ഷിക്കാഗോ ഡൗണ്‍ ടൗണ്‍ ടു ഒ ഹയര്‍ വിമാനത്താവളം; മസ്‌കിന്റെ ഭൂഗര്‍ഭ ട്രെയിന്‍ സര്‍വീസ് വരുന്നു

Thu,Jun 14,2018


ഷിക്കാഗോ: ഒ ഹയര്‍ വിമാനത്താവളത്തിലേക്ക് ഷിക്കാഗോ ഡൗണ്‍ ടൗണില്‍ നിന്നുള്ള ഭൂഗര്‍ഭ എക്‌സ്പ്രസ് ട്രെയിന്‍ സര്‍വീസ് വരുന്നു. ടെസ്ല സി.ഇ.ഒ ഇലന്‍ മസ്‌കിന്റെ നിയന്ത്രണത്തിലുള്ള ബോറിംഗ് കമ്പനിക്കാണ് നിര്‍മാണ ചുമതല നല്‍കിയിരിക്കുന്നതെന്ന് മേയര്‍ റാം ഇമ്മാനുവല്‍ പറഞ്ഞു. ഈ പദ്ധതിക്കു വേണ്ട സാമ്പത്തിക സഹായം ലഭ്യമാക്കി നിര്‍മാണം പൂര്‍ത്തിയാക്കാനാണ് മസ്‌കിന്റെ കമ്പനി ഓഫര്‍ നല്‍കിയിരിക്കുന്നത്. നികുതിദായകരുടെ ചില്ലിക്കാശു ചെലവാക്കാതെയാണ് പദ്ധതി യാഥാര്‍ഥ്യമാക്കുന്നതെന്ന് മേയര്‍ പറഞ്ഞു.
രാജ്യത്തെ തിക്കേറിയ മൂന്നാമത്തെ വിമാനത്താവളമായ ഒ ഹയറില്‍ നടപ്പാക്കുന്ന 8.5 ബില്യണ്‍ ഡോളറിന്റെ നവീകരണ പ്രവര്‍ത്തനങ്ങളുടെ ഭാഗമായിട്ടാണ് ഡൗണ്‍ടൗണിലേക്കുള്ള ട്രെയിന്‍ സര്‍വീസ് വിഭാവനം ചെയ്യുന്നത്. പുതിയതായി നിരവധി ഗേറ്റുകള്‍ സ്ഥാപിക്കാനും, അന്താരാഷ്ട്ര ടെര്‍മിനല്‍ പുതുക്കിപ്പണിയാനും, മൂന്നു ടെര്‍മിനലുകള്‍ നവീകരിക്കാനും ലക്ഷ്യമിടുന്ന പ്രവര്‍ത്തനങ്ങള്‍ എട്ടു വര്‍ഷം കൊണ്ട് പൂര്‍ത്തിയാകുമെന്നാണ് പ്രതീക്ഷിക്കപ്പെടുന്നത്.
ബോറിംഗ് കമ്പനി ഉള്‍പ്പെടെ രണ്ടു കമ്പനികളാണ് എക്‌സ്പ്രസ് ട്രെയിനിന്റെ പദ്ധതിക്കു വേണ്ടി അവസാന ലിസ്റ്റില്‍ ഉണ്ടായിരുന്നത്. പ്രധാന നഗരങ്ങളിലെ യാത്ര കൂടുതല്‍ സുഗമമാക്കുക എന്ന ലക്ഷ്യത്തോടെ ഭൂഗര്‍ഭ പാതകള്‍ നിര്‍മിക്കാന്‍ ലക്ഷ്യമിടുന്ന കമ്പനിക്ക് 2016 ലാണ് മസ്‌ക് തുടക്കമിട്ടത്. പരമ്പരാഗത ട്രെയിന്‍ പാത നിര്‍മാണവുമായി താരതമ്യം ചെയ്യുമ്പോള്‍ ചെലവ് പത്തിലൊന്നായി കുറയുമെന്നു മാത്രമല്ല, യാത്രയുടെ വേഗം വര്‍ധിപ്പാക്കാനും കഴിയും. കമ്പനിയുടെ ട്രാന്‍സ്‌പോര്‍ട്ടേഷന്‍ ടെക്‌നോളജി ഉപയോഗിച്ച് ഇതുവരെ ഒരു പദ്ധതിയും നടപ്പാക്കിയിട്ടില്ല. മസകിന്റെ എക്‌സ്പ്രസ് ട്രെയിന്‍ യാഥാര്‍ഥ്യമാകുമ്പോള്‍ ഒ ഹയര്‍ - ഡൗണ്‍ ടൗണ്‍ യാത്രാ സമയം ഇപ്പോഴുള്ളതിന്റെ പകുതിയായി ചുരുങ്ങും. മണിക്കൂറില്‍ 100 മൈല്‍ വേഗതയുള്ള ഓട്ടോമേറ്റഡ് വാഹനത്തില്‍ 12 മിനിറ്റു കൊണ്ട് ഈ ദൂരം പിന്നിടാനാകുമെന്നാണ് മസ്‌ക് അവകാശപ്പെടുന്നത്.
പ്രതിദിനം ഒ ഹയര്‍ - ഡൗണ്‍ ടൗണ്‍ റൂട്ടില്‍ ഇരുപതിനായിരത്തോളം പേര്‍ യാത്ര ചെയ്യുന്നുണ്ട്. 2045 ല്‍ ഇത് 35,000 ആയി ഉയരുമെന്നാണ് കണക്കൂകൂട്ടല്‍.

