മഴ കടുത്തു; മലബാര്‍ മേഖലയില്‍ വെളളപ്പൊക്കവും ഉരുള്‍ പൊട്ടലും. മൂന്നു കുട്ടികള്‍ ഉള്‍പ്പെടെ ആറു പേര്‍ മരിച്ചു. 12 പേരെ കാണാതായി

Thu,Jun 14,2018


കോഴിക്കോട്: ശക്തമായ മഴയെത്തുടര്‍ന്ന് മലബാര്‍ മേഖലയില്‍ വെളളപ്പൊക്കവും ഉരുള്‍ പൊട്ടലും. ഉരുള്‍ പൊട്ടലില്‍ മൂന്നു കുട്ടികള്‍ ഉള്‍പ്പെടെ ആറു പേര്‍ മരിച്ചു.കോഴിക്കോട് താമരശേരിയിലുണ്ടായ ഉരുള്‍ പൊട്ടലില്‍ ഒരു കുടുംബത്തിലെ രണ്ടുകുട്ടികളടക്കം മൂന്നു പേര്‍ മരിച്ചു. ദില്‍ന ഷെറിന്‍ (ഏഴ്), സഹോദരന്‍ മുഹമ്മദ് ഷഹബാസ് (മൂന്നര), അയല്‍വാസി ജാഫറിന്റെ ഏഴു വയസ്സുള്ള മകന്‍ എന്നിവരാണു മരിച്ചത്.നാല് മൃതദേഹങ്ങള്‍ കണ്ടെത്തി.
വ്യാഴാഴ്ച പുലര്‍ച്ചെ നാലുമണിയോടെയാണ് ഉരുള്‍ പൊട്ടലുണ്ടായത്. ഏറെ നേരം മണ്ണിനടിയില്‍ കിടന്ന കുടുംബത്തെ ആശുപത്രിയില്‍ എത്തിച്ചു. അവിടെ വെച്ചാണ് ദില്‍ന മരിച്ചത്. തൃശൂര്‍ കൊടുങ്ങല്ലൂര്‍ മേത്തലയില്‍ മരത്തിന്റെ കൊമ്പ് ഒടിഞ്ഞുവീണ് വയലമ്പം താണിയത്ത് സുരേഷ് (55) മരിച്ചു.
പറമ്പില്‍ നില്‍ക്കുമ്പോള്‍ സമീപത്തെ വീട്ടിലെ മരക്കൊമ്പ് തലയില്‍ വീഴുകയായിരുന്നു. ഉരുള്‍പൊട്ടലില്‍ അഞ്ചു വീടുകള്‍ ഈ പ്രദേശത്ത് ഒഴുകിപ്പോയി. ഈ വീടുകളിലെ പതിനാറോളം പേരെ കാണാതായതായി സംശയമുണ്ട്. കനത്ത മഴ തുടരുന്നതിനാല്‍ വയനാട് ചുരം വഴിയുള്ള വാഹന ഗതാഗതം പരമാവധി ഒഴിവാക്കണമെന്നു നിര്‍ദേശമുണ്ട്.
വയനാട് ജില്ലയിലും കനത്ത മഴ തുടരുകയാണ്. മണ്ണിടിഞ്ഞും മരങ്ങള്‍ കടപുഴകിയും വയനാട് ചുരത്തില്‍ ഗതാഗതം സ്തംഭിച്ചു. ചുരത്തിലേക്കുള്ള വാഹനങ്ങള്‍ താമരശേരിയിലും ലക്കിടിയിലും വഴിതിരിച്ചുവിടുന്നു. ജലനിരപ്പ് ഉയര്‍ന്നതിനെത്തുടര്‍ന്ന് കാരാപ്പുഴ ഡാം തുറന്നുവിട്ടു. ജില്ലയിലെ ക്വാറികളുടെ പ്രവര്‍ത്തനം താല്‍ക്കാലികമായി നിര്‍ത്തിവയ്ക്കാന്‍ കലക്ടര്‍ നിര്‍ദേശം നല്‍കി.
മുട്ടില്‍ നെന്മേനിയില്‍ വെളളം കയറി ഒറ്റപ്പെട്ട 42 കുടുംബങ്ങള്‍ക്കായി കോളവയല്‍ സെന്റ് ജോര്‍ജ് യുപിസ്‌കൂളില്‍ ദുരിതാശ്വാസക്യാംപ് തുറന്നു. തരിയോട് ഗവ.എല്‍പിഎസിലും ദുരിതാശ്വാസ ക്യാംപ് പ്രവര്‍ത്തിക്കുന്നു.
കട്ടിപ്പാറ മേഖലയില്‍ അഞ്ചു വീടുകള്‍ തകര്‍ന്നു. ഇവിടെ ഒരു കുടുംബത്തിലെ 12 പേരെ കാണാതായി.

