'തരിവളയിട്ട കൈകള്‍' നിയന്ത്രിക്കുന്ന ഷോപ്പിംഗ് മാള്‍ കോഴിക്കോട്ട് ഒരുങ്ങുന്നു

Wed,Jun 13,2018


കോഴിക്കോട്: വനിതകളുടെ നിയന്ത്രണത്തിലുള്ളതും വനിതകളുടെ കാര്യങ്ങള്‍ക്ക് മുന്‍തൂക്കം നല്‍കുന്നതുമായ ഷോപ്പിംഗ് മാള്‍ കോഴിക്കോട്ട് ഒരുങ്ങുന്നു. അടുത്ത ഓണക്കാലത്ത് ഉദ്ഘാടനം ചെയ്യപ്പെടുന്ന ഈ മാളില്‍ പ്രത്യക്ഷമായും, പരോക്ഷമായും മുന്നോറോളം വനിതകള്‍ക്ക് തൊഴിലവസരം സൃഷ്ടിക്കും. ജില്ലാ കുടുംബശ്രീ മിഷന്റെ സഹകരണത്തോടെ കോഴിക്കോട് കോര്‍പറേഷന്‍ കുടുംബശ്രീയാണ് നവീനമായ ഈ പദ്ധതി യാഥാര്‍ഥ്യമാക്കുന്നത്.
കുടുംബശ്രീയുടെ ഇരുപതാം വാര്‍ഷികത്തില്‍ നടപ്പാക്കുന്ന ഈ പദ്ധതിയില്‍ കുടുംബശ്രീ പ്രവര്‍ത്തകര്‍ക്ക് മുന്‍തൂക്കം നല്‍കുന്നതോടൊപ്പം വനിതാ സൊസൈറ്റികള്‍ക്കും, സ്വകാര്യ വനിതാ സംരഭകര്‍ക്കും അവസരം നല്‍കുമെന്നും കുടുംബശ്രീ പ്രൊജക്ട് ഓഫീസര്‍ റംസി ഇസ്മയില്‍ പറഞ്ഞു. 'കുടുംബശ്രീ മഹിളാ മാള്‍' എന്നു നാമകരണം ചെയ്തിട്ടുള്ള ഈ ഷോപ്പിംഗ് കേന്ദ്രം അഞ്ചു നിലകളിലായി 36,000 അടി ചതുരശ്ര സ്ഥലത്ത് വ്യാപിച്ചു കിടക്കുന്നു. മാളിന്റെ മാനേജ്‌മെന്റും ഭരണ ചുമതലയും വനിതകള്‍ക്കായിരിക്കുമെന്നു മാത്രമല്ല എല്ലാ ജീവനക്കാരും വനിതകളായിരിക്കുമെന്ന പ്രത്യേകതയുമുണ്ടായിരിക്കും. ഹെല്‍ത്ത് ക്ലബ്, ഫുഡ് കോര്‍ട്ട്, സ്പാ, കോസ്മറ്റിക് ജ്വല്ലറി കടകള്‍, വ്യവസായ സംരംഭകത്വ പരിശീലന കേന്ദ്രം, വനിതാ സഹകരണ ബാങ്ക് തുടങ്ങിയവയൊക്കെ മാളിലുണ്ടാവും. സംസ്ഥാനമൊട്ടാകെ തുടങ്ങാന്‍ ഉദ്ദേശിക്കുന്ന വിപുലീകരിച്ച കുടുംബശ്രീ ബസാറുകളുടെ തുടക്കമാണ് കോഴിക്കോട്ടെ മാള്‍ എന്ന് റംസി പറഞ്ഞു.
ഓണം, ക്രിസ്മസ്, വിഷു തുടങ്ങിയ ആഘോഷാവസരങ്ങളില്‍ പല കുടുംബശ്രീ യൂണിറ്റുകളും, വനിതകളും പല തരത്തിലുള്ള ഉത്പന്നങ്ങള്‍ വിപണിയില്‍ എത്തിക്കാറുണ്ട്. എന്നാല്‍ ആഘോഷ സീസണ്‍ കഴിയുന്നതോടെ ഇവര്‍ മാര്‍ക്കറ്റില്‍ നിന്ന് പിന്‍വാങ്ങുകയാണ് പതിവ്. ഇത്തരത്തിലുള്ളവര്‍ക്ക് സ്ഥിരമായി മാര്‍ക്കറ്റ് ലഭ്യമാക്കുക എന്ന ലക്ഷ്യമാണ് മഹിളാ മാളിന്റെ ലക്ഷ്യം. മാളില്‍ ഒരു കട ആരംഭിക്കാന്‍ ഉദ്ദേശിക്കുന്ന പ്രജിഷ ഫാഷന്‍ ഡിസൈനിംഗില്‍ ഡിപ്ലോമയും, ഡിഗ്രിയും നേടിയിട്ടുണ്ട്. വീട്ടിലിരുന്ന് ചെറിയ തോതില്‍ ഗാര്‍മെന്റ് ബിസിനസ് നടത്തുന്ന പ്രജിഷ ഗസ്റ്റ് ലക്ചററായി ക്ലാസെടുക്കാന്‍ പോകാറുണ്ട്. ഓര്‍ഡറുകള്‍ കൂടിയതോടെ പല കസ്റ്റമേഴ്‌സും ഒരു കട തുടങ്ങാന്‍ പ്രജീഷയോട് നിര്‍ദേശിച്ചിരുന്നു. മാളില്‍ ഒരു ബൊട്ടീക് തുടങ്ങാനാണ് പ്രജീഷ ഒരുങ്ങുന്നത്.
വീട്ടിലിരുന്ന് പഴം നിറച്ചത്, ഉണക്കായ, പുതിയാപ്ല കോഴി തുടങ്ങിയ രുചിക്കൂട്ടുകള്‍ തയാറാക്കി വരുന്ന ഷാഹിതയും മാളില്‍ രുചിയുടെ നിറക്കൂട്ട് ഒരുക്കാന്‍ തയാറെടുക്കുകയാണ്. സംസ്ഥാനത്തിന്റെ പല ഭാഗങ്ങളിലും നടന്ന കുടംബശ്രീ ഫെസ്റ്റുകളില്‍ സ്റ്റാളിട്ടപ്പോള്‍ ഷാഹിത തയാറാക്കിയ വിഭവങ്ങള്‍ക്ക് വലിയ ഡിമാന്‍ഡായിരുന്നു. തിരുവനന്തപുരത്തുള്ളവര്‍ക്ക് മലബാര്‍ ഭക്ഷണത്തോട് വലിയ താല്‍പര്യമാണെന്നും, അവിടെ ഒരു കട തുടങ്ങാന്‍ പലരും ആവശ്യപ്പെട്ടുവെന്നും ഷാഹിത പറയുന്നു. വൈവിധ്യമാര്‍ന്ന കഴിവുകളുള്ള വനിതകളെ ഒരു കുടക്കീഴില്‍ കൊണ്ടുവന്ന് കുടുംബശ്രീ കോഴിക്കോട്ട് പുതിയൊരു തുടക്കം കുറിക്കാന്‍ പോവുകയാണ്.

