2020 ഓടെ പ്രധാന ആണവ നിരായുധീകരണങ്ങള്‍ ഉത്തര കൊറിയ നടപ്പാക്കുമെന്ന് കരുതുന്നുവെന്ന് അമേരിക്ക

Wed,Jun 13,2018


സീയൂള്‍: സംഗപ്പൂര്‍ ഉച്ചകോടിക്കു ശേഷം പുറപ്പെടുവിച്ച സംയുക്ത പ്രഖ്യാപനത്തില്‍ ആണവ നിരായുധീകരണം എന്നു നടപ്പാക്കുമെന്നതിനെപ്പറ്റി ഉത്തര കൊറിയ ഒന്നും പരാമര്‍ശിക്കുന്നില്ലെങ്കിലും 2020 ഓടെ പ്രധാന ആണവ നിരായുധീകരണ നടപടികള്‍ അവര്‍ പൂര്‍ത്തിയാക്കുമെന്നാണ് കരുതുന്നതെന്ന് അമേരിക്കന്‍ വിദേശകാര്യ സെക്രട്ടരി മൈക്ക് പോമ്പിയോ പ്രസ്താവിച്ചു. ഉച്ചകോടിക്കു ശേഷമുള്ള കാര്യങ്ങള്‍ ചര്‍ച്ച ചെയ്യാന്‍ ദക്ഷിണ കൊറിയയില്‍ എത്തിയതായിരുന്നു പോമ്പിയോ.
കൊറിയന്‍ ഉപദ്വീപില്‍ സമ്പൂര്‍ണ ആണവനിരായുധീകരണത്തിനായി പ്രവര്‍ത്തിക്കുമെന്ന് പറയന്നുണ്ടെങ്കിലും , ഉത്തര കൊറിയ അത് എങ്ങിനെ, എപ്പോള്‍ നടപ്പാക്കുമെന്ന് വ്യക്തത വരാത്തത് വിമര്‍ശന വിധേയമായിരുന്നു. ഉത്തര കൊറിയന്‍ വിഷയത്തില്‍ ഇനിയും ഏറെ കാര്യങ്ങള്‍ ചെയ്തു തീര്‍ക്കാനുണ്ടെന്ന് പോമ്പിയോ പറഞ്ഞു. ആണവ പ്രോഗ്രമുകള്‍ നശിപ്പിക്കുമ്പോള്‍ അത് പരിശോധിക്കേണ്ടതുണ്ട് എന്നതു സംബന്ധിച്ച് ഉത്തര കൊറിയയ്ക്ക് ബോധ്യം വന്നിട്ടുണ്ടെന്ന് കരുതുന്നതായി പോമ്പിയോ പറഞ്ഞു. ഇക്കാര്യം സംയുക്ത പ്രസ്താവനയില്‍ ഉള്‍പ്പെടുത്താത്തത് എന്തു കൊണ്ടാണെന്ന ചോദ്യത്തെ പോമ്പിയോ അപലപിച്ചു.
ഉത്തര കൊറിയ ഇനി ആണവ ഭീഷണിയല്ലെന്നും, എല്ലാവരും കൂടുതല്‍ സുരക്ഷിതരായി എന്നും ട്രമ്പ് നേരത്തെ പ്രസ്താവിച്ചിരുന്നു. പക്ഷേ, ഇതിന്റെ വിശ്വാസ്യത ചോദ്യം ചെയ്യപ്പെട്ടിട്ടുണ്ട്. കാരണം, ആണവായുധങ്ങളും അതു തൊടുത്തു വിടാനുള്ള ബാലസ്റ്റിക് മിസൈലുകളും ഇപ്പോഴും ഉത്തര കൊറിയയുടെ കൈവശമുണ്ട്. അത് എന്നു നശിപ്പിക്കുമെന്ന കാര്യത്തില്‍ ഇനിയും വ്യക്തത വന്നിട്ടില്ല.

Other News

  • രാഷ്ട്രീയ പക്ഷപാതിത്വം ആരോപിച്ച് യുഎന്‍ മനുഷ്യാവകാശ കൗണ്‍സിലില്‍നിന്ന് യുഎസ് പുറത്തേക്ക്
  • അനധികൃത കുടിയേറ്റക്കാര്‍ക്കു വേണ്ടിയുള്ള വേട്ട; നിരവധി ഇന്ത്യക്കാര്‍ അമേരിക്കന്‍ ജയിലില്‍ കഴിയുന്നു
  • ചൈനയുടെ നികുതി നയത്തിനെതിരെ ട്രമ്പ്‌; അമേരിക്കയെ ഉപയോഗിച്ച് ചൈന വളരുന്നു
  • ഇന്ത്യന്‍ കോണ്‍സുല്‍ ഓംപ്രകാശ് മീനയ്ക്ക് യാത്രയയപ്പു നല്‍കി
  • ബിജു മാത്യുവിന് കൊപ്പെല്‍ സിറ്റി കൗണ്‍സില്‍ തെരഞ്ഞെടുപ്പില്‍ വിജയം
  • ആല്‍ബനിയില്‍ ഈദുല്‍ ഫിത്വര്‍ ആഘോഷിച്ചു
  • ഷിക്കാഗോയില്‍ സൗജന്യ മെഡിക്കല്‍ പരിശോധനാ ക്യാമ്പ് നടത്തുന്നു
  • 200 ബില്യണ്‍ ഡോളറിന്റെ ചൈനീസ് ഉത്പന്നങ്ങള്‍ക്കു കൂടി തീരുവ ഏര്‍പ്പെടുത്തുമെന്ന് ട്രമ്പിന്റെ മുന്നറിയിപ്പ്; വ്യാപാര യുദ്ധം പടിവാതില്‍ക്കലെന്ന് ആശങ്ക
  • പ്രശസ്ത അമേരിക്കൻ യുവ ഗായകൻ ടിപ്പിൾ എക്സ് ടെൻസാനിയൻ വെടിയേറ്റു മരിച്ചു
  • കെ.എച്ച്.എന്‍.എ മിഷിഗനു നവ നേതൃത്വം
  • ന്യൂജേഴ്​സിയിൽ വെടിവെപ്പ്​: അക്രമി കൊല്ലപ്പെട്ടു; 22 പേർക്ക്​ പരിക്ക്​
  • Write A Comment

     
    Reload Image
    Add code here