പണത്തിനായി കുട്ടിയെ തട്ടിക്കൊണ്ടുപോയി കൊലപ്പെടുത്തി സ്യൂട്ട്‌കേസിലാക്കിയ അയല്‍വാസി പിടിയില്‍

Wed,Feb 14,2018


ന്യൂഡല്‍ഹി: തട്ടിക്കൊണ്ടുപോയ ഏഴുവയസുകാരനെ കൊലപ്പെടുത്തി സ്യൂട്ട് കെയ്‌സില്‍ ഒളിപ്പിച്ചുവെച്ച അയല്‍വാസി അറസ്റ്റില്‍.
ഉത്തര്‍പ്രദേശ് സ്വദേശിയും കുട്ടിയുടെ അയല്‍വാസിയുമായ അവദേശ് സാക്യ എന്നയാളാണ് പിടിയിലായത്. കുട്ടിയെ കാണാതായതു സംബന്ധിച്ച് പോലീസില്‍ പരാതി നല്‍കാനും തിരച്ചില്‍ നടത്താനും വീട്ടുകാര്‍ക്കൊപ്പം നിന്നയാളാണ് അഭിനയത്തിനൊടുവില്‍ കുടുങ്ങിയത്.
ജനുവരി ഏഴിനു വൈകിട്ടാണ് ഉത്തര ഡല്‍ഹിയിലെ നാഥുപുരയില്‍നിന്ന് ആശിഷ് എന്ന ഏഴുവയസ്സുകാരനെ കാണാതായത്.
37 ദിവസങ്ങള്‍ക്കു ശേഷം സാക്യയുടെ വീട്ടില്‍ നിന്ന് കുട്ടിയുടെ മൃതദേഹം കണ്ടെത്തുകയായിരുന്നു.
ഉത്തരപ്രദേശിലെ ഇറ്റാ സ്വദേശിയായ സാക്യ, താന്‍ സിവില്‍ സര്‍വീസിനു തയാറെടുക്കുകയാണെന്നും മൂന്നു തവണ പരീക്ഷ എഴുതിയിരുന്നുവെന്നുമാണ് പൊലീസിനോട് പറഞ്ഞത്. അതേസമയം, സിബിഐയിലെ ഉയര്‍ന്ന ഉദ്യോഗസ്ഥനാണെന്നായിരുന്നു ഇയാള്‍ ആശിഷിന്റെ കുടുംബത്തോടും നാട്ടുകാരോടും പറഞ്ഞിരുന്നത്.
ആശിഷിനെ കാണാതായപ്പോള്‍ തനിക്ക് സിബിഐയിലെ ഉദ്യോഗസ്ഥരെ പരിചയമുണ്ടെന്നും അന്വേഷണം അങ്ങോട്ടുമാറ്റാമെന്നും സാക്യ പറഞ്ഞു.
കുട്ടിയെ കണ്ടെത്തുന്നതിനായി ക്രൈംബ്രാഞ്ചിന്റെ സ്‌പെഷല്‍ സെല്ലിന്റെയും സഹായം തേടാമെന്നും ഇയാള്‍ ഉറപ്പുനല്‍കിയിരുന്നു. കുട്ടിയുടെ തിരോധാനത്തിനുശേഷം നാലാഴ്ചയോളം കുട്ടിയുടെ വീട്ടില്‍തന്നെയായിരുന്നു സാക്യ കഴിഞ്ഞിരുന്നത്. ആഹാരം കഴിച്ചതും അന്വേഷണ ഉദ്യോഗസ്ഥരെ കാണാന്‍ പോയതും സാക്യയ്‌ക്കൊപ്പം തന്നെയായിരുന്നുവെന്ന് പിതാവ് പറഞ്ഞു.
അയല്‍ വീടുകളില്‍ പോലീസ് തിരച്ചില്‍ നടത്തുമ്പോള്‍ തന്റെ വീട്ടിലേക്ക് ഉദ്യോഗസ്ഥര്‍ വരാതിരിക്കാന്‍ ഇയാള്‍ പ്രത്യേകം ശ്രദ്ധ പുലര്‍ത്തിയിരുന്നു.
വീട്ടില്‍ നിന്ന് ദുര്‍ഗന്ധം വരുന്നത് ശ്രദ്ധയില്‍ പെടുത്തിയ ചിലരോട് എലിചത്തതിന്റെ ആണെന്ന് പറഞ്ഞു. തെളിവിനായി എലികളെ കൊന്നിട്ടത് കാണിക്കുകയും എയര്‍ ഫ്രഷ്‌നര്‍ അടിച്ച് ദുര്‍ഗന്ധം ഒഴിവാക്കുകയും ചെയ്തിരുന്നു. കുടുംബത്തില്‍ നിന്ന് പണം തട്ടാനാണ് കുട്ടിയെ തട്ടിക്കൊണ്ടുപോയതെന്നാണ് പോലീസ് നിഗമനം. പ്രതിയെ ചോദ്യം ചെയ്തുവരികയാണ്.

