സിനിമയില്‍ നിന്ന് വിരമിക്കുന്നു; ഇനി ജീവിതം ജനസേവനത്തിന്: കമല്‍ ഹാസന്‍

Wed,Feb 14,2018


ബോസ്റ്റണ്‍: രാഷ്ട്രീയത്തിലേക്ക് പ്രവേശിക്കുന്നതോടെ സിനിമയില്‍ നിന്ന് വിരമിക്കുകയാണെന്ന് നടന്‍ കമല്‍ ഹാസന്‍.
പുറത്തുവരാനിരിക്കുന്ന രണ്ടു ചിത്രങ്ങളാണുള്ളത്. അതോടെ പൂര്‍ണമായും അഭിനയ രംഗം വിടും. തുടര്‍ന്ന് ജനങ്ങള്‍ക്കൊപ്പം പ്രവര്‍ത്തിച്ച് മുഴുവന്‍ സമയ രാഷ്ട്രീയപ്രവര്‍ത്തകനാകുമെന്ന് കമല്‍ഹാസന്‍ അറിയിച്ചു.
അടുത്ത ബുധനാഴ്ച തന്റെ നിലപാട് വ്യക്തമാകും. രാഷ്ട്രീയ പാര്‍ട്ടി പ്രഖ്യാപിക്കുന്നതിനു മുന്നോടിയായി ഈ മാസം സംസ്ഥാന പര്യടനം ആരംഭിക്കാനിരിക്കെയാണ് കമലിന്റെ പ്രസ്താവന. ബോസ്റ്റണിലെ ഹാവാര്‍ഡ് സര്‍വകലാശാലയില്‍ ദേശീയ മാധ്യമത്തോടു സംസാരിക്കുകയായിരുന്നു അദ്ദേഹം.
അടുത്തു പുറത്തിറങ്ങാനുള്ള രണ്ടു ചിത്രങ്ങള്‍ക്കു ശേഷം എനിക്കു സിനിമയില്ല. 'സത്യസന്ധമായി ജീവിക്കാന്‍ എന്തെങ്കിലുമൊക്കെ ഞാന്‍ ചെയ്യണം. എന്നാല്‍ പരാജയപ്പെടില്ലെന്നാണ് ഞാന്‍ കരുതുന്നത്'- തെരഞ്ഞെടുപ്പില്‍ പരാജയപ്പെട്ടശേഷവും രാഷ്ട്രീയത്തില്‍ തുടരുമോ എന്ന ചോദ്യത്തിനു മറുപടിയായി കമല്‍ പറഞ്ഞു.
സിനിമാ ജീവിതത്തില്‍ നിന്നും ഞാന്‍ ഒരുപാട് പണം സമ്പാദിച്ചിട്ടുണ്ട്, രാഷ്ട്രീയത്തിലിറങ്ങുന്നത് പണമുണ്ടാക്കാനല്ലെന്നും താരം വ്യക്തമാക്കി. ഒരു നടനെന്ന നിലയില്‍ മാത്രം മരിക്കരുതെന്ന് നിര്‍ബന്ധമുള്ളത് കൊണ്ടാണ് രാഷ്ട്രീയത്തിലിറങ്ങിയത്.
രാഷ്ട്രീയ പ്രവര്‍ത്തകനായായിരിക്കും തന്റെ മരണമെന്നും കമല്‍ അറിയിച്ചു. എന്‍രെ രാഷ്ട്രീയത്തിന്റെ നിറം കറുപ്പായിരിക്കും. കാവിനിറം വ്യാപിക്കുന്നതില്‍ ആശങ്കയുമുണ്ട്. രജനിയുടെ രാഷ്ട്രീയം കാവി ആണെങ്കില്‍ അദ്ദേഹവുമായി സഹകരിക്കില്ലെന്ന് കമല്‍ ആവര്‍ത്തിച്ചു. മുഖ്യമന്ത്രി ആകുന്നതിനുവേണ്ടിയല്ല ജനസേവനത്തിനുവേണ്ടിയാണ് രാഷ്ട്രീയത്തില്‍ ഇറങ്ങുന്നതെന്നും 37 വര്‍ഷം മുമ്പേ അത് തുടങ്ങിവെച്ചതായും കമല്‍ വ്യക്തമാക്കി.

Other News

  • എസ്ടിഎ1 പദവി പ്രതിരോധ രംഗത്ത് ഇന്ത്യക്ക് നേട്ടമുണ്ടാക്കും
  • 'ഇന്ത്യ ഇനിയും 'ഹിന്ദു പാകിസ്ഥാന്‍' ആയിട്ടില്ല'
  • സില്‍ക്ക് പാതയിലൂടെ പുതിയ സാമ്രാജ്യം നിര്‍മ്മിക്കുന്ന ചൈന (ഒന്നാം ഭാഗം)
  • തകര്‍ച്ചയുടെ പടുകുഴിയില്‍നിന്നും ട്രില്യണ്‍ ഡോളറിന്റെ ഉയരത്തിലേക്ക് ആപ്പിള്‍
  • ഗ്രേസ് എം.തോമസ് നിര്യാതയായി
  • നരേന്ദ്രമോഡിയ്ക്ക് ജീവിതപങ്കാളിയെ കണ്ടെത്താന്‍ തനിക്ക് സാധിക്കുമെന്ന് ട്രമ്പ് പറഞ്ഞതായി റിപ്പോര്‍ട്ട്‌
  • ജെറ്റ് എയര്‍ വേസ് പ്രതിസന്ധിയില്‍
  • യുവാവിന്റെ ഉറക്കം കെടുത്തിയ അക്രമിയെ കസ്റ്റഡിയിലെടുക്കാനെത്തിയ ജര്‍മന്‍ പോലീസ് ഒരടിപോലും പൊക്കമില്ലാത്ത പ്രതിയെ കണ്ട് ഞെട്ടി
  • കയ്യാലപറമ്പില്‍ ചാക്കോ സ്‌കറിയ നിര്യാതനായി
  • റീത്താമ്മ തോമസ് അഴകുളത്തില്‍ നിര്യാതയായി
  • 2+2 ചര്‍ച്ചകളില്‍ ഗ്രീന്‍ കാര്‍ഡും വീസാ പ്രശ്‌നങ്ങളും
  • Write A Comment

     
    Reload Image
    Add code here