ട്രമ്പിന്റെ സുപ്രീംകോടതി നോമിനി പിന്തുണ തേടി സെനറ്റര്‍മാരെ സന്ദര്‍ശിക്കുന്നു; നിയമനം തടയാന്‍ പരമാവധി ശ്രമിക്കുമെന്ന് ഡെമോക്രാറ്റുകള്‍

Tue,Jul 10,2018


വാഷിംഗ്ടണ്‍ ഡി സി: അമേരിക്കന്‍ സുപ്രീംകോടതി ജഡ്ജിയായി പ്രസിഡന്റ് ഡോണള്‍ഡ് ട്രമ്പ് നോമിനേറ്റ് ചെയ്ത് ബ്രെറ്റ് കവനോവ് പിന്തുണ തേടി കാപ്പിറ്റോള്‍ ഹില്ലില്‍ റിപ്പബ്ലിക്കന്‍ സെനറ്റര്‍മാരെ സന്ദര്‍ശിച്ചു. സെനറ്റിന്റെ അംഗീകാരം നേടിയെടുക്കുക എന്ന വലിയ കടമ്പ കവനോവിനു മുന്നിലുണ്ട്. നിലവില്‍ 51 - 49 എന്ന നിലയിലാണ് സെനറ്റിലെ റിപ്പബ്ലിക്കന്‍, ഡെമോക്രാറ്റ് കക്ഷി നില. റിപ്പബ്ലിക്കന്‍ പക്ഷത്തു നിന്ന് വോട്ടു ചോര്‍ച്ച് ഉണ്ടാകാതെ വന്നാല്‍ ട്രമ്പിന്റെ നോമിനിക്ക് പ്രശ്‌നമൊന്നുമുണ്ടാകില്ല.
എന്നാല്‍, മുതിര്‍ന്ന ഡെമോക്രാറ്റ് നേതാവ് ചുക് ഷുമര്‍ പറഞ്ഞത് ട്രമ്പിന്റെ നോമിനിയുടെ അംഗീകാരം തടയാന്‍ പരമാവധി ശ്രമിക്കുന്നമെന്നാണ്. നിയമ നിര്‍മാതാക്കളെ സ്വാധീനിക്കുവാന്‍ മില്യണ്‍ കണക്കിനു ഡോളറിന്റെ പരസ്യം പ്രസിദ്ധപ്പെടുത്തുമെന്ന് ഇരുപക്ഷവും സൂചന നല്‍കി കഴിഞ്ഞു. യാഥാസ്ഥിതികര്‍ക്ക് ഇപ്പോള്‍ തന്നെ ഭൂരിപക്ഷമുള്ള സുപ്രീംകോടതിയില്‍ കടുത്ത യാഥാസ്ഥിതികനായി അറിയപ്പെടുന്ന കവനോവ് കൂടി എത്തുന്നതോടെ ട്രമ്പിന്റെ മുന്നോട്ടുള്ള നിയമ നിര്‍മാണ നടപടികള്‍ കൂടുതല്‍ സുഗമമാകുമെന്നാണ് വിലയിരുത്തല്‍. മുതിര്‍ന്ന റിപ്പബ്ലിക്കന്‍ നോതാവ് മിച് മക് കോണല്‍, ജുഡീഷ്യറി കമ്മിറ്റി ചെയര്‍മാന്‍ ചുക് ഗ്രാസ്ലി എന്നിവരെയാണ് കവനോവ് ആദ്യം സന്ദര്‍ശിച്ചത്. നവംബര്‍ ആറിന് ഇക്കാല തെരഞ്ഞെടുപ്പ് നടക്കും മുമ്പ് കവനോവിന്റെ നിയമനത്തിന് സെനറ്റിന്റെ അംഗീകാരം നേടിയെടുക്കാനാണ് റിപ്പബ്ലിക്കന്‍ പാര്‍ട്ടി ശ്രമിക്കുന്നത്.
റിപ്പബ്ലിക്കന്‍ പാര്‍ട്ടിയിലെ മിതവാദി സെനറ്റര്‍മാരായി അറിയപ്പെടുന്ന ലിസ മുര്‍കോവിസ്‌കി (അലാസ്‌ക), സൂസന്‍ കോളിന്‍സ് (മെയിന്‍) എന്നിവരെ സ്വാധീനിക്കുവാന്‍ ഡെമോക്രാറ്റ് പാര്‍ട്ടി ലക്ഷ്യമിടുന്നുണ്ട്. ഇരുവരും കവനോവിന്റെ കാര്യത്തില്‍ ഒരുറപ്പും പാര്‍ട്ടിക്ക് നല്‍കിയിട്ടില്ല. മറുവശത്ത് 2016 ലെ തെരഞ്ഞെടുപ്പില്‍ ട്രമ്പ് വന്‍ ഭൂരിപക്ഷം നേടിയ മൂന്നു യാഥാസ്ഥിതിക സംസ്ഥാനങ്ങളില്‍ നിന്നുള്ള മൂന്നു ഡെമോക്രാറ്റ് സെനറ്റര്‍മാരെ സ്വാധീനിക്കുവാന്‍ റിപ്പബ്ലിക്കന്‍ പക്ഷവും ശ്രമിക്കുന്നു. ഹെയ്ഡി ഹെയിറ്റ്കാമ്പ് (നോര്‍ത്ത് ഡക്കോട്ട), ജോ മന്‍ചിന്‍ (വിര്‍ജീനിയ), ജോ ഡോണ്‍ലി (ഇന്ത്യന) എന്നീ സെനറ്റര്‍മാര്‍ വീണ്ടും തെരഞ്ഞെടുപ്പിനെ നേരിടാന്‍ പോവുകയാണ്. കഴിഞ്ഞ വര്‍ഷം ട്രമ്പ് സുപ്രീംകോടതിയിലേക്കു നോമിനേറ്റ് ചെയ്ത നീല്‍ ഗോര്‍ഷിനെ ഈ മുന്നു സെനറ്റര്‍മാരും തുണച്ചിരുന്നു.