Other News

  • ബി.എം.ഡബ്ല്യു കാറില്‍ എത്തി മറാത്തി സീരിയല്‍ നടിയുടെ മുന്നില്‍ സ്വയം ഭോഗം ചെയ്തു മുങ്ങിയ ആളെ രണ്ടു മണിക്കൂറിനുള്ളില്‍ പോലീസ് പൊക്കി
  • കഞ്ചാവിന്റെ ഗുണങ്ങള്‍ പഠിച്ച് റിപ്പോര്‍ട്ട് സമര്‍പ്പിക്കാന്‍ പ്രധാനമന്ത്രിയുടെ ഓഫീസ് നിര്‍ദ്ദേശിച്ചു
  • നരേന്ദ്ര മോഡിയുടെ പ്രഭാഷണം ശ്രവിക്കാനായി ദളിത് വിദ്യാര്‍ത്ഥികളെ കുതിരാലയത്തിലേക്ക് മാറ്റി
  • പഞ്ചാബ് നാഷണല്‍ ബാങ്ക് തട്ടിപ്പ്: അന്വേഷണം അംബാനി കുടുംബത്തിലേക്കും നീളുന്നു
  • ഛത്തീസ്ഗഢില്‍ ഏറ്റുമുട്ടലില്‍ 20 നക്‌സലുകളെ വധിച്ചതായി പോലീസ് മേധാവി; രണ്ടുപോലീസുകാരും ഒരു ഗ്രാമീണനും കൊല്ലപ്പെട്ടു
  • മേഘാലയയില്‍ മൈന്‍ സ്‌ഫോടനത്തില്‍ എന്‍സിപി സ്ഥാനാര്‍ഥി ഉള്‍പ്പെടെ നാലുപേര്‍ കൊല്ലപ്പെട്ടു
  • ബാങ്ക് തട്ടിപ്പുകള്‍ തുടര്‍ക്കഥയാകുന്നു; അയ്യായിരം കോടി രൂപയോളം തിരിച്ചടയ്ക്കാനുള്ള വിക്രം കോത്താരി രാജ്യം വിട്ടതായി സൂചന
  • ഛത്തീസ്ഗഢില്‍ നക്‌സലുകളുമായി ഏറ്റുമുട്ടല്‍: രണ്ടുപോലീസുകാരും ഒരു ഗ്രാമീണനും കൊല്ലപ്പെട്ടു
  • ആന്ധ്രയിലെ തടാകത്തില്‍ ഏഴു മൃതശരീരങ്ങള്‍ കണ്ടെത്തി; മരണം എങ്ങനെയെന്നറിയാതെ പോലീസ്
  • സുന്‍ജ്വാന്‍ സൈനിക ക്യാമ്പ് ആക്രമിച്ച ജയ്‌ഷെ മുഹമ്മദ് ഭീകരര്‍ ഇന്ത്യയിലെത്തിയത് ജൂണിലെന്ന്
  • സുന്‍ജ്വാനിലെ സൈനിക ക്യാമ്പ് ആക്രമണത്തിലൂടെ ഭീകരര്‍ ഇന്ത്യയെ അടിമുടി വിറപ്പിച്ചെന്ന് മസൂദ് അസ്ഹര്‍
  • Write A Comment

     
    Reload Image
    Add code here