നീലചലച്ചിത്ര നടിയ്ക്ക് കൊടുത്തത് തന്റെ പോക്കറ്റിലെ പണമാണെന്ന് ട്രമ്പിന്റെ അഭിഭാഷകന്‍; പ്രസിഡന്റില്‍ നിന്നോ തെരഞ്ഞെടുപ്പ് ഫണ്ടില്‍ നിന്നോ പണം തിരിച്ച് ഈടാക്കിയിട്ടില്ലെന്നും വെളിപെടുത്തല്‍

Wed,Feb 14,2018


വാഷിങ്ടണ്‍: ട്രമ്പിനെതിരെ ലൈംഗികാരോപണമുന്നയിച്ച നീലച്ചിത്ര നടി സ്റ്റോമി ഡാനിയലിന് നല്‍കിയത് തന്റെ സ്വന്തം പണമാണെന്ന് പ്രസിഡന്റ് ട്രമ്പിന്റെ അഭിഭാഷകനായിരുന്ന മൈക്കള്‍ ഡി കോഹന്‍. 1,30,000 ഡോളര്‍ താന്‍ നീലചലച്ചിത്ര നടിയ്ക്ക് കൈമാറി എന്ന കാര്യം ന്യൂയോര്‍ക്ക് ടൈംസിനോടാണ് കോഹന്‍ വെളിപെടുത്തിയത്. സ്വന്തം പോക്കറ്റിലുള്ള പണമാണ് സ്റ്റോമി ഡാനിയേലിന് നല്‍കിയതെന്നും ട്രമ്പില്‍ നിന്നും ട്രമ്പുമായി ബന്ധപ്പെട്ട മറ്റാരില്‍ നിന്നും താന്‍ അത് തിരിച്ച് ഈടാക്കിയിട്ടില്ലെന്നും കോഹന്‍ പറഞ്ഞു.

ട്രമ്പ് ഓര്‍ഗൈനൈസേഷന്റെ കൗണ്‍സിലറായി പത്തുവര്‍ഷത്തോളം ജോലി ചെയ്തിരുന്നയാളാണ് മൈക്കല്‍ കോഹന്‍. പ്രസിഡന്റ് തിരഞ്ഞെടുപ്പ് പ്രചാരണം നടക്കുന്ന വേളയില്‍ ട്രമ്പിനെതിരെ ലൈംഗീക ആരോപണവുമായി നടി പരസ്യമായി രംഗത്തെത്തിയിരുന്നതായും ഇത് തടയുന്നതിനായി കോഹന്‍ പണം നല്‍കിയതായും വാള്‍ സ്ട്രീറ്റ് ജേര്‍ണല്‍ റിപ്പോര്‍ട്ട് ചെയ്തിരുന്നു. ട്രമ്പിന്റെ തെരഞ്ഞെടുപ്പ് ഫണ്ടില്‍ നിന്നാണ് പണം എടുത്തതെന്ന് ആരോപണമുണ്ടായി. എന്നാല്‍ ഇതെല്ലാം നിഷേധിച്ച് കോഹന്‍ രംഗത്തെത്തുകയായിരുന്നു.

എന്നാല്‍ താങ്കള്‍ പണം കൊടുത്തതിനെക്കുറിച്ച് ട്രമ്പിന് അറിവുണ്ടായിരുന്നോ എന്ന ചോദ്യത്തില്‍ നിന്നും കോഹന്‍ ഒഴിഞ്ഞുമാറി. കൂടുതല്‍ വിശദാംശങ്ങള്‍ക്ക് അദ്ദേഹം മുതിര്‍ന്നതുമില്ല.

Other News

  • വിശുദ്ധ യുദാശ്ലീഹായുടെ തിരുനാളും, തിരുശേഷിപ്പ് വണക്കവും
  • ശബരിമല; ഓര്‍ഡിനന്‍സ് ഇറക്കണമെന്ന് കര്‍മ സമിതി
  • എം.എം.ജേക്കബിനെ 'ഓര്‍മ' അനുസ്മരിച്ചു
  • എസ്.എം.സി.സി. ലൈബ്രറി ഉദ്ഘാടനം ചെയ്തു
  • ഫോര്‍ട്ട്‌ബെന്‍ഡ് കൗണ്ടിയില്‍ പ്രചാരണത്തിന് ചൂടേറി; കെ.പി.ജോര്‍ജും ജൂലി മാത്യുവും വിജയ പ്രതീക്ഷയില്‍
  • പ്രവീണ്‍ വധക്കേസ്; സുപ്രീംകോടതിയില്‍ അപ്പീല്‍ സമര്‍പ്പിച്ചു
  • ഫ്രം സിംഗപ്പൂര്‍ ടു ന്യൂയോര്‍ക്ക് ; ഏറ്റവും ദൈര്‍ഘ്യമേറിയ പ്രഥമ നോണ്‍ സ്റ്റോപ് വിമാന യാത്ര നിയന്ത്രിച്ചത് ഇന്ത്യന്‍ വംശജര്‍
  • പ്രളയക്കെടുതി: കൈത്താങ്ങായി മാര്‍ത്തോമ്മ യൂത്ത് ഫെലോഷിപ്പും
  • ജമാല്‍ ഖഷോഗിയുടെ 'തിരോധാനം'; സൗദി പ്രതിരോധത്തില്‍, മൈക്ക് പോമ്പിയോ അടിയന്തരമായി സൗദി സന്ദര്‍ശിക്കുന്നു
  • സീറോ മലബാര്‍ നാഷണല്‍ കണ്‍വന്‍ഷന്‍; സോമര്‍സെറ്റില്‍ രജിസ്‌ട്രേഷന്‍ കിക്കോഫ് ഒക്ടോബര്‍ 28 ന്
  • ഡാളസില്‍ സീറോ മലബാര്‍ കണ്‍വന്‍ഷന്‍ രജിസ്‌ട്രേഷന്‍ കിക്കോഫ് നടത്തി
  • Write A Comment

     
    Reload Image
    Add code here