യുഎസില്‍ നദിയില്‍ വീണ് കാണാതായ നാലംഗ മലയാളി കുടുംബത്തിലെ രണ്ടു മൃതദേഹങ്ങള്‍ കൂടി കണ്ടെത്തി; ആകെ മൂന്നു മൃതദേഹങ്ങളും കാറും വീണ്ടെടുത്തു

Tue,Apr 17,2018


സാന്‍ഫ്രാന്‍സിസ്‌കോ: അമേരിക്കയില്‍ വെള്ളപ്പൊക്കത്തില്‍ വാഹനം ഒഴുകിപ്പോയി കാണാതായ നാലംഗ മലയാളി കുടുംബത്തിലെ രണ്ടുപേരുടെ കൂടി പേരുടെയും മൃതദേഹങ്ങള്‍ കിട്ടി.
സാന്റാ ക്ലാരിറ്റയിലെ യൂണിയന്‍ ബാങ്ക് വൈസ് പ്രസിഡന്റ് സന്ദീപ് തോട്ടപ്പള്ളി (42), ഭാര്യ സൗമ്യ (38), മകള്‍ സാച്ചി, മകന്‍ സിദ്ധാര്‍ത്ഥ് എന്നിവരുടെ മൃതദേഹങ്ങളാണു കിട്ടിയത്.
മുങ്ങിപ്പോയ എസ് യു വി കാറും കരയ്‌ക്കെത്തിച്ചിട്ടുണ്ട്. ഇതില്‍ സൗമ്യയുടെ മൃതദേഹം കഴിഞ്ഞ ദിവസം തിരച്ചിലിനിടയില്‍ കണ്ടെത്തിയിരുന്നു.
ഈ മാസം ആറാം തീയതി ഉച്ചയ്ക്കായിരുന്നു അപകടം. ഓറിഗനിലെ പോര്‍ട്‌ലാന്‍ഡില്‍നിന്നു സനോസെയിലേക്കു പോകുന്നതിനിടെ റോഡിനോടു ചേര്‍ന്നു കരകവിഞ്ഞൊഴുകിയ ഈല്‍ നദിയിലേക്ക് ഇവരുടെ കാര്‍ വീഴുകയായിരുന്നു. ദക്ഷിണ കലിഫോര്‍ണിയയിലെ വലന്‍സിയയില്‍ താമസിച്ചിരുന്ന കുടുംബം ബന്ധുക്കളെ സന്ദര്‍ശിക്കാനുള്ള യാത്രയ്ക്കിടെയാണ് അപകടമുണ്ടായത്.
ഗുജറാത്തിലെ സൂറത്തില്‍ നിന്നു യുഎസില്‍ എത്തിയ സന്ദീപ് 15 വര്‍ഷം മുന്‍പാണ് അവിടെ സ്ഥിരതാമസമാക്കിയത്. കൊച്ചി പടമുകള്‍ സ്വദേശിയാണ് സൗമ്യ.
സന്ദീപിന്റെ മൃതദേഹം കാറിന്റെ പിന്‍ഭാഗത്താണു കണ്ടത്. കുട്ടികളെ രക്ഷിക്കാന്‍ പിന്നോട്ടിറങ്ങിയതാണെന്നു കരുതുന്നു. കാറിന്റെ വിന്‍ഡോ തകര്‍ന്നിരുന്നു.
കാര്‍ നദിയിലേക്കു വീഴുന്നതു കണ്ട ദൃക്‌സാക്ഷിയാണു പൊലീസിനെ വിളിച്ചറിയിച്ചത്. പൊലീസ് എത്തിയപ്പോഴേക്കും കാര്‍ വെള്ളത്തില്‍ മുങ്ങിത്താണിരുന്നു. അപകടസ്ഥലത്തുനിന്ന് അര മൈല്‍ അകലെ നാലടിയിലേറെ താഴ്ചയില്‍ ചെളി കയറി മുങ്ങിക്കിടക്കുകയായിരുന്നു കാര്‍.
സന്ദീപിന്റെയും സാച്ചിയുടെയും മൃതദേഹങ്ങള്‍ കാറില്‍ നിന്നു കണ്ടെടുത്തു മോര്‍ച്ചറിയിലേക്കു മാറ്റി. അപകടം നടന്ന സ്ഥലത്തുനിന്ന് ഏഴു മൈല്‍ അകലെനിന്നു സൗമ്യയുടെ മൃതദേഹം വെള്ളിയാഴ്ച കണ്ടെടുത്തിരുന്നു. കനത്ത മഴ തുടരുന്നതിനാലാണ് തിരച്ചില്‍ ശ്രമകരമായി മാറിയത്.