Other News

  • ഷട്ട്ഡൗണ്‍ ; ട്രമ്പിന്റെ ഒത്തുതീര്‍പ്പു വ്യവസ്ഥയില്‍ സെനറ്റ് ഈ ആഴ്ച വോട്ടു ചെയ്യും
  • ഇന്ത്യന്‍ അമേരിക്കന്‍ വംശജയായ സെനറ്റര്‍ കമല ഹാരിസ് വൈറ്റ്ഹൗസിലേക്കു മത്സരിക്കുകയാണെന്ന് പ്രഖ്യാപിച്ചു
  • മാഗിന് നവ സാരഥികള്‍
  • കേരള സ്‌പോര്‍ട്‌സ് ആന്‍ഡ് ആര്‍ട്‌സ് ക്ലബ്ബിന് നവസാരഥികള്‍
  • ഗുഡ്‌സമരിറ്റന്‍ പുരസ്‌കാരം ഹൂസ്റ്റണ്‍ റാന്നി അസോസിയേഷന്
  • ​സ്വന്തം കുടുംബത്തിലെ നാല്​ പേരെ മൃഗീയമായി കൊലപ്പെടുത്തിയ യുവാവിനെ അമേരിക്കൻ പൊലീസ്​ വെടിവെച്ച്​ കൊന്നു
  • ഷട്ട്ഡൗണ്‍; ഒത്തുതീര്‍പ്പ് വ്യവസ്ഥ നിരാകരിച്ച ഡെമോക്രാറ്റ് നിലപാടിനെ നിശിതമായി വിമര്‍ശിച്ച് ട്രമ്പ്
  • യുഎസിലെ ഭരണ സ്തംഭനം അവസാനിപ്പിക്കാന്‍ പുതിയ ഒത്തുതീര്‍പ്പ് നിര്‍ദ്ദേശവുമായി പ്രസിഡന്റ് ഡോണള്‍ഡ് ട്രമ്പ്; മതില്‍ നിര്‍മാണ ഫണ്ട് ഡ്രീമര്‍മാരില്‍ നിന്ന് ഈടാക്കണം
  • അമേരിക്കയില്‍ ജോലി ചെയ്യാന്‍ അനുമതി ലഭിച്ച എച്ച് 1 ബി വിസക്കാരുടെ ജീവിതപങ്കാളിക്ക് അത് എത്രകാലം തുടരാനാകും എന്ന ആശങ്ക വര്‍ധിക്കുന്നു; വിഷയം കോടതിയുടെ പരിഗണനയില്‍
  • ശീതക്കാറ്റില്‍ അമേരിക്കയുടെ പല ഭാഗങ്ങളും തണുത്തു വിറയ്ക്കുന്നു; അയ്യായിരത്തോളം വിമാന സര്‍വീസുകള്‍ റദ്ദാക്കി
  • മോസ്‌കോയിലെ ട്രമ്പ് ടവര്‍: ബുസ്ഫീഡ് ന്യൂസ് റിപ്പോര്‍ട്ട് തള്ളി മ്യൂള്ളര്‍, ട്രമ്പിന് ആശ്വാസം
  • Write A Comment

     
    Reload Image
    Add code here