിഭാഷകനാണ് കാര്‍ലൈല്‍. സിയക്കെതിരെ 36ഓളം ക്രിമില്‍ കേസുകളാണ് നടന്നു വരുന്നത്.
പ്രധാനമന്ത്രി ഷൈയ്ഖ് ഹസീനയുടെ നേതൃത്വത്തിലുള്ള സര്‍ക്കാരുമായി നല്ല ബന്ധം കണക്കിലെടുത്താണ് ഹസീനയുടെ ബദ്ധവൈരിയായ ഖാലിദ സിയ്ക്ക് അനുകൂലമായ നീക്കങ്ങള്‍ക്ക് ഇന്ത്യ തടയിട്ടതെന്ന് വിലയിരുത്തപ്പെടുന്നു.

Other News

  • രാജസ്ഥാന്‍ ജയിലില്‍ പാക്കിസ്ഥാന്‍ തടവുകാരനെ അടിച്ചു കൊന്നു
  • തമിഴ്‌നാട്ടില്‍ കോണ്‍ഗ്രസും , ഡി.എം.കെ യും സീറ്റ് ധാരണയിലെത്തി; കോണ്‍ഗ്രസ് ഒമ്പത് സീറ്റില്‍ മത്സരിക്കും
  • അയോദ്ധ്യ കേസില്‍ സുപ്രീംകോടതി ഭരണഘടനാ ബെഞ്ച് ചൊവ്വാഴ്ച വാദം കേള്‍ക്കും
  • പുല്‍വാമ സംഭവത്തില്‍ ഇന്ത്യ തുടങ്ങിയ സൈനിക നടപടി നിറുത്തിവെച്ചില്ലെങ്കില്‍ തിരിച്ചടിക്കുമെന്ന് പാക്കിസ്ഥാന്റെ മുന്നറിയിപ്പ്
  • പുല്‍വാമ ഭീകരാക്രമണം; മസൂദ് അസറിനെ ആഗോള ഭീകരനായി പ്രഖ്യാപിക്കാനുള്ള പ്രമേയം യു.എന്‍ രക്ഷാസമിതിയില്‍ ഫ്രാന്‍സ് അവതരിപ്പിക്കും
  • ബംഗളൂരുവില്‍ വ്യോമസേനയുടെ വിമാനങ്ങള്‍ കൂട്ടിയിടിച്ച് ഒരു പൈലറ്റ് കൊല്ലപ്പെട്ടു; അപകടം പരിശീലനത്തിനിടയില്‍
  • ഇന്ത്യയിലെ നയതന്ത്ര പ്രതിനിധിയെ പാക്കിസ്ഥാന്‍ തിരികെ വിളിച്ചു; ഹൈക്കമ്മീഷണര്‍ സുഹൈല്‍ മുഹമ്മദ് ഇന്ത്യവിട്ടു
  • പുല്‍വാമ ഭീകരാക്രമണം; വീരമൃത്യു വരിച്ച സൈനികരുടെ മക്കള്‍ക്ക് വിദ്യാഭ്യാസവും ജോലിയും നല്‍കാന്‍ തയാറെന്ന് റിലയന്‍സ് ഫൗണ്ടേഷന്‍
  • കശ്മീരില്‍ ഭീകരരുമായി ഏറ്റുമുട്ടല്‍; നാലു സൈനികര്‍ക്ക് കൂടി വീരമൃത്യു; ഒരു ഗ്രാമീണനും കൊല്ലപ്പെട്ടു
  • പുല്‍വാമ ആക്രണം: കൊലയാളികള്‍ക്ക് തിരിച്ചടി നല്‍കി ഇന്ത്യന്‍ സേന; രണ്ട് ഭീകരരെ വധിച്ചു
  • പാക്കിസ്ഥാനിലെ പട്ടാള ഹോസ്പിറ്റലില്‍ നിന്ന് പുല്‍വാമ ഭീകരാക്രമണത്തിനു നിര്‍ദേശം നല്‍കിയത് മസൂദ് അസര്‍
  • Write A Comment

     
    Reload Image
    Add code here