Other News

  • ജോണ്‍സണ്‍ ആന്‍ഡ് ജോണ്‍സണിന്റെ ടാല്‍കം പൗഡറില്‍ ആസ്ബസ്റ്റോസ് അംശമുണ്ടെന്ന് കമ്പനിക്ക് അറിയാമായിരുന്നുവെന്ന് റിപ്പോര്‍ട്ട്; കമ്പനിയുടെ ഓഹരി വില ഇടിഞ്ഞു
  • ലൈംഗിക ബന്ധം ആരോപിച്ച വനിതകളെ നിശബ്ദരാക്കുന്നതിന് പണം നല്‍കുന്നത് തെറ്റാണെന്ന് ട്രമ്പിന് അറിയാമായിരുന്നുവെന്ന് മുന്‍ അറ്റോര്‍ണി കോഹന്‍
  • വിമാനത്തിലെ ലൈംഗികാതിക്രമം; ഇന്ത്യക്കാരന് അമേരിക്കയില്‍ തടവുശിക്ഷ, നാടുകടത്താനും ഉത്തരവ്
  • മധ്യപ്രദേശില്‍ കമല്‍നാഥ് മുഖ്യമന്ത്രിയാകും; രാജസ്ഥാനിലും, ഛത്തീസ്ഗഡിലും തര്‍ക്കം തുടരുന്നു
  • കെ.എച്ച്.എന്‍.എ ന്യൂജേഴ്‌സി കണ്‍വന്‍ഷന് പിന്തുണയുമായി ഡിട്രോയിറ്റ് ചാപ്റ്റര്‍
  • ഫോമാ വില്ലേജിന് മലയാളി അസോ. ഓഫ് സൗത്ത് വെസ്റ്റ് ഫ്‌ളോറിഡ പതിനാറായിരം ഡോളര്‍ നല്‍കും
  • കാന്‍ജ് ജിംഗിള്‍ ബെല്‍സ്' ക്രിസ്മസ് ന്യൂ ഇയര്‍ ആഘോഷങ്ങള്‍ സംഘടിപ്പിച്ചു
  • ഓസ്റ്റിനില്‍ ഒരു ബില്യണ്‍ ഡോളര്‍ മുടക്കി ആപ്പിള്‍ കമ്പനി പുതിയ കാമ്പസ് നിര്‍മിക്കുന്നു; 150,00 തൊഴിലവസരങ്ങള്‍ സൃഷ്ടിക്കും
  • ട്രമ്പിന്റെ മുന്‍ അറ്റോര്‍ണി മൈക്കിള്‍ കോഹന് മൂന്നു വര്‍ഷം തടവ്; ട്രമ്പിനു വേണ്ടി രണ്ടു വനിതകള്‍ക്ക് പണം നല്‍കിയ ഇടപാടും, കള്ളം പറഞ്ഞതും വിനയായി
  • കേസ് നടത്തിപ്പ് ഫീസായി സ്റ്റോമി ഡാനിയല്‍സ് മൂന്നു ലക്ഷം ഡോളര്‍ ട്രമ്പിന് നല്‍കണമെന്ന് കോടതി
  • മിസോറി സിറ്റി മേയറായി യൊലാന്ത ഫോര്‍ഡിന് ചരിത്ര വിജയം
  • Write A Comment

     
    Reload Image
    Add code here