Other News

  • സീറോ മലബാര്‍ ദേശീയ കണ്‍വന്‍ഷന്‍; രജിസ്‌ട്രേഷന്‍ കിക്കോഫ് ഹൂസ്റ്റണില്‍ നടത്തി
  • ന്യൂജേഴ്‌സി ക്രൈസ്റ്റ് കിംഗ് ക്‌നാനായ കത്തോലിക്കാ ദേവാലയം കൂദാശ ചെയ്തു
  • 'ഫ്‌ളോറന്‍സ്' ഉയര്‍ത്തിയ പ്രളയക്കെടുതി മാറാതെ നോര്‍ത്ത് കരോലിന; മരണം 32 ആയി, നദികള്‍ കരകവിഞ്ഞൊഴുകുന്നു
  • ഷിക്കാഗോ കത്തീഡ്രലില്‍ സീറോ മലബാര്‍ കണ്‍വന്‍ഷന്‍ രജിസ്‌ട്രേഷന്‍ കിക്കോഫ് 23 ന്
  • ഡാളസില്‍ മര്‍ത്ത മറിയം വനിതാ സമാജം വാര്‍ഷിക സമ്മേളനം
  • റോക്ക്‌ലാന്‍ഡ് സെന്റ് മേരീസ് ക്‌നാനായ ഇടവക വാര്‍ഷികവും തിരുനാളും
  • പ്രവീണ്‍ വര്‍ഗീസ് വധക്കേസ്; പ്രതി ഗേജ് ബഥൂണിനെ കോടതി കുറ്റവിമുക്തനാക്കി, അപ്പീല്‍ നല്‍കുമെന്ന് പ്രോസിക്യൂഷന്‍
  • ട്രമ്പിന്റെ സുപ്രീംകോടതി നോമിനിക്കെതിരെ ലൈംഗികാരോപണം
  • സ്കൂള്‍ പാഠപുസ്തകത്തില്‍ നിന്നും ഹെലന്‍ കെല്ലറുടേയും ഹിലരി ക്ലിന്റന്റെയും ചരിത്രം നീക്കംചെയ്യാൻ ടെക്‌സസ് ബോര്‍ഡ് ഓഫ് എഡ്യൂക്കേഷന്‍
  • ട്രമ്പിന്‌ എട്ടുവയസുകാരന്റെ പക്വതയും കൗമാരക്കാരിയുടെ അരക്ഷിതത്വവും- ജോണ്‍ കെറി
  • 'ഫ്‌ളോറന്‍സ്' പ്രളയക്കെടുതിയില്‍ മരണം ഇരുപത്തഞ്ചായി; തീര നഗരമായ വില്‍മിങ്ടണ്‍ ഒറ്റപ്പെട്ടു
  • Write A Comment

     
    Reload Image
    Add code here