ഹിജാബ് നിബന്ധന; ഇറാനില്‍ നടത്തുന്ന ഏഷ്യന്‍ ചെസ് ചാമ്പ്യന്‍ഷിപ്പില്‍ നിന്ന് ഇന്ത്യന്‍ ഗ്രാന്‍ഡ് മാസ്റ്റര്‍ സൗമ്യ സ്വാമിനാഥന്‍ പിന്‍വാങ്ങി

Wed,Jun 13,2018


ന്യൂഡല്‍ഹി: സ്‌പോര്‍ട്‌സ് വേദികള്‍ ഉള്‍പ്പെടെ പൊതുസ്ഥലങ്ങളില്‍ ഹിജാബ് ധരിക്കണമെന്ന നിബന്ധനയോട് എതിര്‍പ്പ് പ്രകടിപ്പിച്ചു കൊണ്ട് ഇറാനില്‍ ജൂലൈ 26 മുതല്‍ ഓഗസ്റ്റ് നാലു വരെ നടത്തുന്ന ഏഷ്യന്‍ ടീം ചെസ് ചാമ്പ്യന്‍ഷിപ്പില്‍ നിന്ന് പിന്മാറുകയാണെന്ന് ഇന്ത്യന്‍ ഗ്രാന്‍ഡ് മാസ്റ്റര്‍ സൗമ്യ സ്വാമിനാഥാന്‍ അറിയിച്ചു. ശിരോവസ്ത്രം ധരിക്കണമെന്ന നിബന്ധന തന്റെ മനുഷ്യാവകാശത്തെയും, അഭിപ്രായ സ്വാതന്ത്രത്തെയും, ചിന്തകളെയും, മതത്തെയും ഹനിക്കുന്നതാണെന്നു കരുതുന്നതായി പിന്മാറ്റം പ്രഖ്യാപിച്ചു കൊണ്ട് ഫേസ്ബുക്കില്‍ നടത്തിയ പോസ്റ്റില്‍ സൗമ്യ കുറിച്ചു.
സ്‌പോര്‍ട്‌സ് താരങ്ങളുടെ കാര്യത്തില്‍ പോലും വിട്ടുവീഴ്ച പ്രകടിപ്പിക്കാത്ത ഇറാന്‍ അധികൃതരുടെ നിലപാടിനെ സൗമ്യ വിമര്‍ശിച്ചു. ദേശീയ ടീമിന്റെ ഡ്രസ് കോഡ് സംഘാടകര്‍ അനുവദിക്കുമെന്ന് മനസിലാക്കുന്നു. പക്ഷേ, മതപരമായ വസ്ത്രം നിര്‍ബന്ധപൂര്‍വം ധരിക്കേണ്ടി വരുന്നത് അംഗീകരിക്കാനാവില്ല. ഇറാന്റെ നിയമ വ്യവസ്ഥയെ താന്‍ ചോദ്യം ചെയ്യുന്നില്ലെന്നും, ഹിജാബ് നിര്‍ബന്ധപൂര്‍വം ധരിക്കണമെന്ന നിബന്ധനയോട് താന്‍ എതിര്‍പ്പു പ്രകടിപ്പിക്കുന്നതെന്നും ചില കമന്റുകള്‍ക്കു മറുപടിയായി സൗമ്യ ഫേസ്ബുക്കില്‍ പ്രതികരിച്ചു.
ഹിജാബ് നിയമത്തിന്റെ പേരില്‍ ഇന്ത്യന്‍ ഷൂട്ടിംഗ് താരം ഹീന സിദ്ദുവും, ജോര്‍ജിയന്‍ - അമേരിക്കന്‍ ചെസ് ചാമ്പ്യന്‍ നാസി പെകിഡ്‌സെയും മുമ്പ് ചാമ്പ്യന്‍ഷിപ്പകള്‍ ബഹിഷ്‌കരിച്ചിട്ടുണ്ട്. വിദേശത്ത് ഹിജാബ് ധരിക്കാതെ മത്സരിച്ചതിന്റെ പേരില്‍ ഇറാന്‍ ചെസ് ചാമ്പ്യന്‍ ദോര്‍സ ദേരലക്ഷ്ണിയെ ഇറാന്‍ ചെസ് ഫെഡറേഷന്‍ നിരോധിക്കുകയുണ്ടായി. ഇതേത്തുടര്‍ന്ന് അമേരിക്കന്‍ ബാനറില്‍ കളിക്കാന്‍ ദോര്‍സ നിര്‍ബന്ധിതയായി. 2016 ല്‍ ഹിജാവ് നിയമത്തിന്റെ പേരില്‍ ഇറാനില്‍ നടന്ന ലോക് ചെസ് ചാമ്പ്യന്‍ഷിപ്പ് ബഹിഷ്‌കിരക്കാന്‍ പല വനിതാ താരങ്ങളും ആഹ്വാനം ചെയ്‌തെങ്കിലും ഇറാന്‍ അധികൃതരുടെ മനസു മാറ്റാന്‍ അത് സഹായകമായില്ല. ഹിജാബിനെ ചൊല്ലി ഉയയര്‍ന്നിട്ടുള്ള വിവാദം കായിക മേഖലയില്‍ നിന്ന് ഇരാനിലെ വനിതകലെ അകറ്റാന്‍ മാത്രമേ ഉപകരിക്കുകയുള്ളൂവെന്ന് ഇറാന്‍ ചെസ് താരമായ മിത്ര ഹെജസ്‌പോര്‍ അഭിപ്രായപ്പെട്ടു.