Other News

  • മനുഷ്യക്കടത്ത് കേസ് : മുനമ്പത്ത് നിന്ന് സ്വിറ്റ്‌സര്‍ലാന്‍ഡിലേക്ക് പുറപ്പെട്ട ബോട്ടില്‍ മലയാളികളില്ലെന്ന് പൊലീസ്
  • ലോക്‌സഭാ തെരഞ്ഞെടുപ്പില്‍ യുഡിഎഫിനു സര്‍വനാശം സംഭവിക്കുമെന്ന് വെള്ളാപ്പള്ളി
  • ' ഞാന്‍ എഴുതുന്നത് എന്റെ പച്ചയായ ജീവിതം' : എച്ചുമുക്കുട്ടി; സാമൂഹിക മാധ്യമ വിചാരണകളോട് എഴുത്തുകാരി പ്രതികരിക്കുന്നു
  • കേരളത്തില്‍ കഴിഞ്ഞ വര്‍ഷം കാണാതായത് 12453 പേരെ; ഇവരില്‍ 11761 പേരെ കണ്ടെത്തി
  • കണ്ണൂർ വിമാനത്താവളത്തിൽനിന്ന് കൂടുതൽ അന്താരാഷ്ട്ര, ആഭ്യന്തര സർവീസ് ആരംഭിക്കും;എയർഇന്ത്യയുടെ അമിതനിരക്ക് കുറയ്ക്കണമെന്ന് മുഖ്യമന്ത്രി: വിമാനക്കമ്പനി സി.ഇ.ഒ മാരുമായി മുഖ്യമന്ത്രി ചർച്ച നടത്തി
  • അധോലോക നായകന്‍ രവി പൂജാര വീണ്ടും ഭീഷണിപ്പെടുത്തുന്നുവെന്ന് നടി ലീന മരിയ പോള്‍
  • മനുഷ്യക്കടത്തിന് മുനമ്പത്ത് എത്തിയ സംഘത്തിന് മലയാളികളുടെ സഹായവും ലഭിച്ചുവെന്ന് അന്വേഷണ ഉദ്യോഗസ്ഥര്‍
  • ശബരിമല സ്ത്രീപ്രവേശനം: ആവശ്യങ്ങളില്‍ ഒന്നുപോലും നേടാതെ സെക്രട്ടറിയറ്റു നടയിലെ നിരാഹാര സമരം ബിജെപി അവസാനിപ്പിച്ചു
  • ശബരിമലയില്‍ 51 യുവതികള്‍ പ്രവേശിച്ചതായി സംസ്ഥാന സര്‍ക്കാര്‍ സുപ്രീംകോടതിയില്‍
  • ശബരിമല: നിരാഹാരം കിടക്കാന്‍ മുതിര്‍ന്ന നേതാക്കളില്ല; സെക്രട്ടറിയറ്റിനു മുന്നിലെ ബിജെപി സമരം ലക്ഷ്യം കാണാതെ അവസാനിപ്പിക്കുന്നു
  • കനക ദുര്‍ഗയ്ക്കും ബിന്ദുവിനും പൂര്‍ണ സമയ സംരംക്ഷണം നല്‍കണമെന്ന് സര്‍ക്കാരിനോട് സുപ്രിംകോടതി
  • Write A Comment

     
    Reload Image
    Add code here