Other News

  • മനുഷ്യക്കടത്ത് കേസ് : മുനമ്പത്ത് നിന്ന് സ്വിറ്റ്‌സര്‍ലാന്‍ഡിലേക്ക് പുറപ്പെട്ട ബോട്ടില്‍ മലയാളികളില്ലെന്ന് പൊലീസ്
  • ലോക്‌സഭാ തെരഞ്ഞെടുപ്പില്‍ യുഡിഎഫിനു സര്‍വനാശം സംഭവിക്കുമെന്ന് വെള്ളാപ്പള്ളി
  • ' ഞാന്‍ എഴുതുന്നത് എന്റെ പച്ചയായ ജീവിതം' : എച്ചുമുക്കുട്ടി; സാമൂഹിക മാധ്യമ വിചാരണകളോട് എഴുത്തുകാരി പ്രതികരിക്കുന്നു
  • കേരളത്തില്‍ കഴിഞ്ഞ വര്‍ഷം കാണാതായത് 12453 പേരെ; ഇവരില്‍ 11761 പേരെ കണ്ടെത്തി
  • കണ്ണൂർ വിമാനത്താവളത്തിൽനിന്ന് കൂടുതൽ അന്താരാഷ്ട്ര, ആഭ്യന്തര സർവീസ് ആരംഭിക്കും;എയർഇന്ത്യയുടെ അമിതനിരക്ക് കുറയ്ക്കണമെന്ന് മുഖ്യമന്ത്രി: വിമാനക്കമ്പനി സി.ഇ.ഒ മാരുമായി മുഖ്യമന്ത്രി ചർച്ച നടത്തി
  • അധോലോക നായകന്‍ രവി പൂജാര വീണ്ടും ഭീഷണിപ്പെടുത്തുന്നുവെന്ന് നടി ലീന മരിയ പോള്‍
  • മനുഷ്യക്കടത്തിന് മുനമ്പത്ത് എത്തിയ സംഘത്തിന് മലയാളികളുടെ സഹായവും ലഭിച്ചുവെന്ന് അന്വേഷണ ഉദ്യോഗസ്ഥര്‍
  • ശബരിമല സ്ത്രീപ്രവേശനം: ആവശ്യങ്ങളില്‍ ഒന്നുപോലും നേടാതെ സെക്രട്ടറിയറ്റു നടയിലെ നിരാഹാര സമരം ബിജെപി അവസാനിപ്പിച്ചു
  • ശബരിമലയില്‍ 51 യുവതികള്‍ പ്രവേശിച്ചതായി സംസ്ഥാന സര്‍ക്കാര്‍ സുപ്രീംകോടതിയില്‍
  • ശബരിമല: നിരാഹാരം കിടക്കാന്‍ മുതിര്‍ന്ന നേതാക്കളില്ല; സെക്രട്ടറിയറ്റിനു മുന്നിലെ ബിജെപി സമരം ലക്ഷ്യം കാണാതെ അവസാനിപ്പിക്കുന്നു
  • കനക ദുര്‍ഗയ്ക്കും ബിന്ദുവിനും പൂര്‍ണ സമയ സംരംക്ഷണം നല്‍കണമെന്ന് സര്‍ക്കാരിനോട് സുപ്രിംകോടതി
  • Write A Comment

     
    Reload Image
    Add code here