Other News

  • പഞ്ചാബ് നാഷണല്‍ ബാങ്ക് തട്ടിപ്പു കേസിലെ പ്രതി മെഹുല്‍ ചോക്‌സി ഇന്ത്യന്‍ പൗരത്വം ഉപേക്ഷിച്ചു
  • നാഗേശ്വര റാവുവിനെ സി.ബി.ഐ ഇടക്കാല ഡയറക്ടറായി നിയമിച്ചതിനെതിരായ ഹര്‍ജി പരിഗണിക്കുന്നതില്‍ നിന്നും സുപ്രീംകോടതി ചീഫ് ജസ്റ്റിസ് രഞ്ജന്‍ ഗഗോയ് പിന്‍മാറി
  • കര്‍ണാടക കോണ്‍ഗ്രസ് എംഎല്‍എമാര്‍ തമ്മില്‍ സംഘര്‍ഷം: പരിക്കേറ്റ എം.എല്‍.എ അനന്ത് സിംഗ് ആശുപത്രിയില്‍
  • മമതയുടെ റാലിയില്‍ കൈകോര്‍ത്ത് പ്രതിപക്ഷ കക്ഷികള്‍; മോഡിയെ പുറത്താക്കുമെന്ന് പ്രഖ്യാപനം
  • ഇന്ത്യന്‍ അ​തി​ർ​ത്തി​യി​ൽ ചൈ​ന ഭൂ​ഗ​ർ​ഭ അ​റ​ക​ൾ ഒ​രു​ക്കു​ന്നു​​; ഉപഗ്രഹ ദൃ​ശ്യ​ങ്ങ​ൾ പു​റ​ത്ത്​
  • നാനോ സാറ്റലൈറ്റുകള്‍ നിര്‍മിക്കാന്‍ ഇന്ത്യ 45 രാജ്യങ്ങള്‍ക്ക് പരിശീലനം നല്‍കും: ഐഎസ്ആര്‍ഒ ചെയര്‍മാന്‍ കെ. ശിവന്‍
  • കര്‍ണാടകയില്‍ സര്‍ക്കാരിന് ഭീഷണിയില്ല; രാഷ്ട്രീയ പ്രതിസന്ധിക്ക് രണ്ട്ദിവസത്തിനുള്ളില്‍ പരിഹാരം: കെ.സി വേണുഗോപാല്‍
  • കര്‍ണാടകയില്‍ ഭരണം അട്ടിമറിക്കാന്‍ ബിജെപി നീക്കം: കോണ്‍ഗ്രസ്-ജെഡിഎസ് സര്‍ക്കാരിനുള്ള പിന്തുണ രണ്ട് സ്വതന്ത്ര എംഎല്‍എമാര്‍ പിന്‍വലിച്ചു
  • തെലങ്കാനയിലും ആന്ധ്രാപ്രദേശിലും വിമാനത്താവളങ്ങള്‍ പെരുകുന്നു; വികസന കുതിപ്പില്‍ പുതിയ മുന്നേറ്റം
  • ഉത്തര്‍ പ്രദേശില്‍ 80 ലോക് സഭാ മണ്ഡലങ്ങളിലും സഖ്യമില്ലാതെ ഒറ്റയ്ക്ക് മത്സരിക്കുമെന്ന് കോണ്‍ഗ്രസ്
  • ബലാത്സംഗത്തിനിരയാക്കിയ പെണ്‍കുട്ടിയെ ജാമ്യത്തിലിറങ്ങിയ പ്രതികള്‍ വിഷം കുടിപ്പിച്ചു
  • Write A Comment

     
    Reload Image
    Add code here