ഹര്‍ത്താല്‍ തള്ളി സിനിമക്കാര്‍; ഷൂട്ടിംഗ് മുടക്കാതെ സലിംകുമാര്‍

Thu,Jan 03,2019


കൊച്ചി: ഹര്‍ത്താല്‍ ദിനത്തിലും ഷൂട്ടിംഗ് മുടക്കാതെ സെറ്റില്‍ സജീവമായി പങ്കെടുത്ത് സലിംകുമാര്‍.
ഹര്‍ത്താലിനോട് സഹകരിക്കില്ലെന്ന് നേരത്തെ പ്രഖ്യപിച്ച സിനിമ പ്രവര്‍ത്തകര്‍ വ്യാഴാഴ്ചത്തെ ഹര്‍ത്താലും തള്ളിക്കളഞ്ഞതിന് തെളിവാണ് ഷൂട്ടിംഗുകള്‍ മുടക്കമില്ലാതെ നടക്കുന്ന വാര്‍ത്ത. ഹര്‍ത്താല്‍ ദിനത്തില്‍ സഹപ്രവര്‍ത്തകനൊപ്പം ഇരുചക്രവാഹനത്തിന് പിന്നിലിരുന്ന് സെറ്റിലേക്ക് പോകുന്നതിന്റെ ചിത്രത്തിനൊപ്പമായിരുന്നു സലിംകുമാര്‍ ഫേസ്ബുക്കിലൂടെ ഷൂട്ടിംഗ് മുടക്കമില്ലാതെ നടക്കുന്ന വിവരം പങ്കുവെച്ചത്.
സിനിമയുടെ താന്‍ അഭിനയിച്ചുകൊണ്ടിരിക്കുന്ന മധുരരാജ എന്ന സിനിമയുടെ ചിത്രീകരണം ഹര്‍ത്താല്‍ ദിനത്തിലും തുടരുന്നുവെന്നാണ് അദ്ദേഹം വ്യക്തമാക്കിയത്.
പുലിമുരുകന് ശേഷം വൈശാഖ് സംവിധാനം ചെയ്യുന്ന ചിത്രമാണ് മധുരരാജ. മമ്മൂട്ടിയാണ് നായകന്‍. പോക്കിരിരാജ പുറത്തിറങ്ങി എട്ട് വര്‍ഷത്തിന് ശേഷമാണ് വൈശാഖ് മമ്മൂട്ടിയെ നായകനാക്കി ഒരു ചിത്രം ഒരുക്കുന്നത്. തിരക്കഥ പുലിമുരുകന്റെ രചയിതാവ് ഉദയകൃഷ്ണയുടേത് തന്നെയാണ്. നെല്‍സണ്‍ ഐപ്പ് ആണ് നിര്‍മ്മാണം. ഷാജി കുമാറാണ് ഛായാഗ്രഹണം. ഗോപി സുന്ദര്‍ സംഗീതം. ഓഗസ്റ്റ് 9നാണ് ചിത്രീകരണം ആരംഭിച്ചത്.
സംസ്ഥാനത്ത് അടുത്തിടെ നടന്ന തുടര്‍ ഹര്‍ത്താലുകളോടുള്ള പ്രതികരണമെന്ന നിലയില്‍ ഹര്‍ത്താലിനോട് ഇനി സിനിമാമേഖല സഹകരിക്കില്ലെന്ന് ഫിലിം ചേംബര്‍ ആഴ്ചകള്‍ക്ക് മുന്‍പ് വ്യക്തമാക്കിയിരുന്നു. മോഹന്‍ലാല്‍ ചിത്രം ഒടിയന്റെ റിലീസ് ദിനത്തില്‍ പ്രഖ്യാപിക്കപ്പെട്ട ബിജെപി ഹര്‍ത്താലിനെത്തുടര്‍ന്നായിരുന്നു ചേംബറിന്റെ തീരുമാനം. ഹര്‍ത്താല്‍ ദിനത്തില്‍ ഇനിമേല്‍ തീയേറ്ററുകള്‍ അടച്ചിടില്ലെന്നും ചിത്രീകരണങ്ങള്‍ നിര്‍ത്തിവെക്കില്ലെന്നും ചേംബര്‍ അന്ന് വ്യക്തമാക്കിയിരുന്നു. പക്ഷേ ശബരിമലയിലെ യുവതീപ്രവേശനത്തിന് പിന്നാലെ ശബരിമല കര്‍മ്മസമിതി ആഹ്വാനം ചെയ്ത ഹര്‍ത്താലിനോട് ചലച്ചിത്രമേഖല പൊതുവില്‍ നിസ്സംഗമായാണ് പ്രതികരിച്ചത്.
വ്യാഴാഴ്ചത്തെ ഹര്‍ത്താലില്‍ സ്വന്തം റിസ്‌കില്‍ തീയേറ്ററുകള്‍ തുറക്കാന്‍ ഉടമകളോട് പറയാനാവില്ലെന്നായിരുന്നു സിനി എക്സിബിറ്റേഴ്സ് അസോസിയേഷന്‍ പ്രസിഡന്റ് ലിബര്‍ട്ടി ബഷീറിന്റെ പ്രതികരണം. തീയേറ്ററുകളെല്ലാം പൂട്ടിക്കിടക്കുമ്പോള്‍ ചില സിനിമാ ചിത്രീകരണങ്ങള്‍ ഹര്‍ത്താല്‍ ദിനത്തിലും തടസമില്ലാതെ നടന്നു.

Other News

  • മധുവിധു ആഘോഷിച്ച് ആര്യയും സയേഷയും; വൈറലായി ചിത്രങ്ങള്‍
  • സല്‍മാന്‍ ഖാന്‍ സ്വന്തമായി ചാനല്‍ തുടങ്ങുന്നു
  • കത്രീന കൈഫിന്റെ ആഡംബര വാഹന ശേഖരത്തിലേക്ക് റേഞ്ച് റോവര്‍ വോഗ് എസ്ഇയും
  • മോഡിയായി വിവേക് ഒബ്‌റോയിയുടെ വ്യത്യസ്ത ലുക്കുകള്‍ പുറത്ത്!
  • മിയ ഖലീഫ വിവാഹിതയാകുന്നു!
  • സംവിധായകന്‍ റോഷന്‍ ആന്‍ഡ്രൂസിന് നിര്‍മാതാക്കളുടെ സംഘടനയില്‍ നിന്നും വിലക്ക്
  • നടന്‍ വിശാലിന്റെ വിവാഹ നിശ്ചയം കഴിഞ്ഞു, ആശിര്‍വാദവുമായി മോഹന്‍ലാലും സുചിത്രയും
  • ലൂസിഫറിലെ അടുത്ത ക്യാരക്ടര്‍ പോസ്റ്റര്‍ ; ധ്യാനത്തില്‍ മുഴുകി മഞ്ജു
  • രണ്ടാമൂഴം തിരക്കഥയുമായി ബന്ധപ്പെട്ട കേസില്‍ സംവിധായകന്‍ ശ്രീകുമാര്‍ മേനോന് തിരിച്ചടി
  • അജയ് ദേവ് ഗണിന്റെ നായികയായി കീര്‍ത്തി സുരേഷ് ഹിന്ദിയില്‍!
  • നടി മുത്തുമണിയുടെ ഭര്‍ത്താവ് പി.ആര്‍ അരുണ്‍ സംവിധായകനാകുന്നു!
  • Write A Comment

     
    Reload Image
    Add code here