നടന്‍ പ്രകാശ് രാജ് അടുത്ത തെരഞ്ഞെടുപ്പില്‍ സ്വതന്ത്രനായി മത്സരിക്കും

Wed,Jan 02,2019


ചെന്നൈ: സംഘപരിവാര്‍ വിരുദ്ധ രാഷ്ട്രീയത്തിന്റെ വക്താവായ തെന്നിന്ത്യന്‍ ചലച്ചിത്ര നടന്‍ പ്രകാശ് രാജ് തെരഞ്ഞെടുപ്പ് രാഷ്ട്രീയത്തിലേക്കു വരാനൊരുങ്ങുന്നു.
സ്വാഭാവികഭിനയത്തിന്റെ കുലപതിയായ പ്രകാശ് രാജ് ലോക് സഭാതെരഞ്ഞെടുപ്പില്‍ സ്വതന്ത്രനായി മത്സരിക്കുമെന്നാണ് ട്വിറ്ററിലൂടെ അറിയിച്ചത്. തെന്നിന്ത്യന്‍ സിനിമാ ലോകത്തുനിന്ന് രജനികാന്തും കമല്‍ഹാസനും ഈയിടെയാണ് തെരഞ്ഞെടുപ്പ് രാഷ് ട്രീയത്തിലേക്ക് വന്നത്.
ഏത് മണ്ഡലത്തിലാണ് മത്സരിക്കുക എന്നും മറ്റ് തീരുമാനങ്ങളും വരുംദിവസങ്ങളില്‍ അറിയിക്കാമെന്നും പ്രകാശ് രാജ് പറഞ്ഞു. ആരാധകര്‍ക്ക് പുതുവത്സരാശംസകള്‍ അറിയിച്ചുകൊണ്ടുള്ള ട്വീറ്റിലാണ് താരം മനസ്സുതുറന്നത്.
'പുതിയ തുടക്കവും കൂടുതല്‍ ഉത്തരവാദിത്തങ്ങളുമാണ് പുതുവര്‍ഷം. ജനങ്ങളുടെ പിന്തുണയോടെ അടുത്ത പാര്‍ലമെന്റ് തെരഞ്ഞെടുപ്പില്‍ മത്സരിക്കും. സ്വതന്ത്രസ്ഥാനാര്‍ഥിയായിട്ടാണ് ജനവിധി തേടുക' പ്രകാശ്രാജ് ട്വീറ്റില്‍ പറഞ്ഞു.-
കഴിഞ്ഞ കര്‍ണാടക നിയമസഭാ തെരഞ്ഞെടുപ്പ് പ്രചാരണത്തില്‍ പ്രകാശ് രാജ് സജീവമായിരുന്നു. രാജ്യം ഭരിക്കുന്നവരോട് ജനങ്ങള്‍ ചോദ്യം ചോദിക്കാന്‍ തയ്യാറാകണമെന്ന് പലയിടത്തുംപ്രകാശ് രാജ് പ്രസംഗിച്ചു.
ഗോരക്ഷാ സേനയുടെ അക്രമങ്ങളും ഗൗരിലങ്കേഷ് അടക്കമുള്ളവരുടെ കൊലപാതകത്തിലും നരേന്ദ്ര മോഡി ഭരണകൂടത്തെ പ്രതിക്കൂട്ടിലാക്കി നിരവധി വിമര്‍ശനങ്ങളും അദ്ദേഹം ഉന്നയിച്ചു. ശബരിമല വിഷയത്തിലടക്കം കൃത്യമായ നിലപാട് തുറന്നുപറഞ്ഞ താരം, സംഘപരിവാര്‍ ശക്തികളുടെ കണ്ണിലെ കരടാണ്.

Other News

  • കത്രീന കൈഫിന്റെ ആഡംബര വാഹന ശേഖരത്തിലേക്ക് റേഞ്ച് റോവര്‍ വോഗ് എസ്ഇയും
  • മോഡിയായി വിവേക് ഒബ്‌റോയിയുടെ വ്യത്യസ്ത ലുക്കുകള്‍ പുറത്ത്!
  • മിയ ഖലീഫ വിവാഹിതയാകുന്നു!
  • സംവിധായകന്‍ റോഷന്‍ ആന്‍ഡ്രൂസിന് നിര്‍മാതാക്കളുടെ സംഘടനയില്‍ നിന്നും വിലക്ക്
  • നടന്‍ വിശാലിന്റെ വിവാഹ നിശ്ചയം കഴിഞ്ഞു, ആശിര്‍വാദവുമായി മോഹന്‍ലാലും സുചിത്രയും
  • ലൂസിഫറിലെ അടുത്ത ക്യാരക്ടര്‍ പോസ്റ്റര്‍ ; ധ്യാനത്തില്‍ മുഴുകി മഞ്ജു
  • രണ്ടാമൂഴം തിരക്കഥയുമായി ബന്ധപ്പെട്ട കേസില്‍ സംവിധായകന്‍ ശ്രീകുമാര്‍ മേനോന് തിരിച്ചടി
  • അജയ് ദേവ് ഗണിന്റെ നായികയായി കീര്‍ത്തി സുരേഷ് ഹിന്ദിയില്‍!
  • നടി മുത്തുമണിയുടെ ഭര്‍ത്താവ് പി.ആര്‍ അരുണ്‍ സംവിധായകനാകുന്നു!
  • സൂപ്പര്‍ ഡിലക്‌സില്‍ പോണ്‍ നടിയായി രമ്യ കൃഷ്ണന്‍
  • നമ്പി നാരായണന്റെ ജീവിതത്തെ ആസ്പദമാക്കി ഒരുക്കുന്ന ചിത്രത്തില്‍ ഷാരൂഖ് ഖാനും സൂര്യയും
  • Write A Comment

     
    Reload Image
    Add code here